晶荷軒

营业中

休息中

襯週末兩日連假入迪士尼度假酒店staycation, 咁啱個package又無包到lunch set, 正好可以去晶荷軒試下佢地出名嘅Disney特色點心！之前睇YouTube/食評都見有不少造型“走樣”，慶幸今次嘅各個角色造型正常，令我地放下心頭大石。不過Disney特色點心只限週末及公眾假期午餐時段，訂位後會有email詢問想預訂什麼款式特色點心，上菜速度都幾快，而且服務態度非常好，見我同同伴不停打卡，不但主動提出幫我地影相，仲會較好角度，非常專業！裝潢設計融合中西設計，但畢竟開業都有幾年，自然比坊間新派中菜廳顯得老舊，但打住迪士尼酒店旗號，尚算可以。老實說，味道還好，算係不過不失，今次主要都是衝著特色點心而去，對迪士尼迷來說，打卡一流。

今日天氣10分寒冷，大概10度左右。一早已經預訂左今日去迪士尼staycation。呢幾次去迪士尼住嘅時候都發現要在book房時book埋酒店餐廳，如果唔係就會冇嘢。當然可以叫room Service，但選擇十分少，而且等好耐。今日午餐在Crystal Lotus 食，入嚟主要為咗食卡通點心，所以冇叫套餐。迪士尼中餐嘅水準其實十分之好，以往食晚飯嘅話一定會叫北京填鴨，但今次午餐就唔會啦。首先嗌咗個荷花點心拼盤，裏面有蝦餃、黑松露小籠包、春卷同鹹水角。食完個小籠包之後覺得超級好食，所以再叫多一個單點。然後叫了幾個唔同種類嘅卡通點心，質素都非常之好，比出邊坊間有卡通點心食嘅酒樓，好食好多倍。最後甜品叫咗個陳皮燉雪梨，非常潤喉及好味😋 真的誠意推介！

星期日同屋企人入迪士尼玩，順便去左酒店既晶荷軒中菜廳食野，食左啲好得意既公仔點心落肚，好邪惡呀！原本以為啲公仔好睇唔好食，點知又唔錯喎！啲包全部都好足料，天鵝酥炸得好鬆脆，好香芋頭味，好食唯一美中不足既係叫左片皮鴨，個皮冇想像中咁脆，有啲失望總括黎講，呢間中菜廳水準唔錯，下次一定要黎食埋其他公仔點心！

因為有個朋友生日話要食啲特別野，然後就suggest咗喱間，話見到啲迪士尼點心好似好可愛咁。所以之後就打去訂位，順便預訂埋果啲點心。到咗果日，我地一行五人搭到迪士尼站再轉酒店穿梭巴士，到香港迪士尼樂園酒店。係酒店行咗陣(第一次去)就入去食。一黎度俾佢個樣嚇親麻麻地，有啲乾 紅豆包-味道其實可以，係賣相差咗啲蠔汁叉燒豬仔包-this one so cute 唔知係咪因為我朋友生日俾咁大個雞丁。一開始我仲以為係食得，點知係假既。旁邊啲細雞丁就食得，大雞丁裹面都暗藏一隻細既。雞丁蓮蓉包-個人覺得好睇唔食最後仲叫碟炒飯，同幾碟小菜。