茶墨 (已結業)

可以將水墨畫融入手搖飲品入面都可以話係非常獨樹一格，一杯杯唯美的水墨畫飲飲品，唔單止賞心悅目，而且飲過更一試難忘呀！🔮麻糬芝麻烏龍鮮奶茶    一飲便會愛上，完全是味覺和視覺的極佳體驗呀！整杯飲品藝術感滿滿，黑白混塔，真係好似水墨畫咁，真心靚！濃郁的黑芝麻醬隨意地舖在杯邊，入口有如芝麻糊般濃稠，細膩柔滑，且不會太甜；驚喜的是這麼濃厚的黑芝麻味道完全也沒有掩蓋了烏龍茶的香醇，陣陣茶香的慢慢從那些黑芝麻味滲出來，很有層次；麻糬份量也不少，煙靭軟糯,飲晒成杯都真係有少少飽嘅感覺🔮紫薯鐵觀音沙冰     賣相一樣藝術感滿分,紫紫紅紅咁有啲似雲石紋，真材實料以新鮮嘅紫薯煮成紫薯蓉，飲落會食到細細粒的紫薯粒，濃濃的紫薯香味中蘊含着鐵觀音的茶香，綿密順口，層次分明，微甜的甜度剛剛好店家還有一系列特別的意式雪糕Gelato，自家製的芝士蛋糕，都是很受歡迎的，行街行到攰攰地，坐低食個Mini high tea,食得又睇得，賞心樂事也！

水墨風茶飲🥕紫薯鐵觀音沙冰$42⭐️⭐️⭐️⭐️☆紫薯幾濃郁，而且可以食到微細既紫薯粒，紫薯中又散發住微微鐵觀音茶香，感覺幾特別，鐵觀音既茶香可以中和到紫薯既甜。🥕麻糬芋泥茉莉鮮奶綠$42⭐️⭐️⭐️⭐️☆店員提醒一定要撈混黎飲，芋泥好香滑不會太杰身容易飲，清香既茉莉花香再加上鮮奶，非常合襯，麻糬有咬口比較軟腍。🥕金莎雪糕$32⭐️⭐️⭐️⭐️☆好濃厚，完全就係金莎整成雪糕既感覺，重朱古力味又不會太甜，又有威化餅做口感，重點係低脂意式雪糕，食落都冇甘大罪惡感呀～有少量座位可以堂食======詳情======茶墨尖沙咀彌敦道100號The ONE 4樓L411號舖👣尖沙咀站B1/N5出口步行約5分鐘================

水墨風系列睇樣已經覺得好靚，跟水墨風好貼題黑糖珍珠芒果鮮奶$39Order小甜，甜度個人黎講岩岩好，Size好大杯， 黑糖珍珠好煙煙韌韌好好味，芒果鮮奶入口棉滑……好味！紫薯鐵觀音沙冰$39同樣order少甜，走Cream, 入口每啖帶有濃濃紫薯香，味道好出，鐵觀音味亦濃郁但沒有被紫薯味掩蓋， 細緻厚滑，好特别而且層次分明……超級勁好味！ 簡直不得了！ 絕對有驚喜！富士蘋果芝士蛋糕$28面層鋪有芝士粉，入口食到粒粒清甜蘋果粒好清新，蛋糕棉滑好味唔錯，不過如果size份量大一點會更加好。總結: Overall好正， 值回票價！下次一定要試埋另外兩款水墨風味道！ 希望好快可以有更多分店在其他區份，更方便更多機會買到。

冬日炎炎 最好當然飲返杯 #沙冰 #消暑#TheOne 就有好推介 可以選擇坐底堂飲 但留返坐位有限 得12個位咋～不過旁邊仲有幾張直立枱#紫薯鐵觀音沙冰 $39呢杯有 #驚喜 😍 叫咗少甜走cream甜度剛好 紫薯味好出 鐵觀音都夠濃郁兩者非常夾👍🏻👍🏻每啖帶有紫薯香同時有茶香澀味🤤🤤而且沙冰打得好綿好滑 🤔一粒有加奶打 二來真係打得夠碎推🙌🏼推🙌🏼推🙌🏼=====================#懲罰 #黃色經濟圈 #yellowTST #yellow尖沙咀 #yellowtheOne #yellow台式飲品 #yellow沙冰#hker #hkig #hongkongfood #香港加油 #食好西😋 #互推互追互讚 #nofilter

1️⃣ 麻糬芋泥鮮奶綠 (少甜) $39 🤍4/5🌩 外觀上同樣地係水墨好有美感🥰🌩 呢款鮮奶綠嘅茶味相對較特出✨🌩 麻糬唔會好甜配上奶綠啱啱好，細細粒好煙韌😋😋🌩 飲到一團團嘅芋泥球，唔會好散但係又好融，好鐘意呢種口感😍2️⃣ 紫薯鐵觀音沙冰 (少甜) $39 🤍3/5🌩 賣相好靚💕📸深淺紫色配搭出水墨畫嘅型態🎨🌩 好大杯，而且沙冰磨得好細滑好唔錯☺️🌩 紫薯味較茶味突出，不過第一次飲茶底嘅沙冰幾特別，配上紫薯有微微回甘嘅感覺😋🌩 唔知係唔係加左cream飲落有小小酸🤔下次唔加cream再試試佢~3️⃣ 日式奶茶蛋糕 (正價飲品+$28) 🤍4/5🌩 連個盒都係水墨畫風好靚😍🌩 蛋糕好軟綿，配上軟滑嘅忌廉好match😋🌩 淡淡嘅奶茶味唔會過甜👍🏼✨

得知尖沙咀the one 入面開左間勁有特色嘅飲品店。相信應該全港得佢地有，主打水墨風嘅飲品。賣個關子，勁好飲。想知咩係水墨風，建議你地去試試。因為我都解釋唔到，就係好飲咁簡單。💛價錢唔貴，良心價💛門口勁多人、等都等左起碼10-15分鐘慢工出細火。超強人氣。the one 4/f 建議搭升降機唔好搭扶手電梯，因為係4/f 再加又LG 又 UG 又 B, 總共起碼7~8 樓d 裝飾好靚，好得意menu 唔係有哂所有野，有d 係季節限定，睇pop up先有。+$29 有gelatod 味唔係日日一樣最後我叫左杯野飲同一個gelato紫薯鐵觀音沙冰$39依個係水墨風嘅其中一杯。好特別，夏天飲好啱。唔太甜，影相又靚。紫薯fans 必叫。開心果gelato食個開心果雪糕，不過gelato 就第一次健康d,冇咁甜好重開心果味。+$29 就有，我見個個都加。

同男朋友食完晚飯之後行the one，經過手搖飲品店，口痕買左兩杯黎飲，仲買多球Gelato添。我未買之前都知道茶墨主打水墨畫風既手搖飲品，但一直都無機會飲，今次興緻所致，買左兩杯，一人一杯。因為第一次飲，所以梗係買佢主打既飲品黎飲啦。我地叫左麻糬芝麻烏龍鮮奶茶同紫薯鐵觀音沙冰。兩杯都整到好似一幅水墨畫既感覺，好利害。麻糬芝麻烏龍鮮奶茶以黑色為主調，最似水墨畫。麻糬口感煙煙韌韌，好似小丸子，加上黑芝麻，就似係芝麻小湯圓甘。紫薯鐵觀音沙冰叫左無糖，沙冰口感係一粒粒既，有咬口，十分消暑。我地仲追加左$28買一球Low-fat Gelato黎食，貪佢低脂無甘肥。佢有好多款口味提供，我揀左茉莉花茶味。茶味濃厚，推薦。

甜度冰塊量可以揀，連用奶都可以揀牛奶/豆奶，素食者或者想keep fit都可以有得揀！兩杯飲品都係揀左牛奶做mix既～紫薯鐵觀音沙冰～有驚喜✨通常係茶飲店通常紫薯香芋味既都好怕係用香精溝個味出黎既，果啲化學味假到好難頂。但茶墨既紫薯意想不到似係用 堅 紫薯蓉做既，掛杯既紫薯墨飾可以食到細細未完全磨爛既紫薯粒。而成杯冰沙個紫薯味都真係幾濃下，幾乎蓋過鐵觀音既淡茶味，怪不得要叫 紫薯鐵觀音🤣唔係叫 鐵觀音紫薯，兩種配搭溝埋好清新，紫薯既膩俾淡淡鐵觀音中和翻。冰沙整體都好綿密，夏天消暑必備！頭頂篤cream要唔要都罷，因為試唔出有咩味🙈要左走甜，個人覺得走甜都已經夠飲，因為紫薯本身都帶甜，而且唔會俾額外加既糖份帶偏，可以真係試到茶飲本身既原味道。麻糬芝麻烏龍鮮奶茶～用料真心足🤦🏻‍♀️未飲先聞已經有陣好濃既芝麻香，唔知以為自己要食芝麻糊。入口順滑芝麻味好突出，有小小搶過烏龍奶茶既味，但茶墨既奶茶mix得好好，真係勝過用糖精溝既奶茶，會真係試到個茶底既味。 (因為有啲茶飲店都係標榜奶茶用鮮奶，但就mix得好難飲，奶味同茶味完全分開)麻糬粒粒好煙韌，冇乜特別味，就係一舊粉，不過同依杯野比的話個配搭

嚟親The ONE我多數都係放工去做Facial，所以次次都好衝忙。今次終於約咗喺閒日做，所以唔使咁急趕，做完仲可以去「茶墨」慢慢坐低嘆杯茶✌🏻。其實我想幫襯好耐，皆因好想試佢嘅水墨風飲品😍。小店面積細細，半開放式嘅店舖設計，座位唔多，我同朋友等咗陣先等到企位。如果係堂食嘅客人，當買完飲品後就會獲發咇咇機。呢度嘅飲品款式幾有自家特式，例如水墨風茶飲、雪糕奶昔、焦糖芝士奶蓋、冰搖茶等，價錢偏貴，最平嗰杯都要$29，不過勝在大大杯，有成500ml至600ml🥤。除咗飲品外，佢仲有賣蛋糕同低脂意式雪糕🍨。店員好好人，不斷叫我哋可以試咗味先買。紫薯鐵觀音沙冰($39)，飲品真係做到水墨風格☯️，正如小店所述，達至<杯中茶·心中墨>嘅境界。沙冰味道幾特別，雖然飲品無心目中咁紫色💜，但紫薯味相當濃郁，濃得嚟又唔會太假。沙冰口感唔止有好多冰碎，仲有一種「沙」嘅感覺。整體亦唔會太甜，幾值得試。焦糖芝士玫瑰茉莉花茶($35)，店員介紹先用飲品蓋個洞飲，之後再用飲管攪勻飲。呢度嘅芝士奶蓋富有焦糖味，但仍然比預期中鹹🧀，而味道亦比較重，攪匀後會蓋過茶味🍵。清香柚子芝士蛋糕(單價$34/飲品追加

上次黎無晒紫薯，只好試其他野飲，今次經過the One，決定一定要上樓試下紫薯鐵觀音沙冰（無糖，牛奶，$39）。今次呢杯就無上次畫得咁水墨風格，或者有可能芝麻醬比紫薯易畫？不過加左牛奶之後嘅粉紫色睇落都幾少女，自己唔鍾意甜就叫無糖，因為紫薯蓉本身都有少少甜，鍾意甜嘅話可能要叫半糖以上啦。入口會飲到比較重鐵觀音茶味，然後攪勻飲就會試到紫薯同埋少少奶香味，呢杯沙冰算係綿滑。比起有麻糬果杯真係會食到飽，呢杯相對飲落都算清爽。

一開頭以為店員比錯左，因為隻色有少少似芋頭類飲品。lol 一飲落口會飲到比較重鐵觀音茶味，然後攪勻飲到底就會係較重紫薯味。我覺得少甜已經ok！如果吾係就會太甜。係會飲到紫薯蓉，口感吾錯。頂端會有牛奶，撈勻飲落係會有奶香味。不過成杯野係會飲到有冰粒，可能D冰未打得夠碎，吾算綿滑。其實我係第一次飲紫薯類飲品。🙈因為我對食既野好奄尖。奄尖貓係我!紫薯我只會食紫薯薯條。吾食紫薯雪糕。吾飲紫薯類飲品。但為左寫更多食評比大家，今次突破一下自己咁！💪🏻同埋想試水墨風既飲品。4款入面得紫薯好似都ok想試下咁。🙈呢個免費試飲既玫瑰洛神花茶，聞落聞到好香既洛神花花香，而飲落我覺得有少少酸酸甜甜地似野莓汁。幾好飲!因為我話自己係堂食，店員A其實已經落單前幫我量度左體溫。但到左攞飲品果時，店員B同我講話要量度番體溫先有得堂食喎。然後，店員A先同番店員B講已經量度左啦。我會兩面睇既，值得一讚既係店員們都會嚴謹遵守番指示，幫堂食客人量度番體溫。但彈既位就係，店員之間溝通可以做好D，話曬量完體溫又比另一個人話未量，係會令人非常之混亂。😵另外，店舖地方吾算太大，位置吾算多，大家要留意番。

飲品鋪主打水墨風飲品，杯身會有隨意既紋路，好型格，而且打卡一流。除左可以揀番原配既牛奶，亦可轉豆乳添。另外鋪頭有賣蛋糕及雪糕，叫完飲品可以坐底慢慢嘆食物又得。仲有佢地大大力為香港加油打氣。叫左麻糬芋泥茉莉鮮奶綠($39)，紫薯鐵觀音沙冰($39)。飲品外型好靚，真係好似墨水咁隨意畫。杯身畫滿芋泥，底部見到超多麻糬，而且有大大舊芋泥，所以要攪勻好先飲。鮮奶綠既綠茶味濃郁，飲品唔會過甜。而且啖啖都係芋泥同麻糬，口感一流。麻糬好煙韌粉嫩，係會一啖接一啖咁飲。紫薯沙冰既味道較前一杯濃烈，好重紫薯味。而鐵觀音出奇地同紫薯好夾，兩者既味道都好突出，先係紫薯味，後勁就有茶香味。杯身用左紫薯畫水墨畫，而且亦係超足料，好似食緊紫薯cream既feel咁。雖然係叫沙冰，但冇出現飲到冰粒既情況，即係d冰已經打碎到勁碎勁碎，所以抵讚。飲品面有舊cream，攪勻後飲用更creamy。整體，成杯飲品由賣相到品嘗之後，都係讚口不絕，難怪咁多人買。而且飲完非常飽肚添，見到有其他顧客買另外2款既水墨風飲品，賣相更吸睛。係飲品鋪中，好值得飲既一間。

去尖沙咀行街 就黎支持黄店💛但小失望😭.整體黎講加分位係佢有得坐 同黄店而且又有蛋糕或者Gelato (低脂) .不過我都係點左佢特式手搖飲品 但啲組合有啲失望.🍹麻薯 芋泥芋莉奶綠 $39幾特別既選擇 好多地方都無而且我種轉左做豆奶😆素食者都食得但實物同張相好大出入 以為係綠綠地色 但出到黎係白色 同芋泥隻色有啲似 攪到墨筆畫唔明顯 味道方面個人覺得個配合有待改善 本身茉莉感覺清清淡淡 但麻薯口感太實在同芋泥攪到濃厚左 唔夾 好分開.🍹紫薯 鐵觀音沙冰 $39上面種會加cream唔建議全糖 太甜攪到好膩 同埋沙冰黎講唔夠凍 好快就融 希望下次可以凍利申 懲罰黄店之餘都想黄店既質素有所提升😭加油

這一天來到尖沙咀The one, 行左陣街之後我地想搵個地方坐下。見到一個近電梯口的位置，有一間飲品店，廣告上的水墨畫飲品好靚好吸引，所以來到試吓茶墨，這個店舖名稱也很有詩意喜歡他們送的貼紙我哋點左兩杯飲品，另外有個優惠價可以加配甜品，我哋叫份蛋糕一齊食。因為這一日都幾多人，我哋都等左好似大約5至10分鐘才取餐。這個紫薯鐵觀音沙冰（點左加凍牛奶的）好靚！粒粒紫薯，甜度和口感啱啱好。鐵觀音好有濃厚茶葉味，依個招牌水墨風飲品的確唔錯！好重牛奶味，綠茶味也很香。咁熱嘅天氣下抹茶雪糕奶昔都係個幾好嘅選擇，感覺清新。最後，榛子朱古力蛋糕味道也不錯，榛子朱古力味香濃，蛋糕鬆軟。如果點飲品之後可$28加配。喜歡這裏嘅飲品同埋蛋糕嘅甜味都唔會好重，帶出食材本身嘅天然香味，佢哋食材用料都幾好，有質素，以呢個價錢計其實都好值得！飲完係兩杯飲品其實好有飽肚感，哈哈！

第二次嘗試呢間飲品店，還記得第一次飲果陣覺得麻麻地，一年後再來品嘗，味道又唔同左喎！飲品店除了有茶飲，仲有雪糕食，大熱天時食杯冰凍雪糕，真係好正！飲品店也有提供少量座位給客人！Tea Affogato($58)，可以揀雲尼拿或者抹茶雪糕，而我就揀了抹茶雪糕！佢地既雪糕係意式雪糕，所以食落口感更順滑！雪糕有淡淡的抹茶回甘味，還配有特濃抹茶俾你加落去，令抹茶味更香濃！紫薯鐵觀音沙冰($39)，上次都有試過呢杯飲品，今次覺得味道比上次更好！紫薯蓉掛於杯中，做出撥墨的效果！飲既時候會飲到紫薯蓉，好有口感，而且甜品唔會好甜！清香人蔘烏龍茶($29)，呢杯茶飲是沒有糖的，岩哂唔中意飲有糖茶飲的我！烏龍茶有淡淡的茶味，反而人蔘的甘味真係好出，好正！抵我再回頭試下，果然同之前不同了！