大中華飯店 (已搬遷) 新店位置

一大班朋友一齊食飯嘅好處，就係可以叫多幾款小菜試！記得預早打電話去book枱，就唔需要浪費時間等位！Menu上嘅餸樣樣都好好味咁！餐廳係自己寫低要叫咩！咁就白紙黑字，唔怕店員落錯單！酥炸大腸即叫即炸再即上，外脆內軟，非常有驚喜！大大條，大大件，8人食，前菜嚟講份量相當足夠！椒鹽鮮魷新鮮鮮魷，炸得香脆可口，又係有外脆內軟嘅口感！好味！香煎墨魚餅呢個墨魚餅非常出色！大中華必食！足料墨魚，非常彈口，而且煎至金黃，賣相一流！加上好多塊，唔怕唔夠食！咸魚煎肉餅都算係一款喺中式餐館/茶餐廳好鐘意點嘅小菜！因為要肉餅煎得脆，再加一定要食到咸魚，其實並不容易！可惜，大中華嘅咸魚煎肉餅就幾令我失望！雖然火候控制得好好，肉餅煎得金黃香脆，可惜肉餅肉質一般，有少少散，唔夠彈牙。咸魚味可以再多少少會更加正！南乳吊燒鱔又一款大中華名物！鱔片大大片，成塊炸再切，外皮非常脆口！鱔片魚肉彈牙！再加上南乳醬一齊食，非常特別！生炒骨呢度有生炒骨，無咕嚕肉。一款去大排檔必試手勢嘅菜式！味道OK，份量都大，係肉量少咗啲，但整體OK！鐵板黑椒肥牛粒用鐵板上，熱焫焫，黑椒味濃！但始終講明肥牛粒，牛粒真係相對肥！假如瘦少少會好啲！

第一次同班fd過嚟食，佢細細個住依邊，話睇住依間野由最初一間做到附近幾間分店首先一坐低就係睇吓琳琅滿目既菜單好多都好吸引第一個上菜就係黑椒豬手啦一刀拖到尾，骨肉分離黑椒加上洋蔥🧅既爽脆，好夾又唔太膩，而且咸豬扒肉質比較冧第二碟上菜就到咸魚肉餅第一次食炸既口感好正，有好重既咸魚香味，食落去似蒸完拍粉再炸，送飯一流緊接住到南乳排骨金沙排骨份量都多啖啖肉啖啖南乳味咸蛋芥菜好有驚喜第一次咁樣食，啖湯都勁正肉片都正臘味煲仔飯本人對臘味一般般，幾個一齊食既朋友清到見底證明好好味😋口水魚一大盤上枱果陣驚艷我哋入口 麻、香、鮮 、辣 充斥著味雷魚肉食得出係新鮮魚，入口好彈性除咗魚肉，仲有好多配菜，例如金菇等等整體來講，會再幫襯真係好好味，好有特色嘅大排檔風味

又一舊朋友飯局，一班麻甩佬唔使食環境，最緊要好食有鑊氣同夠熱鬧同對啤啤，大排檔係不二之選。總括而言鐵板黑椒豬手、臘味煲仔飯係必食之選。豬手好林好入味，上枱時熱辣辣炸炸聲。自己平時都好鍾意食臘味飯，但呢個臘味煲仔飯正就正在好多葱去炒，加埋飯焦真係一絕。其實其他小炒都好食好有鑊氣，不過去大排檔應該要係咁，所以都唔多介紹其他了。可能係對男人浪漫的偏愛，呢編比分好鬆手必食黑椒豬手土匪雞點都要叫黎影返張相啦炒蟶子都好唔錯蠔餅好多蠔好脆必食臘味煲仔飯西蘭花炒牛肉好夠鑊氣好好食鱔都非常唔錯

今日即慶黎到長沙灣食飯，我地7點幾左右到，無訂枱，初頭有d擔心要等位，好彩黎到仲有位不過如果大家人多一齊黎食晚飯，建議大家要預先訂枱，唔係就有排等嚕兩個人黎食，我地點咗大中華既招牌菜-鐵板黑椒豬手 雖然已經一段時間無黎幫襯，但呢碟黑椒豬手依然好有水準，豬手炆得好淋，輕輕切已經骨肉分離，豬手係一個骨膠原豐富既食物，女仔食完皮膚都好d豬手既黑椒汁夠麻辣，有花椒八角調味，再加上黑椒汁炆到隻豬手入哂味，味道真係好鬼正～我地環顧四周，差唔多每一枱客都點咗呢碟豬手，招牌菜果然係招牌菜，大家都慕名而來食。我地點既另一個菜係臘味煲仔飯，煲仔飯粒粒分明，有飯焦香，配上炒香咗既臘肉同蔥花，味道一流呢兩碟菜份量都幾多，我地經過努力一番，最後都係食唔哂，下次再搵多個fd一齊黎食先

大排檔雖然通常環境都會差少少，但係價錢同份量仲有味道都係平民之選，一大班人就更加係非常好既選擇，而今日就食左長沙灣既老店大中華飯店😎不過想食好西就記得訂位，因為長期爆滿，土匪雞🐥更加要訂先有，想食可能要留意下啦😋點菜係要自己手寫既，寫完交比樓面店員就OK😝🍺酒水都有提供，不過就要自己去佢鋪入面既士多買啦 (佢霸左成條街，其中一間鋪係賣酒水)🔹中華特色撈起特色冷盤，有d似沙津，但係三文魚好新鮮，青瓜都非常爽脆，加埋麻醬撈黎食開胃一流🔸冰鎮四蔬新鮮蔬菜冰鎮而成，加埋Wasabi豉油一齊食夠哂fresh🔹土匪雞一黎個賣相都夠哂特別，楝起身上碟既雞都真係唔多見😂😂😂，仲要烤到金黃色，打卡一流。會有手套同刀叉提供方便進食🍴味道同譚仔土匪雞翼類似🤤食落雞肉鮮味嫩滑，就算烤完肉汁仲保持到係隻雞入面，連比較韌既雞胸都好滑仲非常入味，成日食一兩隻雞翼唔夠喉既朋友應該好岩😂🤤🤤🔸黑椒豬手🐷大中華名菜之一，燒紅既鐵板上加上黑椒汁，未食都知正，豬手燜到好腍，唔洗用力都可以一刀切到底，無論賣相同味道都絕無失禮🤤🤤🔹琵琶豆腐炸到金黃色既豆腐，外脆內軟，加埋個甜酸汁，正🔸南乳吊燒鱔魚味新鮮，就算炸過都非常嫩口，加埋

同老闆大佬們食飯，山長水遠來到長沙灣的大中華飯店，8:30仍然坐無虛席，非常熱鬧多人。點菜要自己寫單給店員，酒水都要在外面自己拿。土匪雞必食，原隻烤得金黄色，所有雞油精華全都滲在雞肉內，超香又惹味，雞肉又鮮嫩啖啖肉，食到最後都不顧儀態直接用手吃！紅燒豆腐，外脆內軟鎖住醬汁，夠鑊氣，送飯正。香煎墨魚餅，啖啖墨魚肉，不過偏油膩，好炸嘅感覺。椒鹽鮮魷另一香口美食，炸得夠脆，而皮簿肉爽口。臘味煲仔飯，勁多蔥，油香四溢，不過實在太油，不能多吃，每人一小碗就夠了。

我地6個人，夜晚想食大排檔，就揀左長沙灣既大中華。大中華飯店同普通大排檔有少少分別，佢係以特色小菜做賣點。普通既煲仔菜唔算好多。好幸運地，我地8點鐘去到，即刻就有位。我地叫左土匪雞，南乳吊燒鱔，臘味煲仔飯，黑椒鐵板豬手，豉椒炒蜆，豉汁炒聖子同埋蒜蓉油麥菜。油麥菜略嫌太淡，下次唔用蒜蓉黎整。炒蜆同聖子好入味，南乳吊燒鱔外脆內軟，黑椒鐵板豬手熱辣辣好好味。最正就係個臘味煲仔飯，又香又好味。臘味飯係大中華入面係必定要食的。

三條麻甩佬敍下舊，食下大排檔小菜飲下啤酒簡簡單單一餐，揀左長沙灣呢間食肆，一入到去環境唔算太靚，枱凳都似舊式大排檔，但餸菜一黎到就夠香夠穫氣，價錢唔算太平，但呢個價錢的小菜同煲都份量都算幾大。呢個臘味煲仔飯個煲好大，飯都好夠香蒜蓉乾蝦蒸勝瓜保留左勝瓜的原有水份，乾蝦亦夠大隻，配合蒜蓉夠晒香琵琶豆腐外脆內軟，入面仲保留左原有豆腐味，醬汁酸酸甜甜，帶少少辣呢個魚香茄子煲個煲亦都夠晒大，入面都唔少料，一放上枱熱辣辣嗰刻就聞到香味

一年一度老爸的生日, 正在頭痛今年該吃甚麼時, 突然想起電視台的飲食節目曾經介紹過一間叫"大中華"的小店, 當時老爸說過想去試試, 於是便決定了生日飯的地點. 因為老爸生日是在星期六, 穩陣起見, 預早了一星期去訂位. 到達是雖然只是晚上六時半, 兩間正鋪已經滿座, 我們要到後巷的鋪才有位. 鋪位地方不算大, 沒甚裝修, 枱子密麻麻地排在一起, 住得頗擠迫; 幸好夠光猛, 而且冷氣充足, 所以不會吃到一身汗!來之前已經參考過不少食家的食評, 所以很快便決定點的菜. 當終於找到侍應點菜時, 侍應卻指著枱面的落單紙說, "食咩自己落單寫啦! 寫完拎出來!". 吃飯點菜要自己動手寫, 還是第一次. 燒鵝 ($238/半隻)據說燒鵝是新鮮出爐的, 售完即止. 燒鵝賣相不俗, 外皮不會燒得太焦黑. 入口燒鵝仍帶點微暖, 鵝皮仍然香脆, 皮下脂肪不算多, 鵝肉也燒得透, 肉質嫩滑. 個人認為, 它的燒鵝食味比中環的一樂還要好! 如果燒鵝可以再熱一點的話就更完美!南乳吊燒鱔 ($100)平時吃鱔多數都是豆豉蒸, 今次點了南乳吊燒鱔. 所謂吊燒, 其實即是炸鱔. 雖然鱔肉份量不多, 但鱔肉夠厚身, 肉

最鍾意一家人出去搵好野食，因為多幾雙筷又可以叫多幾碟餸黎試。今次就試下長沙灣呢間以小炒聞名的大中華飯店。好在早幾日打黎訂在位，唔係晚飯都變宵夜了。去到枱枱都有咕嚕肉，我地當然唔執輸鐵板黑椒豬手，熱辣辣，豬手好腍好入味，超正天氣涼返少少，食煲仔飯最正咸蛋介菜湯媽咪話成晚食咁多熱氣野煎炸野，飲呢個湯可以下火，唔比飲可樂，好在咸咸地咁又幾好味喎黃金魷魚 & 椒鹽鮮魷將膽固醇超標一事忘得得一乾二淨蒜蓉開邊蝦呢個蝦，我可以用黎送兩碗白飯都得薑蔥煎蠔 & 炸蠔家族中有個蠔怪，要試晒兩種煮法先安樂，個人應為薑蔥惹味好多，大中華的小炒真係好夠鑊氣花甲呢個好清甜，食到原汁原味豬大腸內臟我從來唔食，no comment !!!!!!

今晚我們去咗大中華飯店食晚飯！我們今晚叫咗臘味煲仔飯、黑椒鐵板豬手、椒鹽田鷄、椒鹽九肚魚、蠔餅、南乳吊燒鱔、土匪鷄同中華特色撈起！他們嘅招牌臘味煲仔飯真係非常足料，有超多臘腸、膶腸同臘肉，仲有原粒花生！真係非常香口同鑊氣十足！係本人嘅必食推介！黑椒鐵板豬手嘅黑椒汁非常濃郁，豬手嘅皮同肉質亦好嫩滑！土匪鷄嘅賣相非常吸引，皮脆肉嫩！南乳吊燒鱔肉質彈牙！中華特色撈起非常清新，喺呢個炎炎夏日嚟食真係最佳嘅選擇！椒鹽田鷄同椒鹽九肚魚亦炸得好酥脆！仲有好多特色嘅小炒我都仲未試到！所以我下次必定會再嚟食！

大中華本身已經相當出名，亦有電視台嘅飲食節目報導過佢哋，我都係因為咁先識得去幫襯，仲曾經遇見過電視台演員喺度聚餐。最近差唔多每星期都打羽毛球，然後至同波友一齊出去食晚飯，大中華就係其中我哋經常幫襯嘅一間。因為都係８點鍾之後，所以都唔駛點等位，亦唔駛怱怱食完俾人趕要交番張枱出嚟！幫襯咗咁多次，今次終於寫番個食評。餐廳嘅環境同裝修都係大排檔格局，由多個鋪位串連而成，但係好多都要由後巷入去。大中華本身唔賣酒，要飲酒就要自己去巷口嘅士多買，其實間士多應該都係佢哋嘅。佢哋另一個”特點”就係落單要自已寫。而佢哋嘅食物都秉持大排檔特色，講求味道而不重賣相，好似以前食過嘅薑蔥魚鳔咁，炒到兜亂曬咁，啲魚鳔又一舊大一舊細咁，但係味道就好好！今次４個人叫咗４餸１飯，包括燒鵝半隻，上湯菜心苗，蔥花黃鱔，煎墨魚餅同臘味煲仔飯。燒鵝係新鮮出爐，賣完就冇，有時太夜去到就冇得食。所以都能夠做到皮脆，加上皮下一層薄薄嘅肥膏，真係甘香無比。以我食過咁多次呢度嘅燒鵝，今次未算係最好嘅一次，但係已經非常好食。要食燒鵝就唔駛一定去深井或者中環間名店！作為一個食肉獸嘅我，差唔多每次都主動點呢個上湯菜心苗，仲食唔少。菜心苗每次都好

最近聽到馬榮成想結束多年經營的風雲漫畫，剛好又要為朋友聚餐想地點，不知不覺想到這家和＜中華英雄＞的中華樓名字近似的大中華飯店（不知老板是不是中華英雄的fans？）。多年前來過一次，這次再訪感覺頗為唏噓。如今大中華在兩條街分別共有幾家店面，規模大了，但菜的質素卻大不如前。可能....期望過高吧？！ 黑椒鐵板豬手豬手熟得很「淋」，骨肉分離，很容易就可以切開供大家分享。豬手沒甚麼肥膏，豬皮也頗有嚼勁，上碟時熱辣辣，好味！這道菜保持水準。 冰鎮青瓜青瓜爽口清甜，冰鎮上碟，配上混了芥末的醬油，不過不失。 冰鎮墨魚另一款冰鎮菜式，大大塊的墨魚片，配上混了芥末的醬油，合格之作。如果可以不用芥末，是否可以更好的帶出墨魚的鮮甜味道？感覺有點浪費了墨魚（雖然坊間不少食店也如此處理） 上湯菜心苗菜心非常鮮嫩，蒜、肉碎和蘑菇等配料都好好，而且沒甚麼味精味，不錯。 臘味煲仔飯一上碟，席間立即充斥著香蔥、臘味的香味。沒有以前員工一邊加香蔥、蔥油，一邊將各配料攪動的指定動作，飯的份量也少了不少，但味道和飯的火侯還是保存的不錯。尤其是飯方面，「刮」煲時，飯焦剛剛好可以被「刮」起，火侯掌握得很好

想來試好耐喇! 但係次次都無位~ 今次就早一個星期前打電話book定，終於可以試到喇!差不多樣樣都好味，尤其是豬仔腳，真係好麻好香，重有臘味煲仔飯，同其他餸都好好味呀! 最唔得都係個花甲，太熟了~其實重有豉汁蒸鱔同豉油王鴨下巴都好好味! 而且又抵食，5個人都係食左六百零蚊~下次真係要試埋其他菜呀~

老爺生日, 可以唔駛再去酒樓食D貴夾唔飽唔好味的野, 今次大轉變去左食D街坊菜, 但今次的南乳燒蟮失左水準及琵琶豆腐超難吃, 其餘的都ok, 不過值得推介係九菜餃味道唔錯, 炸得唔會過火, 有汁之如香氣佈滿口腔, 睇下我地今次食D咩