Pillowtalk Restaurant & Bar

营业中

休息中

係屯門揾到間好有情調嘅西餐廳，餐廳暗暗嘅環境，每張餐桌都有細蠟燭，更加浪漫有氣氛☺️同朋友黎chill或情侶黎食都好有feel🎶🔸美式BBQ豬仔骨配薯條 （HK$158）豬仔骨size都幾大，燒烤醬濃度適中，唔會太鹹😙肉嘅份量都適中，仲有薯菜配住食🍟🔸Fusion避風塘軟殼蟹意粉（HK$128）意粉方面見到呢個Fusion就毫不猶豫叫左佢啦，有三大塊嘅炸軟殼蟹🦀而意粉就有避風塘嘅風格，灑上乾蒜，中意重口味嘅可以考慮呢個啦🍝今次我地仲加左HK$45升級做套餐，會配餐湯、蒜蓉包以及甜品🙌🏻餐湯係黑松露忌廉湯，黑松露味都濃郁突出。蒜蓉包重蒜味，不過甜品就無咩特別啦～

屯門的西餐選擇一向很少，多數都係出去九龍揾食，無意中發現呢間西餐，經過見到成間鋪頭環境好黑，好似好神秘咁，終於搵日黎試一試。Fusion 蒲燒鰻魚水波蛋漢堡 $92見到Menu除咗啲大路嘢之外仲有fusion 野，就叫左個burger😬 唔好睇佢賣相好似歪左咁，其實條鰻魚真係有咁長，所以佢斜斜地擺好睇之餘，仲cover到成條鰻魚。其實味道唔錯，係個汁有非常濃烈嘅酒味，令到食落感覺有少少奇怪，其實鰻魚加水波蛋再加少少蒲燒汁，已經非常多汁同夠味，個人覺得可以唔使加酒。整體有日式風味之餘，仲保留到西式漢堡包味道，唔錯唔錯。呢個ribs就唔係我叫既，不過我都食咗兩條，事關佢份量真係太大，兩個人share食就差唔多🤭賣相很可以😍食落都唔乾仲有肉汁，薯條有好多喺底😆

今晚陪男朋友入屯門買野，順便係附近搵下野食，揸車搵到條小路可以泊到車，泊低車行前少少就見到呢間餐廳，入面都幾多人，門外仲有一枱，仲有水煙食。入到去見到個menu同男朋友糾結左好耐叫豬手定豬仔骨好，最後我地叫左個美式BBQ豬仔骨配薯條同龍蝦汁海鮮意大利飯，好酒既我當然會叫返杯紅酒。加左個套餐配埋個湯、沙津同蒜蓉包，個沙津係用左胡麻醬，蒜蓉包好脆，個湯超creamy😋😋美式BBQ豬仔骨配薯條，HKD128黎講真係好大份，勁多薯條，兩個人食左一大半已經好飽，但d肉質好淋好入味。龍蝦汁海鮮意大利飯，HKD108呢個價錢都相對比出面平，我同男朋友一開始望以為飯應該唔會太多，但海鮮就舖滿哂係飯面，點知一食落去先發現原來個飯都真係唔少，我同男朋友兩份食，可以份到兩大碟飯，而海鮮方面有藍青口、蝦、魚柳。兩個人食完飽到上心口，除返開都係百幾蚊一個人，價錢好貼地👍🏻👍🏻

pillow talk romantic cafe　*同男朋友食暈全港九*　星期一入屯門做野，男友入黎接順便食埋野兜返歸。經過呢間餐廳幾多人食同感覺浪漫，就決定食佢。　環境幾舒服，樓底勁高，完全冇壓迫感，加上燈光暗暗的，岩晒細細聲傾下計，pillow talk下～我地叫左兩個餐，香草醬法式羊架配薯角及美式BBQ豬仔骨配薯條，upgrade 左，前菜一個跟沙律，一個跟餐湯，仲有甜品。沙律同湯餐跟蒜蓉包沙律係我食嘅，啲菜新鮮配日式芝麻醬，啱我健康之選。餐湯好似係蟹膏蘑菇忌廉湯，男友話蘑菇係新鮮打爛，加油蟹膏，一啲都唔求其，唔係出邊嗰啲罐頭蘑菇菇忌廉湯。點下脆脆蒜蓉包好味道。香草醬法式羊架配薯角好大碟，羊架有三件，仲有一對薯角，雞髀菇同埋菜。羊架要咗五成熟，剛剛好，外皮煎得有小小焦，所以個羊膻味更出，內面又有肉汁，好食。美式BBQ豬仔骨配薯條大舊豬仔骨，有8條骨，烤焗出來好香，加上肉上蘸上bbq醬汁，肉入口柔軟，有咬口，啖啖肉，又惹味，啃埋骨添。甜品-Tiramisu套餐跟的，Tiramisu不會太甜，入口即化，浪漫感覺提升晒！

最近相約友人係屯門食飯 無意中見到呢間餐廳🍴名幾特別 雖然對港島人黎比較遠😹但價錢都唔貴 餐廳佈置氣氛都好有格調 叫左兩個main upgrade 做set會有湯 沙律🥗蒜蓉包🍞同甜品湯係攪碎既蘑菇湯 啖啖都有蘑菇粒 濃郁但可以稠身小小口感會更好 蒜蓉包焗得好香脆卜卜 蒜蓉味再重啲會更好 👍🏻食到一半主菜就到 而且擺碟非常吸睛🤩美式bbq豬仔骨配薯條 $128Ribs係本人最愛所以係必叫！🥰一黎到就心心眼😍足足仲長過友人手臂💪🏻而且仲比我自己本身20cm長既手更大！份量好多好抵食！出面食一份ribs最少都要200up 呢個真心推薦！👍🏻表面佈滿甜甜既燒烤汁 係ribs底下既係薯條🍟都沾到啲sauce🤤而且啲肉既份量唔會得小小同全部骨 啲骨係好幼身 所以係啖啖肉整好嫩口😋多到差啲食唔晒🤣頂級安格斯肉眼配薯角 $138薯角係超肥美🤪大條口感外脆內軟 而肉眼扒一開頭落單叫左5成但最後變左7可能係聽錯左但聞落好香味道不俗😬配左黑椒汁 切落冇血水整體會比較乾身 口感煙韌🤔是日甜品係好似骰仔咁既tiramisu 仲擠左朱古力醬係面so sweet😛蛋糕🎂比較濕潤 乾身啲口感會更好

上次過黎景峰果時就留意到呢個四方框有唔少餐廳，呢日接媽咪收工順路過黎睇下有咩食，無意中俾我發現呢間pillowtalk。門面睇入去燈光較昏暗以為係酒吧，但原來有做西餐Set din餐廳播住輕快既外國音樂，氣氛輕鬆，岩哂摸摸杯底傾少女心事價錢非常相宜，main course都係$78-118，加多$30仲可以配餐，有沙律/餐湯、蒜蓉包、餐飲同甜品，岩哂我地兩個大食鬼～是日餐湯係雜菌忌廉湯，飲落淡淡既忌廉香，加左菇菌煮成、口感綿密帶顆粒，媽咪好中意飲～沙律加左芒果、青瓜同日式胡麻醬，食落酸酸瞇瞇，更加清爽開胃。估唔到真係用原條鰻魚，分分鐘厚身長身過唔少日式餐廳！鰻魚食落帶油香、無骨，如果肉質再鬆軟啲就更好～～意大利飯粒粒分明，軟硬適中有咬口，入口伴隨黑松露香，仲拌入左雜菌增加口感，唔錯Pork ribs同樣大份，話係一人餐，但其實兩個人食岩岩好。好厚肉，唔會得骨塗上滿滿BBQ醬，夠哂惹味，但略嫌未夠火候，仲有少少痴骨，有啲難切。餐飲都係正常茶水。臨尾仲有甜品，滿足哂我地既少女心簡單版既tiramisu，味道偏向清淡不甜，主要靠朱古力醬同面頭既可可粉吊味。Cream既部分雪成雪葩狀，令口感清

好友生日月份來到，筆者特意上網覓得此間「Pillowtalk Restaurant & Bar」餐廳，方便同住屯門區的大家相聚。餐廳位於舊區內的一個小角落，四周環境頗為寧靜，街上人流量不算多。唯獨這間「Pillowtalk 」整晚食客不斷，蠻熱鬧。餐廳樓底高，座位寬敞，播放著輕快音樂，提供了一個甚佳的聊天環境。筆者和友人都對餐牌大為新奇：餐牌是採用了發光設計，打開後會一直照亮著，方便食客們在昏暗的環境中細看。是日餐湯估計是忌廉雜菌湯。每一口都盡是打碎後的菇粒，但味道有點兒淡。蒜蓉包烤得香脆，空口吃時脆卜卜，蘸湯吃也相當不錯。豬仔骨是一整條的放在托盤上，起初以為需要費勁地切開，原來廚師早已切上一刀，結果不費吹灰之力便把豬仔骨成功切成7-8小件。豬仔骨烤得非常有味，表層塗了燒烤汁，入口是甜甜的醬香味。肉質是意想不到的腍，輕輕一切便可骨肉分離，不用狼狽地大力撕咬。薯條炸得剛好，另一個餐是配薯格，2者吃過後略嫌薯格炸得有少許過硬。頗特別的燒鰻魚漢堡，漢堡麵包夾著水波蛋、長鰻魚、蕃茄、瓜菜。麵包軟熟，配以燒得香口的鰻魚和鰹魚碎片，又是另有一番風味。鰻魚頗為厚身，肉質嫩滑。水波蛋感覺不算完美，切開