大勝丼 (已結業)

大勝自選丼飯」連味噌湯和飲品。食材都足夠新鮮，價錢亦因選擇而異。不過，每一項數量唔算多，選了鰻魚、比目魚緣側（左口魚群邊）、油甘魚、劍魚腩、吞拿魚腩。都是我最喜歡的刺身選擇。每一項的份量對比番價錢算係偏貴。但整體的質素都不錯，最重要的係，可以暫時滿足到我對日本旅行的思念。而且💛💛💛會想再番去幫襯。味噌湯味道正常。若果有選擇困難症的朋友，可以選擇佢set好左的試下先。亦都有熟食丼飯，適合唔食生野嘅人。

平時食魚生丼，除咗怕魚生唔新鮮之外，就係怕個配搭入面有自己唔鍾意食嘅嘢，尤其係我依啲揀飲擇食嘅人，啲似鯇魚嘅魚生同淺色系既魚都會揀唔落手，依間大勝丼就滿足晒我需要啦，好就好在可以自己揀，多過20種魚生任你配搭，實有一款啱你口味。仲要係💛店，即刻要大大力懲罰啦。甘蝦唔腥，醋飯配飯素，已經冇得輸，加埋熱辣辣嘅麵豉湯，再配埋雪米滋做飯後甜品，的確唔錯。美中不足嘅係，魚生飯偏細碗，胃口好啲，或者大食啲嘅，一碗未必夠飽。

想試吓食丼飯，見呢間評價好高，刺身望落好新鮮好吸引，好想試吓。來到店內貼滿文宣，店員服務好好，立即提供搓手液，熱茶同麵豉湯俾我哋。來到見到餐牌有自選丼，左揀右揀，諗咗好耐，最後我哋揀咗油甘魚腩（二切），吞拿魚（二切），蟹籽（一份），帆立貝（4切），另一碗就揀咗油甘魚腩（二切），吞拿魚（二切），蟹籽（一份），芥辣八爪魚(一份)呢間丼飯真係好驚喜，刺身唔單止新鮮甜美，壽司飯底都好好食，軟硬度適中，而且有甜味，但可能我鍾意食送多過食飯，仍然覺得飯太多，下次要少飯總括我覺得好食同抵食，會再嚟。🖐😷☝️

總感覺香港好少抵食好味嘅魚生丼，黃店地圖上出現罕有嘅丼飯又點可以錯過，趁早喺放飯人潮前成功入座！大勝丼有好多不同嘅熟丼或者係魚生丼，仲有體貼嘅自選丼，可以隨心選擇自己喜歡嘅材料！我就自選咗三文魚、油廿魚、自家製玉子燒 （全二切） ＆ 炙燒左口魚（四切）飯量其實就唔算多，但係魚生就好足料喇，而且好新鮮，最正係超肥美嘅左口魚，完全超出想像！午市時段有88折之餘，自選丼仲有送味增湯同雪米糍做甜品，價錢唔貴又好食，唔怪得咁多人排隊！

這是朋友的好介紹，佢已經儲印仔儲左好多個，佢話已經係佢既飯堂，因為太好食啦。今日一試，所言非虛，真係好有質素。有好多唔同嘅牛丼，啱晒食肉獸。依客火灸狂牛丼，啲肉味道較到啱啱好，好香蒜味，啲肉係七成熟，再撈埋啲蛋汁同醬汁同飯一齊食，不得了！再黎依個 menu 都好新穎，可以自選丼實在太好了！左口魚，蟹糕（張相影唔到，喺另一邊）同埋吞拿魚飯。海膽甜蝦。依兩個魚生飯都係有質素之選，新鮮，價錢合理，特別推介個蟹糕，超甜，我朋友話佢有呢個蟹糕之後佢再食唔落其他魚生飯，我明白的，係好正！左口魚極之肥美，油而不膩既感覺太令人感動了！隨餐附贈雪糕糯米糍同埋罐裝飲品，罐裝飲品我嗌左柚子蜜，不太好飲下次睇吓其他先。總括黎講，好啦，將你納入飯堂之一啦！