古早味台灣原味 (已結業)

好耐之前已經係電視聽過古早味呢間餐廳，見到啲嘢食好似幾吸引，所以放工專登試吓，好近銅鑼灣地鐵站夠方便餐牌嘅選擇好多，可以揀台灣小食、湯麵、飯、甜品等等，花多眼亂，而且有一啲素食嘅選擇，好貼心啊我同朋友點左個麻辣拼盤，有豬耳、雞腎等，麻辣味唔算好重，適合我呢種唔太食得辣嘅人，但味道好香，而且每樣都煮得好入味，份量亦算多另外點左個紅燒三寶麵，有牛腱、金錢肚同牛筋，三種材料都煮得好軟熟好入味，尤其係牛腱最出色，夠厚身而且肉味濃，再加埋個湯底食得出有少少藥材嘅味道，真材實料，而且麵身嘅質地煮得剛剛好，粗身夠口感我仲叫咗個炸花枝丸，花枝丸係我嘅最愛，裏面食得出有好多墨魚肉，好爽口，係台灣必定叫嘅小食而我叫嘅飲品真係好出色，係炭燒烏龍奶茶，再加胚芽，首先佢唔會太甜，而且佢哋烏龍味道好突出，唔會俾奶味蓋過，好值得一試，價錢亦唔貴，喜出望外餐廳都幾多人幫襯，食物嘅價錢唔貴，而且味道幾好，款式又夠多，令我好似去咗台灣食嘢咁，如果掛住台灣美食就一定要嚟試下喇

晚上去銅鑼灣 shopping, 路經 Sogo 後街京都廣場，朋友推介古早味，所以我就去擦番餐。食店食物多蘿蘿，琳瑯滿目的台灣食物任你選擇。我點了紅燒三寶麵、花枝蝦排和仙草奶茶。紅燒三寶麵的三寶是牛腱、牛肚和牛筋。牛腱鹵得很入味，腍而彈牙 。 牛筋鬆軟入味，滿有骨膠原，適合女生們好好品嚐，美膚良品。湯底美味香口，湯料足，夠濃味，配上台灣麵，非一般坊間自稱台灣食店可比。花枝蝦排十分彈牙，內有蝦肉帶出蝦味，配上花枝，特顯香口惹味，令人食過返尋味。仙草奶茶，滿有台灣風味，仙草有咬口，奶茶濃滑度拿捏得很準確，一飲就知係台灣奶茶。我特別欣賞食店即叫即整，而且係人手搖茶，水準非常之高。此外，食店員工十分有禮貌，令我印象非常心刻。因為不是一兩位店員有禮，而是全店員工都很有禮貌，對每一位顧客都服務殷勤主動，真是值得一讚 x 10。

C兄週末將從此被困，記得小師弟四月壽辰，所以就襯週二晚未太忙時，請去「古早味台灣原味」一試佢近期戀上o既台灣牛肉麵作長壽麵，賀一賀XO仔。餐店紅色o既招牌好搶眼。配合埋地上o既石徑、木造枱櫈及屏風，裝潢中國風味濃厚。每個座位面前都有齊備o既餐具。彩圖餐墊清楚道出店子o既理念及來由，原來「古早味」乃傳統風味也！嘻嘻，慶生指定動作第一招當然係要啤一啤佢啦～～朝日生啤萬歲！醉雞卷（$88）：C兄真係好有小肥心架，話生日一定要食雞，所以專登留定咗份必先預訂o既特色醉雞卷。醉雞卷除咗花雕味香醇，仲滲透著杞子粒o既清甜。薄薄o既雞皮外層好軟滑，皮下o既去骨雞肉柔軟潤澤中帶點脆脆，好有驚喜！紅燒三寶麵（$75）：姐姐介紹靚麵湯底每日以牛骨燉製，三寶為牛腱、金錢肚及牛筋。牛肉湯香濃帶甜及微辣，粗粗o既麵條煙煙韌韌，極啱XO仔口味！配料牛腱軟，金錢肚夠爽脆，牛筋則非常腍滑，各有特色，唔怪得知老友記一個星期可以黎食幾次晏咁棒場啦！兩口子每人食咗一碗麵仲想飲多兩杯，所以就叫多兩款香口小食，另加多碟菜黎送酒。蒜蓉炒A菜（$58）：A菜翠綠鮮脆，蒜香惹味可口。花枝蝦排（$38/兩塊）：首次食o既花枝蝦排不單香脆