友利冰室 x 勿當奴 (D2 Place TWO) (已結業)

同我家肥妹來@yauleibistro 食個 Burger Meal.十卜嘛！可能我下午4:30左右來,所以唔洗等位,不過我都見到好多枱都已經擺咗Reserve Sign,見到網上面都話平時夜晚都要等位架！ 🔮將軍噢堡TKO 配薯條burger 未至於好juicy 不過個燒烤source 同個猪柳扒味道配搭剛剛好,個包裝紙十分欣賞呀！ burger餐可以追加炸物小食,🔮脆香雞翼 +$16🔮椒鹽燒賣 +$8🔮炸蜜糖花枝丸 +6即叫即炸,味道香口,港式小食,不過不失 🔮自家特飲或花茶 +8店家特飲都係部都係自家制,一支支放好係個雪櫃,買完個餐就自己去拎,我就加咗落神花茶,清熱養顏丫嘛！ 

是日同朋友行行下街想食返個tea，跟住見到好得意嘅勿當奴叔叔，就決定試吓呢間友利x 勿當奴。結論係如果你好想食某間M字頭嘅連鎖漢堡店，呢間一定可以滿足到你🤡🍔魚柳包餐 $48我同朋友不嬲都中意食魚柳包🤡呢度嘅比M記魚柳包起碼大1/3。魚柳仲脆脆哋嘅，醬都好足夠，口感夠濕潤。但略嫌太多醬，感覺完全蓋過咗魚柳同芝士嘅味。Personally真係覺得佢同M記exactly一樣🤡，不過份量多啲足料啲/個餐包埋薯條🍟 ，係扭紋果種，仲好熱好脆，正👍🏻仲包汽水，加$8可以轉自家製飲品或熱飲️。🧇忌廉蟹肉薯餅（跟餐加配$8）呢個一般，蟹肉有啲腥，唔建議特登加$8食🍗脆香雞翼 （跟餐加配$16）睇menu應該得2隻，唔知點解多咗2隻香辣雞翼。脆香雞翼夠曬香口，另外兩隻都好夠辣，入面嘅雞肉又唔會好乾。特別一提嘅係所有嘢食送到上枱仲係好夠熱🔥🔥，唔係涷冰冰❄️，推介比好想食快餐/平價burger嘅人，物有所值。

餐廳勁搞鬼，玩食字，食物款式除左美式快餐，仲有日式、中式，食個陣真係同大牌子既味道好相似，但又有自己餐廳一套。先係收銀點餐俾錢，再由職員帶位入座。叫左豬柳強餐($42)，吉牛丼配溫泉蛋($52)，脆香雞翼2隻(加配$16)。勿當奴餐跟餐送薯條、飲品。薯條粗身，唔油膩，略微一包既份量少。豬柳包塊肉好juicy，而且厚度ok，隻蛋邊邊位仲有d焦焦地，夾埋半溶芝士，jeng。另外，加配小食脆香雞翼2隻。雞翼炸到脆身，熱辣辣，多汁，仲帶d辣味添，比大牌子更好食。而牛肉飯既牛肉汁超適合拌飯，牛肉量超多，肥瘦適中。洋蔥炒香，拌埋溫泉蛋，個飯好快就食完。整體，岩哂想食唔同國家菜既人，而且坐得舒服，自己斟水。