蛇王業

营业中

休息中

每年例必跟朋友訂一至兩圍蛇宴(以往多數食工聯), 以蛇會友~上年經歷了失敗的一年(油麻地某廚藝學院), 今年為求穩陣, 就試下深水埗專業蛇店.揀左蛇王業, 因為朋友試過在地鋪食蛇羹話正, 所以就訂一圍蛇宴試試.唔算難訂, 預早個幾星期打去問, 有位, 第二日去比訂金.第一味當然係主角x 2窩, 好正, 足料炮製, 仲有成大筒薄脆及一碟檸檬葉.第二味係炸五蛇丸, 好香口兼彈牙, 全晚最好食係佢, 好快比人搶晒跟住係七彩炒蛇絲, 這個就無咩特別到椒鹽蛇碌, 真係好多年未食過, 加左辣味, 唔係個個食到辣, 我可以食多幾件, 好野味.紅燒大山瑞, 即係水魚, 外貌就一般, 但既然黎食補野, 自然要接受, 肉比想像多, 骨膠感極重生扣蛇腩, 真係第一次見, 基本上都係蛇皮, 無咩肉. 真係唔識黠形容, 其實攞去炸應該會好D 蛇汁時菜, 無咩特別, 連相都唔記得影蛇汁貴妃雞, 雞唔算肥, 有雞味, 大家開始有D飽, 食淨了.藥材龍鳳燉蛤蚧, 夠晒重口味, 原隻蛤蚧清清楚楚, 飲完變左暴龍哥到最後嘅生炒糯米飯, 花生臘味足料, 飯身帶點濕(有些人喜歡乾身)總結: 蛇羹一定無得輸. 喜歡食另類野味的

天氣寒冷, 大嫂突然想食蛇宴, 哥哥叫了我倆一齊; 剛好可以食半圍 - 蛇王葉蛇肉分量好多每人分到兩碗外層炸得香口, 蛇肉香蛇碌口感煙韌, 椒鹽香脆J先生話: 爽口! 好味蛇腩煮得腍; 支竹入味第一次食山瑞, 肉質軟腍腍的雞肉又嫩又滑藥材味濃, 入口清甜時菜爽口已經很飽了, 人人也要一口試味! 最後每人也分一碗糯米飯炒得好好味, 香濃帶少少黏! 花生不夠香脆!蛇王葉 總結: 一定要試!

年尾的時候,Kawai 應朋友之約,柴娃娃的去了蛇王業食了一餐全蛇宴! 其實我已經近十年都沒有吃蛇了,原因不明,但我記得有同媽媽一起吃過蛇羹的! 再食蛇宴,吃得固然開心,因為店家用料足,真材實料, 本身是燥底的 Kawai 吃後的一星期,都有出現過份燥熱的情況, 所以這次亦會是暫時的最後一次! 我怕流鼻血 XDD 店家安排了我們坐閣樓,都可以坐到 3 圍, 台面上已放了一支蛇膽酒,原來係包埋的,不用再額外收費, 就咁睇,支酒好似好清,但見到底下就比較混濁,估計飲最尾的味道會濃些~ 因為我唔飲酒,所以無試,但其他人話不是想像中難入喉 未齊人,唯有咬住薄脆先啦~  朋友中有人塞車,集合又遲左少少,店員已經開始催要上菜了, 不停講我地Book左幾多點,但而家已經幾多點....... 結果,先上菜,邊食邊等~ 太史五蛇羹兩大窩 遠睇的確像"碗仔翅",但食落就知分別好大,蛇肉是比較"UN"一點的! 雖然有加到豬肉,雞肉,但一條條蛇肉比它們粗好多!一眼就分得出! 有木耳絲同冬菇,藥材味不太重,加埋檸檬葉多了份清香,不過我覺得切得好粗! 七彩炒蛇絲 真係普普通通,蛇絲比蛇羹幼一點,不會太UN