唐宮小聚 (The L. Place)

营业中

休息中

上星期五去食lunch, 好多人排隊，要等大概15分鐘先有位， 但係要坐bar枱位， 坐得唔係好舒服。食物款式唔多，比一般茶樓少。嗰日叫左7樣嘢，好飽，但係食物質素麻麻。總括而言， 應該唔會再去食😂

實在太耐無出去食飯，今日帶埋家人一齊出去由於家人好專一地只愛廣東菜，所以每次都一定係食中餐😅第一次接觸哩間餐廳，係幾年前同事極力推薦佢個黑色流心包，同大學同學聚嘅時候食過一次，對佢嘅印象都唔錯。大廈唔算難揾，坐𨋢上到餐廳樓層，有成10個人排緊隊，心諗好在預先訂位。望一望入餐廳，入面有好幾張🍊枱🤔原來係因為埋單、開位、傳茶、帶位⋯⋯全部一個人包辦，個職員自己都忙到一頭煙😵‍💫就算訂咗位，有枱都好，根本無人得閒帶位，結果要企喺門口等咗15分鐘。等咗一陣，終於可以入座，枱面上嘅碗入面印咗烏蠅，雖然設計唔係好討好，不過係假嘅，唔洗驚，反而要擔心餐廳入面嘅烏蠅家族💔🤢。一坐低就有一隻係枱面度迎接我哋，有時餐廳有一兩隻小飛飛都無可避免，諗住掃開佢算，望下窗邊，成4、5隻陪我哋開餐😱😱😱即刻叫職員換位😵‍💫😵‍💫職員忙到一頭煙無停手，但仍然好有禮貌，好幫得手，讚👍🏻職員好快就幫我哋換位。餐廳係自助落單，可以加快整個用餐程序。一坐低，就可以即刻落單，之後就可以坐定定等食🍽😌脆蝦多士 ($89)，一份有3件，仲有黑松露醬。多士熱辣辣，好香脆，唔會食到成口油。份量岩岩好，唔會覺得好滯。不過價錢略貴，3啖咁

中環唐宮小聚嚟過都好幾次感覺食物質素每況越下..但勝出環境舒適，岩晒約人吹吹水小吃沙薑豬手，份量一般，味道都唔錯。小餛飩不值一叫，比超市一包包的急凍餛飩更遜色..蝦多士相對是好食！原隻大蝦上面加了黑松露醬，肉質夠爽！炸到卜卜脆熱上，無得輸！呢個黑金流沙包係全餐最好食的，熱辣辣，咬一口仲出緊煙，流沙唔會好甜，清清淡淡。必點嘅乳鴿，$39一隻，比以前細隻左，不過唔洗$40一隻，多汁！抵食👍🏻好後悔叫左冬陰公湯面，好酸！個湯味道好奇怪，連面都係酸到無論..食唔到一半！3個人食左500幾蚊，傾吓計都ok既但短期內都未必再嚟住

在中環飲茶，來來去去都係粵式茶樓，朋友特意帶我試新派特式中菜同點心。星期六的中午時分，坐無虛席！估唔到樓上舖都可以咁旺！好彩朋友訂了台唔駛等位！坐位舒適，可能太多人嘅關係，叫侍應唔係咁易！加埋食物質數，整體都唔錯嘅！🍳 鮭魚燻蛋 $69 ：  三文魚加魚子已經好味，加埋燻蛋一流！🍤 脆蝦多士 $79 ： 麵包夠脆唔油，蝦夠爽口，配埋黑松露，好味！ 🐧 可愛企鵝 $49 ：墨汁紅菜頭蝦餃，賣相真係幾可愛，一口嘅size! 唔食紅菜頭嘅我都覺得好味！🐦 白玉王鴿 $33 :  外皮脆，肉質鮮嫩，鴿肉味香，推介！🥜  黑方豆腐 $79 : 其實唔知係黑豆定點，但一口嘅份量又炸到脆卜卜都唔錯！ 🍚 荷葉飯：打開個荷葉超香，材料份量都適中，飯好乾身唔油！

過年前與同事來上環唐宮小聚吃團年飯，一行八人，可以吃很多不同的點心！難得這天沒有滿座，沒有很嘈吵，吃得也開心！推介點心有墨汁松露蝦餃、黑金流沙包、黑白無雙煎包、脆蝦多士；小菜如冰鎮鳳梨咕嚕肉、麻而不辣兼超爽滑的麻滑石斑；主食有開蔥拌麵、荷花蒸飯都相當不錯；甜品則推介陳皮燉梨，滋潤又不太甜。其他如肉鬆抓餅我覺得有點膩，麻辣燒賣也不是我杯茶。整體來說是環境、服務及食物都有水準，但價錢是偏高，午餐平均每位要$250。

今日5個人一齊食晏，唔搵間可以訂位嘅餐廳實在搞唔掂，記得老公講過唐宮小聚啲點心精緻又好味，而且坐得舒服，咁就一於試吓啦。L Place有好幾間餐廳，所以等lift上黎都要D時間。到達餐廳，發現呢度真係好光猛，好開揚，有一種精神為之一振嘅感覺！呢度仲有一個open kitchen，睇住啲點心新鮮蒸完就拎出黎。侍應安排我哋坐係乒乓波枱嘅其中一邊開餐，感覺有少少古怪，因為對正乒乓波枱對面嘅人食飯，而且張枱好大，傾計有少少難度睇吓點心紙，發現價錢都比較進取，不過一場黎到就乜都試吓啦。我哋叫咗九款點心，有d仲要為咗人人有份叫左兩籠，食到勁飽！講番啲食物，呢個松露香菇的確係必食推介，外形可愛，入面係好香嘅松露同埋菇粒，感覺健康又好味我一向鍾意食煎炸野，呢個蝦多士我勁鍾意！蝦多士香脆但唔會覺得好油膩，而且面頭隻蝦又爽口又大隻，仲有少少松露醬點綴一下，呢個點心無論口感同埋味道都非常豐富我覺得唐宮小聚都幾鍾意用松露入饌，連蝦餃入面都加左松露！墨汁蝦餃唔係幾食到墨汁味，不過黑蚊蚊一舊咁又幾搞笑囉！咬開見到入面都有好多蝦肉，真材實料，唔錯唔錯！然後，呢個蝦煎腸粉又係好值得食嘅，腸粉顔色均勻，唔會一啲咸一啲淡

三數損友飲茶暢聚，不想吃一些普通點心，相約於一家有特色的中餐館。先說餐具已夠特別，在光亮潔淨的碗底竟然發現小昆蟲！近望一下，原來是花紋圖案，夠型夠格！光看猛虎咬豬這個名字，就好像甚麼金玉滿堂之類的令人摸不著頭腦。其實是好像台式刈包的物體，以一片包夾著豬腩肉。豬腩肉入口是化的，惟醬汁過甜，幸好有一條芫茜帶起一絲清香，不然便會很膩。反而豬樣的紫薯包比想像中沒那麼甜，不過無甚特別，就是紫薯包一個。談到外型，小人更為喜歡黑金流沙包，以酷取勝，中間的流沙既多且熱，撕開後似是岩漿湧出，又好看又好味。素菜蒸餃則較為一般，餃皮有點黏口，菜味亦未見突出。手抓餅外皮有少少脆，餅身又煙煙靭靭，加上蔥粒，十分滋味。在點心紙的小炒類找到的蝦多士，蝦量甚多，有原隻蝦及蝦膠釀在多士上，脆而不油，一人一件剛剛好。荷葉飯最特別之處是其上放有一片花瓣，觀感已增添一抹清麗。飯粒有汁入味而不糊，吃下滿口荷香，配料的蝦及肉粒亦粒粒鮮明，我們都讚口不絕。環境舒服，食物又不俗，絕對是一個聚腳的好地方。