小神燈新派飯館 (已結業)

餐廳以香港大排檔為主題，好有懷舊味道，但食物方面就用新派方法烹製熟識的菜式，舒服嘅環境品嚐香港地道美食，就算外區人都要嚟試吓。◇ 原條燒慢煮牛肋骨原條牛肋骨起晒肉一片片，用慢煮方法之後再燒，保留肉質嫩滑之餘表面香口，秘製醬汁令牛肉味更特出◇ 奇趣脆皮豬手這碟特色菜非常抵食，豬手超級大份，豬皮不單只脆，仲要係薄身，非常少見，皮下嗰層脂肪唔覺油膩，而底層豬肉肉質嫩滑，味道濃厚鹹香，是必食◇ 腿茸菜膽雞選用三黃雞，肉質特別鮮嫩香滑，而醬汁或者茨汁係用金華火腿調製，味道又特別香濃，雖然只有半隻雞，但份量甚至足夠4人◇ 甲羅燒伴蝦多士比一般蝦多士出色嘅係伴以甲羅燒嘅蟹肉蟹膏，又蝦又蟹，雙重鮮味，另外一讚嘅係件蝦多士超級大件，多士亦超級酥脆◇ 蟹肉菠菜豆腐盒咬開豆腐係綠色唔係白色，因為釀咗菠菜，令味道冇咁單調，豆腐表面炸香，淋上用蟹肉做嘅茨汁，鮮甜滑溜

難得由屯門出嚟調景嶺揾朋友聚舊，一於去食bookmark已久嘅餐廳『小燈神新派飯館』點知去到門口就比個裝修吸引我🤩 餐廳係以大排檔呈現，充滿五、六十年代香港懷舊風味🇭🇰 有大家熟悉嘅鐵皮檔，街市吊燈，同戲院放映活動展示板🎬 淨係打卡位都已經多不勝數😂 當晚就同朋友試咗幾碟菜，每樣都覺得好出色，千里迢迢出嚟完全無令我失望💯-🐷奇趣脆皮豬手$198外脆內軟，食落唔‘’鞋‘’口，又唔乾身，仲保持到每啖都有肉汗，肉筋位仲要有滿滿嘅骨膠原🤩 配沙律醬同芥末超級開胃醒神👍🏻 係下酒菜必點餐單之一👏🏻-🍗腿茸菜膽雞$148原來菜膽雞係廣東嘅名菜，通常都會以三黃雞烹調，入口雞肉鮮甜又嫩滑，蔬菜吸收晒芡汁精華，再配上鹹香蓉嘅點綴，惹味得嚟又不失雞味🥳 一定要嗌嚟試😚-🐮原條燒慢煮牛肋骨$388原條上擺盤確實充滿霸氣😂 有成隻手臂咁長完全係衝擊眼球視覺😍 上枱後已經芳香撲鼻，配上燒汁甜中帶酸，食落肉質仲非常香軟充滿牛香味，脂肪比例又啱啱好，唔會太肥太油膩，絕對係必點項目👍🏻-飲品：菠蘿梳打特飲$28 仙人掌梳打特飲$28甜品：椰汁椰果爆珠仙草$28

最近同朋友去咗調景嶺嘅小神燈新派飯館 🧞‍♂️呢度嘅環境好特別 裝修好有心思 好有香港特色風味 有多個打卡位😆🧡 特別想讚吓佢個茶壺同埋暖水壺超有懷舊feel 🫖❤️而且食物都幾高質又夠大碟～✦ 懷舊蝦多士 HKD98蝦多士超大件😳 呢度一件大到等於我平時出面食二件🤣 啲蝦新鮮又彈牙～多士炸到好香脆 配沙律醬好夾🥰❤️好食！✦奇趣脆皮豬手 HKD198豬手超級大碟！而且外皮好香脆配埋個醬一齊食好惹味～而且肉質依然juicy✦腿茸菜膽雞（半隻）HKD148份量又係好多！個汁帶有鹹香味好特別 雞肉嫩滑又夠入味😋😋 yummy~✦蟹肉菠菜豆腐盒 HKD128有好多蟹肉同菠菜喺面 豆腐盒口感香滑似玉子豆腐～芡汁超多 送飯一流😋✦ 香菇蟹肉銀絲鍋 HKD98大大鍋🍲😆 粉絲炒得啱啱好 好有鍋氣！唔會太濕又唔會太乾～ 仲有香菇同蟹肉✦ 椒鹽魷魚鬚 HKD88又係估唔到份量會咁多 好抵食xd魷魚鬚口感彈牙 椒鹽味好香好惹味食到停唔到口⁽(◍˃̵͈̑ᴗ˂̵͈̑)⁽✦楊枝甘露 HKD30✦椰汁椰果爆珠仙草 HKD28最後又點少得甜品～ 仙草同楊枝甘露都好食又足料🫶🏻

係將軍澳站同康城附近食多 又係時候需要尋找下😂少食左中菜😢有啲想食就去左小神燈裝修介乎於酒樓同大排檔一入去已經感受到好有香港特色風味🇭🇰❣️奇脆脆皮豬手 $198豬手皮炸到脆卜卜🐷外脆內軟感覺似平時食燒肉 燒腩仔個份脆口😎雖然脆身 但豬手肉依然保持肉汁絕不鞋口同乾身💁🏻‍♀️❣️懷舊蝦多士 $98大蝦新鮮又彈牙🦐多士炸到好酥脆 咬落索索聲有個沙律醬俾你配多士食🍞沙律醬嘅酸甜可以中和酥脆蝦多士個份油膩❣️腿茸菜膽雞 (半隻) $148肉質嫩滑🐔仲帶有鹹香味選用左金華火腿上湯做芡汁難怪食落咁香口同夠入味🥹話俾你知👀堂食同外賣一樣正就算隔左夜食都仲保持到個份嫩滑感❣️蟹肉菠菜豆腐盒 $128一上碟已經見到豆腐面充滿滿嘅蟹肉同菠菜🦀🥬🥚豆腐口感有啲似蒸雞蛋芡汁又係多多 呢個送飯一流🍚🍚🍚❣️小神燈一品炒飯 $168以煲奉上🍲鑊氣重重鍾意食飯焦可以上枱先擺擺再撈咁就會出現脆脆嘅飯焦😌❣️神燈手工啤 $58真心 估唔到佢地自己都有出佢地嘅手工啤男朋友話食呢啲緊係要整返杯啤酒先爽💨飲落曬夠清爽 而家呢個天氣飲特別正帶有陣陣大麥🌿槐花🌺香味清爽嘅手工啤果然係容易入口🍺

估不到佐敦神燈係調景嶺開咗”小神燈”, 之前食過佐敦果間, 味道都不錯, 所以我地 take action…….約腳、訂枱, 試下呢間分店.當日係打風前的2天, 有一點點起風, 所以我地由MTR 站經地面行過去都幾舒服 (果時我地5 知可以由都會駅穿越商場到彩明商場……笨了).  去到彩明商場找不到食店, 問下客戶服務員, 原來要去商場的另一邊.環境方面 : 我地一行7人, 被安排坐近後門那張枱.  位置就麻麻, 因為D人抽煙全都去後門食, 所以D 煙味不停飄進來.  好彩係枱與枱之間5 使背貼背, 所以不太侷促.人手方面 : 由於是手機落單, 所以只需找人加水.  他們的暖水壺真係太細, 每次只能填滿一壺茶壺, 5 方便手指篤下篤下, 5 覺意叫了好多菜餚…….1. 晚市優惠 ($298)※蝦多士(4件) -> 顏色金黃, 無過火※金銀蒜蒸勝瓜 -> 好多蒜, 所以好香, 勝瓜吸晒味, 好正~※腿茸菜膽雞 (半隻) -> 份量都好多, 芡汁好濃香2. 糯米炒膏蟹 ($428) -> 見到食評話出色, 於是叫來試一下.  飯應該再落咗其他白米混和, 所以

呢間餐廳以香港大排檔作靈感，裝潢配搭五、六十年代綠鐵皮攤檔、街市吊燈同電車卡位等🇭🇰💗糯米炒膏蟹 ($428)特選斗門蟹，配上泰國糯米製作，堅持生米炒成熟飯，糯米飯炒得乾爽且軟硬適中，吸盡蟹汁精華。蟹嘅份量超足，肉質鮮甜，仲有大量甘香嘅蟹膏🦀💗奇趣脆皮豬手 ($198)豬手預先去骨切件，啖啖肉夠哂方便。豬皮金黃鬆脆，爽彈肉筋富含骨膠原，再蘸上芥末醬或沙律醬 🍖💗腿茸菜膽雞 ($148/ 半隻)嚴選三黃雞入饌，燴以腿蓉茨汁，肉質鮮嫩又重雞香🐓💗廚皇鵝腸 ($138)鵝腸爽脆帶一層油脂🦆配上蒜蓉、豆豉、辣椒等香料快炒，香噴噴之餘微辣惹味，重點係超香紹興酒味🥃💗金沙鬼馬百花釀油條 ($98)將彈牙墨魚滑釀入香脆油炸鬼中，口感非常有層次，表面沾滿起沙濃郁嘅鹹蛋黃醬🦐

今日去到彩明商場食飯，餐廳係調景嶺站出閘行幾分鐘就到，位置十分方便。餐廳裝修好靚，新派中菜設計，加埋餐廳好多details位都有加啲懷舊風，十分用心。坐底後店員就問飲咩茶同送上餐前小食。我地幾個人叫左啲照牌菜試下糯米炒膏蟹 $428大大隻膏蟹已經切件，但賣相好出色，加上大大煲糯米飯，超抵食。奇趣脆皮豬手 $168豬手好大份，配上幾款汁醬，外皮香脆，肉好香好juicy，但食多幾舊略微油膩。腿茸菜膽雞(半隻) $148雞件嫩滑，而且汁唔會太重口味，雖然只有半隻，不過都大大份，CP值好高。招牌焗魚腸 $108焗魚腸已經買小見小，唔係好多餐廳都有，做到唔腥膻而且有口感又入味好考廚房功夫，餐廳都做到，仲好貼心有胡椒粉提供。甲羅燒蝦多士 (4件)  $128大大隻蝦，爽口彈牙，而食落唔會成口油。老火例湯 $118好有特色嘅茅台樽裝，平凡嘅例湯即刻好有特色，湯渣另上好貼心。啫啫芥蘭煲 $98好有鑊氣，香氣撲鼻，芥蘭又唔會好老。整體黎講，新派中茶館一黎可以吸引年輕一輩去打卡，再次愛上食中菜，二黎懷舊裝修可以比爸爸媽媽一輩再回憶當年，十分有意思。

為咗同今年榮升爸爸嘅老公慶祝父親節，一於帶埋囡囡出動一齊食飯！開業半年嘅小神燈新派飯館主打新派粵菜，晚市時段撞正父親節前後，門口大排長龍，店內以懷舊風裝修，別有一番風味。.➜藥膳鳳爪（餐前小食）少見嘅餐前小食唔係花生，而係香濃入味藥膳鳳爪。.➜椒麻鮮螺片鮮甜嘅鮮螺片淋上椒麻醬汁，開胃又爽口！.➜椒鹽白飯魚好小見到咁大條嘅白飯魚，啖啖魚肉，唔會成啖粉漿，一邊歎啤酒一邊食真係好正！.➜奇趣脆皮豬手 以特製醬汁同豬手一齊焗，豬皮咬落卜卜脆，豬肉唔會太肥膩。.➜腿茸菜膽雞（半隻）用咗金華火腿煮成嘅上湯芡汁，令雞肉食落有啖啖鹹香味，雞肉肉質嫩滑，配飯一流！.➜糯米炒膏蟹最期待嘅糯米炒膏蟹終於上菜啦！唔止個樣架勢，蟹膏分量都唔惹少，將蟹膏撈埋落糯米飯度，將蟹嘅鮮甜一拌入魂！.#msmessypig_food

放工黎左小神燈食飯，入到去見到啲霓虹燈好靚，前少少有個電車卡座，牆身有唔同既漫畫風佈置介紹佢地既菜式。餐廳用懷舊玻璃膽水壺裝滾水，真係賣少見少。Menu有好多特色小菜，花功夫既菜、新派野、家常菜，每樣食材都有唔同煮法俾你揀。我地揀左啲特色野食，屋企難整😆糯米炒膏蟹係砂煲上熱焫焫，打開蓋見到好多蟹膏，仲有原隻膏蟹食，糯米飯炒得好香夠乾身，粒粒分明又有少少飯焦，聞落有焦香味，食落煙煙韌韌。奇趣脆皮豬手，燒得好脆，每件切片厚薄平均，豬手肉焗得岩岩好唔會好乾，點上芥末醬好食！腿茸菜膽雞，半隻雞都好大份，雞肉肉質嫩滑且結實，有雞味食落啖啖肉，本身醃得好夠味，唔需要點任何醬汁都好食。石澳梅菜蒸菜心，滿滿既梅菜絲、椒絲、蔥花舖滿菜心上面，蒸既時間岩岩好，菜心食落爽口。見到有楊枝甘露就叫左碗，好足料，味道清甜爽口帶少少西柚酸，糖水唔會死甜。總括黎講我地都幾鐘意呢間中菜館，價錢公道，啲樓面姐姐又好。