坤記煲仔小菜 (已搬遷) 新店位置

呢間鋪頭算係煲仔飯既老字號，早有耳聞，今日收工特登過黎一試。我地七點左右黎到，唔駛排隊，但店內已經坐滿哂。不愧係老店，人氣並冇受疫情拖累。煲仔飯即叫即整，上菜速度唔算慢。等左20分鐘，我地兩份熱辣辣既煲仔飯就出來啦。一個窩蛋牛肉飯，一個排骨臘味飯，私心來講我鍾意窩蛋牛肉飯多啲，牛肉醬香入味，蛋撈飯好正，滑滑既口感，加埋飯焦，冇得輸！排骨飯都好食，但係因為臘腸臘肉風味一般，所以扣左少少分。值得一提既係佢間既米飯，入口軟諗十分好味😋。最後埋單188，兩個人食到個肚頂住頂住咁。

久仰「坤記煲仔小菜」大名已久，要數西環呢一個地方，美食真係好多，由其是煲仔飯，鼎鼎大名既三間分別係「嚐囍煲仔小菜」、「永合成馳名煲仔飯」同埋「坤記煲仔小菜」，其實三間我都未食過，最後點解揀左「坤記煲仔小菜」？因為佢有分店，同埋2018年、2019年都入左米芝蓮推介(「嚐囍煲仔小菜」都係)，於是就試左「坤記」先。總店本身我地一行5人係先去和益大廈地下果間總店，6點去到見到條隊唔算好長，排左10-15分鐘左右，我地已經排到第5個左右，點知店員就話：「冇架啦，要等到21:30先有位。」，我地不約而同地目瞪口呆，比唔到反應，原來佢入面已經被人訂哂位，街客起碼21:30後先會有位座，店員仲話「你等到咪等，再唔係你去分店啦」，先知原來仲有另一間分店位於附近，不過，見識到「坤記」既人潮加上店員既態度，真係唔諗住再去佢分店，因為都唔知要等幾耐。於是，我地5個人諗住去「永合成馳名煲仔飯」，因為算近，唔洗行好遠，點知係路程中居然就見到「坤記」既分店，呢啲真係誤打誤撞，見佢門口冇咁多人排，加上呢間分店坐位多好多，所以就一於搏一舖，估唔到食個晚飯都要有搏下運既心態，於是店員比左張「9」號飛仔我地，比餐牌，叫我