漁火海鮮刺身火鍋

营业中

休息中

今日放工好想揾間邊爐食下 想食下海鮮上網揾到呢間 啲相影到好靚仔 又好新鮮咁決定過黎一試究竟 睇下係咪真係咁正😌一入到黎 餐廳店員服務態度好友善成個用餐過程又會介紹下食物淥幾耐先係最好等我地食到食物最好既質素 唔好浪費左啲食材👍🏻🍲湯底雙拼（漁火招牌麻辣和胡椒白果豬肚）因為想試多啲唔同款式 好貪心咁嗌左二款湯底今次嗌左雙拼湯底 一個麻辣湯 一個胡椒豬肚湯招牌麻辣湯餐係餐廳自己炒 完全唔係坊間既貨色麻辣香味非常之香濃 好惹味😋胡椒白果豬肚湯呈奶白色 飲落胡椒好實在好夠香二款湯底食到最後 都唔覺得好口渴 真材實料湯底仲會配埋大量湯料可以食就咁食啲料都已經覺得好足料 好開心🤣✨蘇格蘭蟶子皇（二隻）見到呢到好多款海鮮揀 嗌左蟶子皇黎試下黎到完全冇失望 好大隻 好新鮮🥰食落蟶子好鮮甜 肉身好夠厚身 肉質爽而不韌一啖過 啖啖肉 好鬼滿足😋✨肥水大花甲大花甲真係好夠大隻 每一隻都好飽滿隻隻都好肥 食落好鮮 完全唔會有沙🤘🏻🥩本地手切鮮牛頸脊（大）牛肉既厚度切得岩岩好 有一定既厚度 亦唔會太厚牛頸脊肉質好軟𣺉 一啲都唔韌肉味好濃郁 係越咬越有牛味個種濃郁🤣喜歡食牛既 一定要試試呢到既牛頸脊🍤椒鹽海中蝦

天氣愈黎愈熱, 無阻同三正知己圍埋打邊爐, 今晚去咗銅鑼灣呢間樓上火鍋店「漁火」齊齊烚下烚下。餐廳面積不大, 雖沒有華麗裝修, 但大部份卡位, 坐得舒服。呢度嘅湯底均由餐廳自家製, 我地揀咗個雙併湯底: HK$168漁火招牌麻辣鍋: 放了大量麻辣湯料, 其中有彈滑鴨血, 湯底辣中帶少少麻, 惹味開胃。胡椒白果豬肚煲: 胡椒好出, 微辣惹味, 有唔少豬肚, 幾有咬口。【自家竹蔗茅根】HK$58餐廳自家製, 味道清甜解膩, 配搭火鍋清熱一流!【椒鹽海中蝦】HK$128蝦肥美幾大隻, 爽口彈牙, 配上大量炸蒜, 夾埋一齊食, 提升鮮味, 更為香口。【漁火特選牛盛薈】HK$468擺盤同質素都能滿足我呢個牛魔王! 一共五款牛, 款款嫩紅新鮮。牛舌芯: 薄切焯幾秒就食得, 口感爽彈。牛柳粒: 切成一口一粒, 淥至六成熟,肉質彈牙唔韌, keep到肉汁, 牛味濃。Prime牛肉: 油花豐富, 分佈平均, 肉嫩、牛味濃。 牛頸脊: 切得帶少少厚度, 滿足口感, 肉味偏重。牛邊位: 雖然牛脂較少, 但薄切, 避免了肉質口感過韌。【脆鯇片】HK$68脆鯇片起雙飛兼已被去骨, 食到魚鮮味, 魚片位仲好爽脆,

餐廳：漁火海鮮刺身火鍋地點：銅鑼灣駱克道京都廣場菜式：海鮮刺身火鍋，以滋潤燉湯作為主打餐牌：多款湯底，小食，刺身，肉類，海鮮，多款火鍋配料包括自家制類，內臟配料，田園蔬菜，麵食。飲品有多款酒類，啤酒，汽水，果汁，茶等。茶位每位$8。花膠響螺燉赤肉 $228 另加一呢個花膠響螺燉赤肉係招牌，非常足料，有6大片花膠、三大隻響螺、三隻煲到淋嗮既雞腳、乾瑤柱、瘦肉、龍眼肉，蟲草花等。服務員提議滾起之後先飲啖湯，果然又清又健康，的確係燉湯味，絕對不含味精。花膠好漿嘴，高質唔會太薄。飲完湯之後服務員就幫手加骨湯打邊爐，個骨湯都好清淡。漁火特選牛盛薈 $468 另加一漁火特選牛盛薈賣相一流。一共有五款牛，擺得靚靚。牛頸脊切得夠厚，口感好好。牛邊位就多少少脂肪，唔會過韌。Prime牛肉油花平均，口感味道特別好，又嫩又多汁，牛味又濃，最正係呢款。牛舌芯口感彈牙，牛味濃。牛柳粒大大細細有14粒，淥大概3-5分鐘就食得，口感好好，完全唔會韌，肉汁又多，牛味濃。每款牛除左牛柳粒大概有8片左右，份量好多，而且質素高。蘇格蘭蟶子皇 $78一隻 另加一蘇格蘭蟶子皇超大隻，服務員建議滾12秒就食得，果然好鮮甜又爽口，

今晚到漁火海鮮刺身火鍋，位於銅鑼灣駱克道491-499號京都廣場8樓， 位置相當方便。 店內座位夠闊， 服務又好。 餐廳主打港式火鍋， 除了火鍋配料之外，還有刺身和小食， 選擇種類多。 我們兩點了自家竹蔗茅根$58、 椒鹽海中蝦$108、醬料兩位$30、花膠響螺燉豬展$198、極品騸牯牛$488、 蘇格蘭蟶子皇2隻$156、 墨魚拼蝦滑$98、 時令什菜籃$78、 即炸鬆脆響鈴$58、鮮九肚魚$68。 🖍️自家竹蔗茅根 ～ 自家製竹蔗茅根，味道非常清甜，打邊爐啱曬。 🖍️椒鹽海中蝦 ～ 蝦肉厚實新鮮，鮮味十足又大隻，椒鹽好香口。 🖍️醬料兩位 ～ 醬料充足，有我喜歡的蒜蓉、芫茜和香蔥。 🖍️花膠響螺燉豬展 ～ 湯料非常豐富，湯頭味道濃郁，未打邊爐先要飲返一、兩碗呀！ 🖍️極品騸牯牛 ～ 牛味極重，口感鮮嫩爽口，油脂分佈平均， 非常適合打邊爐，騸牯牛限量供應的，記得要預早訂定呀！ 🖍️蘇格蘭蟶子皇2隻 ～ 味道鮮甜爽脆，超級大隻，極之推介。 🖍️墨魚拼蝦滑 ～ 自家製產品，爽口彈牙，鮮香滑溜，兩款都做得非常好。 🖍️時令什菜籃 ～ 雜菜籃有幾款菜類、鮮冬菇和粟米， 價錢合理，份量十足。 🖍️即炸鬆脆響鈴

同朋友仔敘舊諗住搵個地方可以慢慢坐，大家決定去打邊爐，於是揀咗呢間漁火海鮮刺身火鍋，用OpenRice訂位可以有八五折，慳返啲錢可以叫多啲野！打邊爐來講湯底當然好緊要，呢度竟然有成十幾款湯底可揀，最後揀咗花膠響螺燉豬展（ $198 ），呢個根本就係一個湯，好足料好濃味，除咗花膠豬展，仲有蟲草、紅棗、龍眼肉、雞腳等，未打邊爐之前我哋各自飲咗一碗，跟住老闆娘好好咁提醒我地，可以帶走個湯，然之後先落豬骨湯黎打邊爐，呢個建議實在太好！第二個特色就係除咗火鍋之外，呢度仲有得食刺身，我哋揀咗北海道帶子刺身（$138 ）、北寄貝（ $58 ），仲有即開法國白珍珠生蠔（ $48/隻）。帶子好大隻又鮮甜，北寄貝同樣咁新鮮，色澤好靚，生蠔好肥美，海水嘅鹹味當中又帶啲生蠔嘅鮮甜美味。食完生嘢，就開展打邊爐，我哋都叫咗好多嘢包括蒙古肥羊片（$98）、極品黑豚腩肉（$88）、鮮味海中蝦（$128 ）、肥水大花甲（ $98 ）、水庫大魚頭（ $78 ）、漁火特色四色丸（ $128 ）、爽滑豬肚（ $58 ）、時令雜菜籃（ $78 ）、萵筍（ $38 ）等。羊同豬都好好味，羊肉帶少少羶味，但好OK，豬亦好有豬味。海

朋友聚會來個打邊爐，前排聽朋友介紹銅鑼灣有間火鍋店啲嘢食好新鮮，今日一於去試下啦 。一去到門口已經見到好多生蠔。湯底種類都唔少，有啲湯底仲可以揀雙拼，揀咗好耐終於決定揀餐牌上有兩個like花膠嚮螺燉豬展湯底，果然無介紹錯，我哋試飲咗一碗，真係好好味，個湯好甜，而且又足料，有花膠、嚮螺、蟲草花、豬展、鳳爪、桂圓等材料，店主話最重要佢哋無落味精，真係可以媲美媽媽煲嘅老火靚湯。挪威三文魚刺身：肉質細嫩鮮美，油脂令人食落有滿足嘅感覺。深海龍躉斑片：新鮮鮮甜，斑片嫩滑。手切頂級Prime牛肉：雪花紋平均，肉質嫩滑。漁火特色四色丸有蝦丸、墨魚丸、牛肉丸、豬肉丸、粒粒都係人手打成，非常彈牙，最特別莫過於豬肉丸，入面竟然有鹹蛋黃，有 多重口感。除左打邊爐之外，呢度仲有啲小食，我哋試咗個脆炸蝦餅，炸得香脆可口，而且同樣都係手打，爽口彈牙！日本稻庭烏冬：幼滑細膩，爽口無比。豬大腸：唔會太肥。自家竹蔗茅根：清熱解喝，味道唔會太甜，打完邊爐飲番杯真係唔錯。

打邊爐材料最緊要夠新鮮，銅鑼灣有間漁火海鮮刺身火鍋真認真夠正！湯底款式有好多，除咗有比較普通嘅，亦都有老火湯底，最後我哋揀咗店舖極力推薦嘅花膠嚮螺燉豬展湯底，一上檯已經聞到香噴噴，店員先比咗碗畀我哋飲，個湯確實係真材實料，有嚮螺、花膠、蟲草花、豬展、鳳爪、桂圓等，味道又甜，又重膠質，而且絕無味精，滋補養顏，真係好飲到差啲成個湯底飲晒。先來個「混醬」先，有9種醬料任君選擇。漁火至出名係海鮮同刺身，一場嚟到，當然係必點之選， 深海龍躉斑片，新鮮鮮甜， 斑片嫩滑無窮。刺身三文魚由挪威直送，新鮮肥美。打邊爐又點少得唔食牛肉呢，呢個手切頂級Prime牛肉見到個樣都知係靚牛肉啦，雪花紋分佈均勻，油脂比例恰到好處，肉質嫩滑，入口即溶嘅感覺。漁火特色四色丸有高鈣蝦皮蝦丸🦐、墨魚丸、牛丸、豬肉丸🐷、豬肉丸入面仲有鹹蛋黃添，全部人手打，而且粒粒都咁彈牙。除咗打邊爐烚下烚下之外，呢度仲有啲小食，揀咗個脆炸蝦餅，佢係用上新鮮蝦膠而製，爽口又彈牙，表面炸得金黃又香脆，超好食！稻庭手打烏冬，口感細滑。豬大腸清洗得乾乾淨淨，唔會有餲味。打邊爐又點少得飲品呢，我哋點咗壺自家竹蔗茅根，唔會太甜，消暑又清熱，絕對係打邊爐

今天在朋友公司附近駱克道京都廣場的＂漁火海鮮刺身火鍋＂邊一邊爐🥢地點方便就腳，經OpenRice訂全單八五折，又幾抵喎，環境舒適不會太嘈吵，最驚喜就是刺身和海鮮，高質又新鮮，服務員和藹親切，真是不錯的選擇😋漁火花膠雞湯翅$238只是吃這個花膠雞湯翅鍋底都已很滿足了，奶白色的雞湯味濃烈，雞件大滾後便可食，咬了一口感覺完全不同味，雞肉緊致鮮味，一問之下原來是走地雞🤩😋落足本🎉🎉泰式生蝦$128大大隻的泰國生蝦非常肥美，厚肉彈牙又膠口，泰式辣汁已放在生蝦上，重口味的我就覺得汁少唔係太夠喉😆美國頂級桶蠔$158美國桶蠔非常肥美大隻，大滾了3，4分鐘後食得，一啖係放唔晒落個口㗎😛當咬開時，蠔汁爆在口中相當幸福，蠔的鮮味滿布舌頭令人回味無窮天天鮮魚卜$78來到的魚卜新鮮脹卜卜很肥大，店員細心心地提醒我們要吉爆才能放在鍋中，這個魚卜早少少放在鍋中滾久了也沒關係，像迷你花膠仔，膠口又煙韌鮮甜脆骨腩$78脆骨腩分量十足切得大片又厚身，質量高表皮還閃閃發光有點彩虹色，食落肉質口感豐富，脆口又充滿魚油，新鮮美味😋皇帝菜$48看似一朵大菜花的皇帝菜，很幼嫩一點渣都沒有烏冬面（2個）$28分量相當足，如果三五知

今日朋友約我去食漁火海鮮刺身火鍋，餐廳位於銅鑼灣駱京都廣場8樓！餐廳環境寬大，亦設有圓枱和卡位，很適合一班人聚會。天麻白芷魚頭鍋：呢個湯底充滿乳白色魚肉的精華，鮮香而不腥！而且這個湯有有治風邪，行氣活血等的功效 ，而且對男女合宜，湯底真材實料，除了有多款藥材外湯底下仲有大大舊的魚頭。打邊爐前當然要飲番碗湯先 la~鵝腸：餐廳鵝腸賣相乾淨企理，放入鍋 中大概15-20秒便可食用。餐廳鵝腸非常爽口！！而且拉得也很直，值得一讚，暫時是我食過最好食的。肥水大花甲：大花甲價錢唔貴($98蚊份)，但相當肥美厚肉！花甲花紋均一，味道鮮甜無比。爽彈脆鲩片：這個脆鲩片真如其名（爽），（彈），晶莹剔透的脆鲩鱼片鮮脆爽口，是吃火鍋必點的配料之一。鬼馬油條：這個餐前小食的鬼馬油條味道也相當不錯，炸至金黃色的油條配上蝦滑十分惹味。沾上泰式辣醬更能減低油條的油膩感。自家制韭菜餃：這個餐廳發自家制的韭菜餃包的十分貼實，而且大大粒絕對無偷工減料。自家竹蔗茅根：打邊爐一定要飲的絕對係竹蔗茅根！竹蔗茅根水味道清甜滋潤，而且還能幫助我地下下火。餐廳的價錢和用料CP 值都好高，值得再次光顧。

銅鑼灣遍佈了很多不同的食肆餐廳，要在芸芸中脫穎而出，除了懂得利用不同的宣傳手法外，最重要的是每位光顧過的顧客的口碑。而這間餐廳，都是經由我朋友介紹，所以今次經過銅鑼灣，專登到這間餐廳品嚐它的火鍋。入到餐廳選擇了一個比較清的湯，蕃茄薯仔粟米湯湯底：估唔到都好足料，比起其他餐廳，雖然係同一個湯底，但係往往只係得書仔多，唔似呢個湯底咁多番茄同粟米。漁火特選牛盛會：呢個特選牛盛會有五種不同嘅牛肉，有店員悉心解釋，以及建議食法：中間係美國牛肉；左上係肉眼邊，店員表示滾到5-6成熟，就可以食；而右上就係牛頸，呢個肉味比較重；左下就係牛舌粒中間，要滾耐一啲，因為肉比較厚，肉肉質比較爽脆；右下係牛柳肉。爽脆珊瑚蚌：喺第二度食，同一個價錢未必有咁大碟，而且每隻珊瑚蚌，都算大塊同埋好爽口。鮮墨魚滑：墨魚滑好爽口，加埋啲魚子脆卜卜咁，食完一舊，好快就想食第二舊。即炸鬆脆響鈴：估唔到呢度啲響鈴真係即炸，啲響鈴上枱，都感受到佢哋嘅微溫，放入湯底度，真係唔需要浸得耐，浸大約1秒，已經食得！淋淋地脆脆地，正呀！健康竹笙：竹笙好乾身，烚完仲係好爽口，加上吸收埋湯底嘅精華，所以咬落竹笙度，感覺就好似飲埋啲湯咁。自家竹蔗

我們三個都很久沒聚一聚，話說我們從沒有一起吃過火鍋，九成飯聚都是吃韓國菜呢，今次來點突破吃火鍋，反正天氣冷，大家都想吃熱的。我們非常苦惱挑湯底問題，有很多口味都想選，不過愛美都是女生的天性，最後敵不過養顏牛乳湯的「養顏」二字，點了它作為今晚湯底的主角。熱滾滾的養眼牛乳鍋，馬上就可以涮鍋吃，瞧這白濃濃的湯底，喝起來不僅濃醇又非常的滑順，而且即使久煮之後，湯底也不會有食材沉澱後的沙沙口感。吃火鍋當然不能少了重要的肉配料，夾取極品黑豚腩肉，放入滾沸的牛乳湯底中，輕涮個數十秒再送入口感時，黑豚腩肉的外層被又白又濃的牛乳湯底包覆住，口感更是軟嫩無比。我們三人都覺得點漁火特選牛盛薈比較化算，428元有多款牛肉可吃，平均只是140元，可謂超值。漁火特選牛盛薈包括手切本地鮮牛頸脊，手切頂級prime牛肉，手切本地牛邊位，一口和牛柳粒及極品牛舌芯。手切本地鮮牛頸脊應該滿多人都愛吃，那種不油膩又有彈性的好口感，火鍋最棒的選擇之一。手切本地鮮牛頸脊真的超彈牙，品質無敵好，大盤之餘厚度足夠，與養眼牛乳湯美妙的合襯。手切頂級prime牛肉當然吃起來口感跟一般的牛肉很不同，油脂很夠，吃完後還有濃濃的肉香殘留在口中

週日與細周生到郊外行了一整天，晚上奬勵他飽吃一頓美味火鍋。是晚到訪的火鍋店剛開業不久，或許時間尚早，店內食客不多。對於筆者而言是好事一樁，因魚仔及細周生確實很嘈，避開人潮能減少對其他食客的影響。 火鍋的優劣，首看其湯底。這客花膠響螺燉豬展，上桌一刻已能感受到香氣洋溢。細心品嚐，更確認湯汁敦厚泛甜，味道很好。若要指出改善之處，可考慮用上更大隻完整的花膠。 大家喝畢花膠響螺湯，店員才會添加上湯作火鍋之用。日本野生元貝及肥水大花甲均屬是日海鮮精選，元貝選材大隻，爽實鮮甜；花甲用料同樣新鮮，但因淥煮時間稍長，出來效果帶點韌，不及元貝吸引。雪白鮮鱔片是另一海鮮食材，魚骨去除得徹底，大家可集中享受甜中帶脆的食感。肥牛是火鍋另一主角，這碟手切頂級安格斯牛肉，雪花份量平均充足，輕輕放湯燙幾下已能食用，肉質軟嫩。雖然牛香不及本地手切肥牛，但也有相當不錯的味道。丸類雜項方面，製作普遍只屬中規中矩，鮮打墨魚滑是比較好吃之選，口感彈牙。手打鮮蝦丸及自家韮菜餃則調味明顯重手，頗鹹。 豬仔午餐肉與即炸鬆脆響鈴均是現成食品，簡而美，細周生最欣賞。即炸鬆脆響鈴屬香口脆物，出品熱辣，放湯一燙即吃最可口。魚仔則喜愛