King's & Queen's 冰室 (已結業)

今次真係誤打誤撞，本来諗住去西沙茶座食野。點知早咗2個站落車，行到天都黑曬，然後見到呢間King's & Queen's 冰室 ，好奇入去望下，發現原來係一間超正、勁多打卡位嘅冰室。餐廳晝滿很有多美麗的璧晝，近門口仲放有兩隻貓店長，所以決定食呢間。選了坐門口近窗位置，仲可以近距離望住貓貓食野非常舒服。餐牌製作十分精美，打開一睇估唔到呢間冰室選擇非常多。除了一般炒粉麵飯、亦有很多家常小菜、湯羮、海鮮等等。甚至有考功夫嘅小菜，例如《家鄉百味碌鵝》、《紅棗黨參水晶雞》、《雞蟹煲》等。留意番以上幾款小菜需要提前預訂。《金牌紅燒乳鴿》（$78），估唔到呢度都有乳鴿食，好耐冇食啦，就一於試下，皮金香鬆脆，的肉夠嫰一啲都吾乾。《涼瓜炒鮮魷》（$98）本身都鍾意食涼瓜，呢啲家常小炒自己總係炒得吾夠火喉。涼瓜厚切，加上超多大大條鮮魷，加埋豉汁炒非常惹味。《薑蔥魚腩煲》（$98），最欣賞呢個餸，魚腩上粉先炸香表面，粉不會太厚，入口外仍脆內𥚃魚肉嫰滑。汁收得夠乾身，加埋適量薑蔥，呢個超好味。最後當然眼闊肚窄，食吾曬啦，不過吾好浪費，打包返去比屋企人消夜。推薦大家有機會咁啱經過又好，專登去都好，呢間冰室值得一

西沙呢間咁隱世既餐廳係寵物友善，帶完狗狗去西貢玩回程就嚟咗呢到食飯，可以坐室外咁放心飯！一嚟就揀左鮑汁鴨舌，份量作為前菜岩岩好。而最期待嘅餸呢就係紅燒乳鴿，唔係好多地方整得好味，呢到嘅乳鴿係即叫即炸皮脆肉嫩，鍾意食乳鴿既人，必點！身為鹹蛋黃愛好者嘅我即使知道黃金蝦球好邪惡，但都係要試！上枱見到賣相已經流哂口水，蝦球完全被鹹蛋黃包住，蛋黃味香濃嘅表皮完全唔厚，非常脆口，蝦肉肉質彈牙好新鮮，極惹味但又一啲都唔都唔漏！大推！海鮮方面，海魚球一上枱就即刻聞到啲鑊氣香味，啲魚唔會一夾即散，份量亦多；魚肚羹份量都係好大，爽彈有口感又唔腥。而嘢飲紅豆冰有超多紅豆，粒粒分明煮到起晒沙，最緊要係唔會太甜！重點係呢間餐服務態度真係好好，無論係book位定係到店，職員態度真係好到100分! 而且價錢都好經濟實惠！