小黑糖 (宏生大廈)

营业中

休息中

🌰小黑糖栗子歐蕾 $32一向都好鍾意栗子 但通常都係燜雞或者蛋糕 嘢飲真係無見過歐蕾係法文"Au Lait" 意思係含有牛奶嘅成份 但唔係純牛奶！話雖如此 奶味仍然好香濃 栗子蓉冰感重但唔會有冰粒感因為栗子味道本身唔太濃所以唔算突出 微糖對我嚟講啱啱好🍠紫薯於你珍珠 $32牛奶配搭紫薯榮攪勻後覺得味道好似維他麥精🤣珍珠煙韌彈牙 但因為俾黑糖包裹著所以即使嗌咗少糖都會比較甜💜芋見了你 $30同沐白嘅芋頭鮮奶唔一樣佢係芋頭沙冰而唔係芋泥加鮮奶同樣冰感重但唔會有冰粒感雖然芋頭味唔重 但帶大量芋頭粒粒

今日食完飯朋友話唔夠飽就黎附近呢間小黑糖買野飲。呢度主打黑糖，我地當然就揀左有黑糖既飲品。呢度有好多打卡位架。紫薯於你珍珠（$32）我load左一陣，終於明個名點解！原來用普通話讀係只屬於你！真係有意思。揀左微糖，朋友話甜度真係啱啱好，鮮奶配紫薯真係超夾，有啖啖紫薯蓉仲有好有咬口既珍珠，超正！泰好喝歐蕾珍珠（$32）我就揀左平時少見既泰茶珍珠，揀左少甜，茶味更出，而且唔會有苦既感覺，奶味香濃，味道絕對比得上泰式茶飲店。珍珠黑糖味亦好出啊。

上個星期經過厚福街，看到有家台式飲料店有人一直排著隊，吃完午飯後又看到剛好沒人排，馬上跑過去看看有什麼好喝的。原來這家是台灣過江龍，之前也有在網上看到過介紹，主打的是黑糖珍珠。既然碰巧沒人龍，那就跟媽媽一人一杯吧，都要了半糖。小黑糖珍珠厚鮮奶 $32其實一般更喜歡喝奶茶，但店員強烈推薦便試了一下厚鮮奶。黑糖珍珠煙韌、有咬勁兒，鮮奶厚而香，黑糖味濃而不會過甜。紫薯於你珍珠 $32另外值得提及的是歐蕾系列的有好幾杯的名字都好特別。媽媽點了這杯紫薯於你珍珠，非常吸睛，裡面有真正的紫薯蓉，和牛奶、黑糖有種漸變的效果。紫薯味蠻出眾，跟黑糖味很匹配。

去尖沙咀搵食， 行到厚福街呢條充滿美食嘅地方， 眼花繚亂。我嘅眼球俾一間台式珍珠奶茶店吸引住， 全因為佢嘅黑糖珍珠鮮厚奶係用4.3牛乳製成！呢度嘅黑糖珍珠鮮厚奶 標榜用台灣直送珍珠 古法秘製黑糖汁 手打奶霜 加上4.3牛乳所製成， 二話不說我就點了一杯。🙏進食前，店員告知要先把黑糖珍珠和奶霜混和！4.3牛乳果然名不虛傳，非常濃厚，和黑糖配合得天衣無縫！😋 珍珠非常好咬口。 進食至尾聲，還會可以品嚐到濃濃的奶霜， 非常滿足。😍當然這間店不是黑糖珍珠鮮厚奶一種產品， 同行的朋友點了一杯紫薯於你珍珠， 亦給了很高評價！👍喜歡台式飲品的朋友絕對可以一試。

經過厚福街見到有間手調飲品，係熱潮仍在的黑糖珍珠厚鮮奶，呢間「小黑糖」來自台灣，用台灣直送珍珠，加上古法秘方黑糖汁，已經好吸引。除左厚鮮奶，仲有其他口味，抹茶、紫薯等等都好受歡迎，而且仲有熱飲選擇，又可自選甜度。我點左推介的小黑糖珍珠厚鮮奶，友人就點紫薯於你珍珠。店內裝潢簡約，但粉藍瓷磚就好夢幻吸引，等待飲品不算耐，而且都多唔同既遊客來飲。小黑糖珍珠厚鮮奶 $32，賣相討好，珍珠份量好多好正，黑糖紋有少少，飲前要搖勻。第一口覺得好驚喜，好濃黑糖味，而且珍珠超入味，一路咬一路爆出黑糖味，仲好香好甜美，最正係我點了全糖都唔會太甜，珍珠十分Q彈煙韌。厚鮮奶超濃香滑，因為用左4.3牛乳，還有手打奶霜，所以更滑更香，而且感覺無咁膩。紫薯於你珍珠 $32，迷人粉紫色配粉藍牆身，好唯美好柔和。味道同樣濃郁的黑糖味，但同紫薯又夾到，甜度亦比厚鮮奶的低，紫薯味都重，有紫薯的粉綿感，味道豐富左。