東海堂 (將軍澳廣場)

营业中

休息中

上星期五打風無咗一日Working Day，結果今日忙到透唔到氣。男朋友(Mr.J)見我放工後目光呆滯，就話晚飯後請我食雪糕等我開心啲。Mr.J竟然記得我曾經講過想食東海堂紫薯軟雪糕，雖然佢唔太喜歡食紫薯味，但都照買咗一齊食，好幸福哦。$30紫薯味軟雪糕價錢係貴少少，但我覺得幾值嘅。依個雪糕都幾大杯，至少店員唔會唧到中間係空心嘅。雪糕都算香滑，紫薯味幾突出，不過我個人認為甜咗少少。要讚個雪糕筒好薄脆。

正所謂雨過天晴🌞琴日落完雨過後，今日真係有藍天好天氣好心情食杯紫薯雪糕先（又有藉口食下野😁）東海堂除左麵包賣外，仲有雪糕賣將軍澳依間仲要係cafe有All day breakfast 食添依個紫薯雪糕 $30 （將軍澳廣場分店限定）香滑既紫薯雪糕填滿晒成個雪糕筒一啲都唔呃秤👍🏻奶味唔算好濃，可能比紫薯味搶左😆所以都唔算係好膩不過食完依個雪糕後都已經好飽，可以唔駛食飯先🙊.

東海堂有雪糕食已經唔係新鮮事，一向都係抹茶同牛乳，有日竟然俾我發現左有新味，當然要介紹下！紫薯雪糕🍦 ($30) , 拎到上手大杯到暈（有點重其實），仲有好濃厚的紫薯味，真係好似食緊紫薯咁，奶感重，好真實的味道，不偽甜。同埋最重要既係，食完真係飽，因為雪糕真係到底，抵食！