在蘭州

营业中

休息中

今晚呢到深水埗想食麵，就見到呢間風味十足的蘭州拉麵。門面裝修綠油油的，很亮眼！然後，廚師一身白色廚師套裝，看起來可專業了。雖然無幸見到佢到大顯身手，不過直感應該很正宗。老壇酸菜牛肉麵$38價錢實惠！$38一大碗，麵量很足，牛肉也有4-5片。湯底味道似係內地食過嘅味道，味道不錯，但食完會口乾。拉麵上枱係一餅野，要自己用筷子搞散佢，麵質偏淋，唔算彈牙。牛肉有牛味，唔柴唔硬，肉質岩岩好，幾好食，不過就薄少少。總結：呢個價錢，唔會要求好高，我覺得又幾抵食，味道都OK，如果唔想係屋企食，平平地醫飽肚 ，都可以揀佢嫁！

深水埗西九龍中心嘅美食廣場一向都係美食集中地🍽🥢，除咗近來超高人氣嘅海南雞之外，仲有一間新開嘅小店都好值得推介，佢就係「在蘭州」。綠底白字嘅門面好耀眼，再加上廚房乾淨，令人大大提升想幫襯嘅意欲。甘肅蘭州最出名就係牛肉麵，小店當然亦係賣呢味。🍜麵食選擇唔多，五款之中有四款都係牛肉麵，不過口味唔同。我認為最重要係好食，貴精不貴多。呢度定價好平，每碗都只係賣$36至$42不等，份量又夠多。唔係睇佢店舖細細，又得兩個人開工，小店其實運作得好有條理，準備功夫做到足，所以先能夠喺短時間內煮出一碗牛肉麵。留意返，煮食嘅過程係由師傅從麵團拉成麵條開始👨🏻‍🍳。唔使幾耐，幾碗牛肉麵就經已就緒。由於Food Court太多人，所以我哋決定外賣拎返Office食🥡。小店重視食物質素，因為佢哋會主動分湯，用膠袋裝住啲麵另上，以免麵條浸泡變淋。題外話，我諗起當年喺紅磡買外賣牛肉麵嘅慘痛經歷，麵條浸咗十分鐘就爛晒，完全夾唔起😭。先講麵條，我不得不佩服師傅嘅好手勢👍，同一嚿麵團，佢可以拉出唔同粗度嘅麵條，由幼至粗分別係幼麵、粗麵、韭葉、薄寬以及皮帶。而我同同事們就試咗幼麵、韭葉同埋皮帶，三款拼埋一齊能夠見到粗度有明