Chatterbox Café (K11 Musea)

营业中

休息中

終於試到呢間海南雞飯餐廳，之前已經知道佢好出名，次次經過都好多人排隊，今次早啲去攞位，6點前好拎位食晚飯啦。終於食到佢出名嘅海南雞飯、肉骨茶飯、香脆素春卷、辣魚餅、黑醬油炒蘿蔔糕，仲飲咗 四季柑同埋美祿恐龍🦖。海南雞飯飯香海南雞好滑就算雞胸肉都唔會好乾，配上三個傳統醬汁好好味，連埋佢有豆腐花嘅湯一齊食更加好食；肉骨茶，由於佢係星加坡傳統肉骨茶，所以胡椒味好勁連埋佢出嘅油炸鬼好脆口排骨都好好味🤤；另外春卷好脆口入邊仲熱辣辣；辣魚餅都好食嘅配埋個麵包，口感都唔錯；另外黑醬炒蘿蔔糕佢有三隻蝦配埋佢啲蝦黑醬唔會好濃味唔會太鹹。

尖沙咀新開的商場k11 musea，集合了世界各地很多不同知名的餐廳，其中一間是來自新加坡的Chatterbox，出名食海南雞飯，經常門口都有長長的人龍，上星期五同屋企人中午12點半到，門口已經排了十多人，其中一個是藝人鄭丹瑞，佢離開時我屋企人同佢打招呼，佢豎起手指話好好食。等了大約40分鐘入座，先看餐牌，海南雞飯餐128元，配咖啡或錫蘭奶茶，其他餐普遍都是100多元，價錢不算太貴，還可以接受。叫咗海南雞飯套餐及肉骨茶套餐，落order後十分鐘左右已上菜，很有效率。餐廳的招牌菜是海南雞飯，用的是走地雞，雖然雞沒有想像中好吃，味道偏淡，但完全去骨，亦算嫩滑，油飯也頗出色。屋企人之前喺新加坡食過當地的肉骨茶，好鍾意啲胡椒味，於是叫咗個肉骨茶試試。聞落幾香，但食落胡椒味唔算太重。整體來說，排隊時間無想像中咁耐，餐廳內環境不錯，亦有bar枱，如果一個人想去試試很快就有位，餐廳職員態度也不錯。食完個海南雞飯，沒有想像中令人很驚豔的感覺。如果對海南雞飯情有獨鍾的人可以一試，但我吃過一次後，未必會再去吃了。