爆爆鍋

营业中

休息中

爆爆鍋，位於銅鑼灣軒尼詩道489號銅鑼灣廣場一期1樓109號舖。 店內環境舒適，設有醬料和蔬菜自助區。餐廳是一間台式火鍋店， 亦提供多款台灣夜市小食和手搖飲品。 先點主食，然後粉麵和鍋底， 最後是追加小吃和飲品。 我們揀了綜合海鮮拼盤$148、SRF極黑牛前肩肉$168、爆炒櫻花蝦鮮鍋$12、夜市養生排骨鍋$20、懷念鹽酥雞$22、辣味涼拌牛腸$28 、珍珠翡翠檸檬$14和黑糖虎紋鮮奶$14。    🔸綜合海鮮拼盤 ～ 有大蝦、蜆、魷魚和鯛魚片，喜歡大蝦爽口新鮮。 🔸SRF極黑牛前肩肉 ～ 肉嫩味濃，油脂豐富。 🔸蔬菜 ～ 可以在自助區自選。 🔸爆炒櫻花蝦鮮鍋 ～ 店員會將鍋底先爆香，再加入湯底，櫻花蝦味好清香。 🔸夜市養生排骨鍋 ～ 足料養生鍋，有杞子和一字排骨，排骨軟腍入味。 🔸懷念鹽酥雞 ～ 酥脆香口，外脆內軟。 🔸辣味涼拌牛腸 ～ 爽口惹味，辣度剛好。 🔸珍珠翡翠檸檬 ～ 檸檬香氣突出，珍珠Q彈。 🔸黑糖虎紋鮮奶 ～ 濃醇甜蜜，奶香而不膩。 一人一鍋好衛生，推介喜歡台式火鍋的朋友。🏷️溫馨提示～ 整個用餐體驗均屬個人分享意見， 只作參考😊。

自從疫情之後，多間「一人火鍋」做主題嘅餐廳開始興起🍲 就例如係銅鑼灣廣場一期開業不久嘅「爆爆鍋」🍴餐廳原來係「牛大人」嘅副線，今次唔搞任食反而著重一人火鍋食得更精緻🤤 餐廳叫得爆爆鍋全因佢哋獨特嘅即場爆炒養生湯系列😳 當中以《 爆炒燒酒烏雞湯 》最多人推介🥴 先將藥材同烏雞爆炒，輕輕聞到香氣就可以落埋燒酒同湯，参味都幾香濃，一邊打邊爐一邊滋補👍🏻《 𝘚𝘙𝘍 極黑牛前肩肉 》 $168 4 / 5打邊爐成日出現𝘚𝘙𝘍極黑牛🤤 哩款牛味重，油脂含量低，所以都係食得較健康嘅選擇😋 肉片配搭烏雞鍋食落清甜，肉亦有兩盤份量都算多👍🏻《 綜合海鮮拼盤 》 $148 4.5 / 5海鮮色澤鮮艷，有魚塊、海蝦、蜆肉同鮮魷魚🦑 食材好明顯比任食新鮮，而今次配搭《 夜市養生排骨煲 》，湯底味道較濃郁，亦偏甜，同海鮮好夾👍🏻另外仲可加配台式小食，《炸魷魚》香脆爽口；《涼拌牛腸》麻辣惹味，切到細細粒又入味又彈牙🤤飲品當然都要來點台式飲料🥤貼心地可以自選甜度👍🏻 除左主食外，埋邊都仲有海帶結、金菇等蔬菜任夾👍🏻 最後食到好飽先知仲有雪糕食😂 整體而言食材新鮮，湯底有噱頭，係較健康嘅邊爐選擇🥴————————

同老公食飯嘅都係要揀啲啱佢食嘅嘢，打邊爐😂我又鍾意試新嘢，咁就試吓呢間啦。呢間原來係牛大人嘅全新副線！以台灣石頭火鍋作為主打嘅一人一鍋！有八種湯底，我哋揀咗兩款推薦湯底，爆炒櫻花蝦鮮鍋同麻辣鴨血火鍋。台灣石頭火鍋嘅精髓就係先炒後煮，炒過嘅章魚亁同櫻花蝦令湯頭更鮮更濃，而後者就辣中帶甜，鴨血仲要係台灣直送添架🤤我揀左澳洲N5 和牛肩胛肉眼，湯底係台灣麻辣鴨血火鍋，中辣🌶️🌶️都夠辣，牛肩胛有兩碟，一人一鍋嚟講份量都多。老公就揀左綜合海鮮拼盤，湯底係爆炒櫻花蝦鮮鍋，店員會喺我哋面前先炒香湯料再放湯落去煲，重叫我哋試飲左先，的確係幾鮮甜嘅。拼盤有四種海鮮，其中鯛魚柳最突出，因為口感好腍好軟滑，連老公都話好食。我地重追加左地道小吃，夜市炸魷魚同埋懷念鹽酥雞，係好有台灣風味，兩者都夠熱夠酥脆但對於我黎講就鹹咗少少🤏🏻而份量對於追加小食黎講都唔算少😁呢度雖然係一人一鍋，但都可以無限添加蔬菜，因為有個自助區，所以一定夠飽，仲要最後有雪條食添👏🏻唔錯唔錯，唔食肉嘅朋友可以揀素菜鍋，都係$78咋，我哋覺得幾抵食✨我諗我哋好快會再encore😆