翡翠拉麵小籠包 (已結業)

其實以而家香港嘅物價黎講，兩個人食三百零蚊算好抵食。翡翠拉麵小籠包，多人就一定架嗽，不過今次等位出奇地快。入到去二話不說點左醉雞，脆鱔，小籠飽同上海粗炒。選擇食翡翠拉麵小籠包係因為佢嘅口味比較大眾化，味道唔會太重。平時食開嘅霸王山莊就唔一定個個都啱食。醉雞：酒味有但唔算重，雞肉嫩滑。脆鱔：一食就知新鮮炸好，味道香口，但食太多會覺得好甜小籠飽：唔會話特別好食但又唔會覺得失望，水準平平。入黎唔食小籠飽又好似怪怪的上海粗炒：上面嘅椰菜實在太好食喇，全碟都好食但真正嘅意義在於椰菜店內嬸嬸服務態度一流，算食得幾開心嘅一餐。

今晚約左班舊同學食飯, 我地10個人七點鐘攞左位要等成45分鐘囉, 呢到啲野係好味, 但冇得訂位囉, 一定要去等位...我地叫左既野食包括有( 醉雞、素鵝、小籠包、黃金蝦、 脆鱔、雪菜炒年糕、 霸王炒飯、菜旁蟹、 干炒四季豆、拔絲香蕉、高力豆沙、紅豆餅等)咁多樣我最鍾意同最想推介比大家既就係雪菜炒年糕、脆鱔、醉雞、紅豆餅