輕時光

营业中

休息中

約朋友吃飯的餐廳附近發現到這間飲品店，竟然用上乳酪來做茶飲，我還真的是第一次見，而且朋友也很喜歡喝乳酪，就買來給他試試看！西瓜優格蓋茶（４２元）西瓜汁是夏天的恩物，喝起來又冰又清甜，然後配上奶滑香濃帶點微酸的優格後，吃起來多了一份乳香，又更能突出西瓜的甜，然後最底的濃濃的綠茶，但因為西瓜的甜，所以整體感覺甜度較高！紅火龍優格果昔（３８元）這杯看起來真的是滿滿的少女心，非常粉嫩的感覺！原本非常紅的紅火龍果因為加了大量的奶進去拌勻後，顏色變淺了，才弄成這顏色的！喝起來淡淡的火龍果香和水果的清甜，但又有奶的幼滑，然後跟優格混合以後會多了一股酸，但仍甜味是比較突出的！

今日嚟到天后呢一間鋪頭買嘢飲，係佢未正式表態嘅時候已經好想去。佢以新鮮水果飲品為主題，賣相睇得又飲得🍏🍎🍐🍊🍋🍒🍇🍓🍈·基本上入到去已經聞到一大陣蘋果香味，因為有幾箱蘋果囤積左喺鋪頭入面，勁香🍎😽·紅火龍優格果昔除咗賣相靚之外，真係出奇地好飲。火龍果加yogurt估唔到味道係咁夾😼，完全冇死甜嘅糖分，只有水果嘅清香。成杯嘢飲落好舒服好舒服😌！！真心大推！！·店舖入面有齊香港加油、貼紙、pepe，係真香港人先值得有更好嘅餐廳🥰🥰💛💛-紅火龍優格果昔｜$36-輕時光 (天后)天后電氣道83號利景閣地下1號舖-

係天后覓食時路過呢間果茶店，裝修非常靚，好似去左泰國d小清新cafe咁，即刻忍唔住入去睇下❣️門口有大量植物，感覺好relax內裡裝修都好chill原來呢間嘢主打yogurt飲品，價錢都唔貴紅火龍優格果昔火龍果味道非常清新，同濃郁既乳酪味好夾，質地creamy順口，真係好好飲！而且真係好靚，就咁睇心情都已經開心曬雜莓優格果茶茶底有得自選茉莉抹茶或者桂花烏龍，我地就揀左比較淡口既茉莉抹茶茶味唔會苦澀，同雜莓既味道配合得剛剛好！最令人驚喜係優格奶蓋，感覺完全不輸比大陸x茶果d，係兩種唔同既味道，但係都係咁正

成日經過天后電氣道一帶有好多隱世既店舖，今次就黎左係天橋底下面既take your time 輕時光既飲料店舖！平時成日飲黑糖珍奶，今次轉一轉飲d 健康既飲品，我就點左雜莓優格蓋綠茶（可選烏龍或綠茶底），而朋友就點左紅火龍優格果昔，即叫即做所以好新鮮！朋友個杯係用左紅火龍果肉榨汁再配yogurt, 好香甜又有點帶酸既感覺，而我個杯雜莓優格蓋綠茶，就放左yogurt係面，飲法就建議唔用飲管，好似奶蓋咁飲法，上面就飲到yogurt,而下面就飲到雜莓綠茶🍵，雜莓有點點酸但味道都唔錯，有助腸胃消化既最佳選擇！😌☺️+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

主打用新鮮水果即時打製既水果乳酪飲品，仲有水果茶同牛奶系列🍎🍊🍌🍇🍠全部採用自家熬煮既桂花冰糖水，健康少甜配方🤗樣樣都禁健康，飲完都唔會有罪惡感啦😍間舖好有文青feel，周圍佈滿晒綠葉🌱🌿🍃，完全有放鬆心情既魔力💓繁忙既生活中帶黎一點悠閒😙店主好後生又好傾得🙈同個個客都傾倒計之餘，仲會關心埋我地既近況，呢份親切感真係好罕有丫😢而且佢好用心打理，會不斷問客人意見，亦都嘗試唔同牌子既乳酪，務求搵倒更好既味道效果💡----------紅火龍優格果昔 $32用左紅肉火龍果、蘋果、乳酪、牛奶打成。紅肉火龍果普遍較甜，可以減少添加額外既糖，而且仲有抗氧化等等多種功效，好適合多啲食用😉加埋蘋果，可以增加果昔既質感😀優格亦都能夠保護腸胃😊整杯果昔都係有富豐既營養，好健康💓紅肉火龍果汁底白乳酪紋形成顏色對比鮮明既紋路，好靚，最岩打卡😆味道清甜，牛奶用左明治，所以好滑同香濃奶味，亦都係因為咁，乳酪味就偏弱左🤔不過杯果昔整體係好飲👍🌟如果想要重乳酪味，建議飲優格蓋茶，優格蓋代替奶蓋，同水果茶一樣夾得黎😉