餃掂手工餃子雲吞專門店

環境5分：中式小店格局，樓面超高，內牆貼左人生道理poster，卡位分佈响兩旁，都算寬敞，筷子响櫃桶內，慳位又方便，唔算迫，可以畀五分。衛生5分：每張枱都有盒紙巾同埋調味料架，好乾爽唔會黐立立，非常衛生，滿分。服務5分： 侍應生快手快腳，唔囉嗦，上菜爽手，半小時內食完走人，滿分。味道5分：灼至尊松茸豬肉餃大碗有一打十二隻，隻隻都皮薄餡靚，入面Ｄ豬肉嫩口得黎好實正，證明D肉好新鮮，成隻餃好甜，個松茸又香，附送果碗狀元九鼎湯呢非常之清，一D都唔油，好飲。2) 煎韭菜豬肉餃大碗有十隻，大大隻個餡都係咁實正，個皮煎到金黃色，非常有心機，個韭菜味好濃烈好突出好仲好鮮好爽脆同香口，超好味，性價比高。3) 上湯松茸時蔬係菜心，都好多條，粗身得黎冇渣，成條吞得落肚。4) 凍蜂蜜檸檬薏米好清甜好潤喉好解渴，一支一個人冇難度。抵食5分：百幾蚊一個人一餐飯有正宗餃子，有野飲又有碟菜，性價比非常高，非常抵食，一定滿分。

明明係我哋叫煎餃先，但隔籬枱先上，我哋追問，姐姐竟然話煎餃耐啲，等陣啦，當住面咁講大話，令我感覺很不良好。餃掂提供菜甫豆瓣辣醬，但唔夠香辣惹味，豆瓣味唔夠濃烈，而且油油嘅。*至尊松茸豬肉餃 湯餃(8隻) $80餃子皮微韌，但湯分開上，令皮太乾身。皮薄餡靚，比例很好。餡料有松茸碎，必需再加拌碟松茸醬，松茸香味UP UP UP！跟據資料，狀元九鼎湯用九種食材，包括粉葛、紅蘿蔔、赤小豆、扁豆、陳皮、蜜棗、豬尾骨、鯪魚、鰂魚等。用6個鐘熬製。味道非常清淡、微微甘甜，但同松茸餃0夾。韭菜豬肉餃 (7隻) $45煎餃皮脆唔會好油，韭菜份量多，但有少少發苦。四川涼皮 $32涼皮有生蒜炸蒜，少量青瓜絲。揀小辣都好辣，醋比例偏多，好食嘅，但唔會回頭。

自家煲製老火湯既 "餃掂" 就最喜歡飮，除咗靚湯之外，仲會食手工餃子、小食、自家製飲品。"餃掂"有幾間分店，旺角、太子、西環、灣仔、中環、將軍澳，地點方便，順路經過食吓先。之前路過見到依間次次都好多人食，今日去開灣仔，裡面好在有位啫。餃子店來講，呢度都好闊落，裝修新派時尚，環境潔淨。打開餐牌就見到自家煲製嘅狀元九鼎粉葛湯，而餃子款式都好多，而且好特別，有松茸餃子、元貝豬肉餃、香煎軟心芝士餃等等，大部分餃子都可以選擇湯餃子，亦有煎餃子以及外賣生餃子，另外有雲吞湯麵、涼麵、小食、自家製山楂雪梨水等，真的很不錯呢。至尊松茸豬肉餃    $80呢碗係湯餃子，餃子裡面既松茸同鮮肉，用上乘食材，餡料豐富，肉嫩多汁。湯底跟狀元九鼎湯，自家煲製而成，湯料包括粉葛、順德活綾魚、香山活鯽魚、紅蘿蔔、扁豆、赤小豆、新會陳皮、蜜棗、鮮排骨等，味道清甜，潤喉下火，呢款湯水功效多多，提升免疫力、溫腎益氣、滋潤腸道、養顏保健。韮菜豬肉餃    $56喜歡依度啲肉餡同蔬菜比例均勻，肉味鮮甜，韮菜帶少少辛辣，味道與豬肉好夾，永遠都係絕配，餃子粒粒飽滿，口感十足，鮮味無比。四川涼麵    $30涼麵可以選擇多辣、少辣或不

每次同朋友想食餃子嘅時候都會諗到餃掂，今日我哋又嚟咗灣仔分店食我嘅最愛啦！連朋友都記得我嘅至愛，就係「至尊松茸豬肉餃」(灼餃$73)，好鐘意佢濃烈嘅松茸味再有濃個好香濃嘅狀元九鼎湯，每次嚟到基本上都會叫嚟食！然後就係朋友嘅最愛，「粟米豬肉餃」(煎餃$47)，個人嚟講我最有粟米嘅食物都係普通感覺，所以都唔係話食咗好多啦，不過朋友真係好鐘意，呢個反而係佢每次嚟都要叫。到佢嘅冷盤，呢個基本上都係必叫嘅「四川涼麵」($30)，麵身偏硬，如果可以冧身多小小就會更加好，不過好彩醬料好好味，特別係啲花生味，中和返麵身太硬呢個問題。見佢都有新出多咗「四川涼皮」，呢個都會想試下！佢嘅「麻辣松花皮蛋」($25)都係我必點嘅其中一樣(哈哈好似好多必點添)，本身就好鐘意食皮蛋，每次食四川野只要有人肯share，我都會叫嚟食，而呢度嘅皮蛋麻辣得啱啱好，唔會真係太辣，好啱我呢啲怕辣但又鐘意食麻麻地嘅人。最後就叫咗呢個第一次叫嘅「蔥味酸辣雲耳」($25)，呢個對我嚟講就偏辣咗小小，雖然雲耳好好味，但太辣對我嚟講就食得小小辛苦，要真係食得辣嘅朋友先好叫呀！最後我同朋友各叫咗杯嘢食，就係「自家製雪梨水」($20)，同埋

灣仔有間餃子專門店叫餃掂，作為餃子的愛好者，當然都要到店食下。店裡的餃子款式五花八門，由舊式至新式都有，每款都有煎餃同湯餃兩款食法。至尊松茸豬肉餃（$78），是這店的皇牌餃子，松茸有好高的營養價值，餃子外皮煎到金黃色，外皮好脆口，豬肉的肉汁好出，豬肉裡的松茸碎好香，味道很好。每款餃子都有鯪魚粉葛湯，足料得黎好有營養。元貝豬肉餃（$48），這款餃子我選擇了湯餃，豬肉配元貝很匹配，湯底同樣也是鯪魚粉葛湯，同樣唔錯。香煎軟心豬肉餃（$54），見到呢款餃子都幾有創意，較心的芝士包住豬肉，一咬濃味的芝士湧出來，有了芝士拉絲的效果，整味味道都不俗！蜜餞雞翼（$32），雞翼的蜜餞味好重，醃得非常入味，雞翼每隻都大大隻，肉質輕軟，很美味。自家制山楂雪梨水（$28/支），食太多煎餃，雖然是脆卜卜，好好食，但終於有少少熱氣，不妨可以飲，滋潤返下！

忙左成個星期終於有假放嚕🙇🏻‍♂️🤤周圍遊走既小肥當然趁放假儲足動力醫肚肚啦🐷😚適逢有朋友介紹呢間不錯吃既餃子店🥟🤪還掂Lunch Hour同隻豬黎醫肚食大家至愛啦🐷🤤位於灣仔莊士敦道既餃掂手工餃子雲吞專門店🥟雖然距離地鐵站較遠🙇🏻‍♂️但從銅鑼灣站B2出口行過黎亦算方便的🚇😆呢度簡約既環境設計☺️有空間感坐得幾舒服之餘☺️大廚亦煮出性價比高既餃子料理👨🏻‍🍳😆🥟睇得又食得🤪🤪🥟🤤至尊松茸豬肉餃 vs 元貝豬肉餃一樣的狀元九鼎湯淡香味全既配搭🤤不一樣的肉餡味道🤤半肥瘦豬肉配合松茸既餡料🥟🐷🤤帶出淡淡松茸香之餘☺️🤤配合滑嫩Juicy既半肥瘦豬肉餡更是一絕🤤🥟唔太好松茸既朋友們亦可一嚐元貝餃😆配合幼細元貝絲帶出其香氣之餘亦增添更多口感😋韭菜豬肉煎餃 vs 香煎軟心芝士餃餃子皮都算薄身之餘🥟內裡肉餡脂肪比例均勻唔會太過肥膩😆混合韭菜及豬肉既肉質都夠滑嫩Juicy及口感🤤🥟而配合濃郁芝香既軟心芝士餃🧀🥟🤤令皮薄餡靚既餃子更為邪惡又叫好🤤🧀成為店內人氣大賣之一亦對值得😆堂食即叫即煎新鮮熱辣更值得☺️上湯松茸時蔬以濃郁上湯熬煮既菜心☺️🥬夠哂鮮味之餘亦帶出淡淡松茸香☺️😋

知道香港開咗幾多餃子專門店,今次黎灣仔試吓呢間嘅餃子係點樣。我見到餐牌入面有幾多唔同款式嘅餃子，配搭有啲都幾新穎同吸引。例如我叫咗至尊松茸豬肉餃子，由於唔想食煎餃子咁熱氣，揀咗湯餃子，配狀元九鼎湯湯底，松茸餃子飽滿，入面有白松露，都有黑松露，湯餃子清清地，點松茸醬會釣到豬肉同松茸嘅鮮味，而且醬料本身鹹鹹地，亦帶少少乾瑤柱味，點餃子食幾好食。個狀元九鼎湯餐牌寫咗用粉葛，鯽魚，鯪魚等材料煲成，見到個湯好濃，但係唔油膩，飲落都清清地，唔會太鹹，可以配餃子食，連埋湯一齊飲好滿足。兩個人食，仲叫咗一碟雙拼餃子，揀咗雲耳椰菜豬肉餃同埋元貝豬肉餃，雲耳椰菜切成絲，包埋豬肉做餡料，有菜有肉幾健康。元貝餃子就乾瑤柱絲撈埋豬肉入面，食落鹹鹹地，亦都食到瑤柱鮮味。個人比較鍾意食餃子，覺得呢間鋪頭餃子味道都唔錯，餡料都夠多，下次會再試一下其他款式。

次次灣仔lunch搵食都見到呢間野排長龍，呢日夜晚決定去試試。時間尚早，入坐時唔使排隊，但已經坐滿人，到我地食完嘅時候已經要排隊喇。好欣賞一坐底就有一樽醃蘿蔔食，少少辣同酸好開胃。我地仲叫左一樽熱山楂雪梨水，姐姐話係自家制原個雪梨煲嘅，較為偏甜，真係好滑好潤。煎至尊松茸豬肉餃雖然相對黎講較貴，但係招牌菜點都要試吓。煎左一面唔會太燶好香口，豬肉入面會食到一粒粒松茸帶出少少香味，仲有2個醬試多2種口味，但個人覺得唔點醬都好食。仲跟左個狀元九鼎湯，清清地有媽媽嘅味道，可以清下煎餃嘅油膩，飲到最後加少少鹽更加帶到少少魚味。龍鳳松茸灼餃有分黑白松露，豬肉松露係夾嘅，黑松露比較香，灼又比煎更入味。湯元貝豬肉餃雖然唔係招牌但一樣好味，元貝好香，比松茸餃濃味。為左滿足嗜辣既朋友仔而叫嘅重慶鮮肉雲呑，比餃子細粒容易入口，雲吞皮好滑，朋友表示小辣唔夠應該要大辣。原來除咗餃子仲有其他小食，我哋要曬兩款皮蛋黎試。黃金原味皮蛋，個黃好流心好靚，出面少有比較特別，但我都係覺得傳統嘅麻辣松花皮蛋好食。食得出佢地嘅嘢原汁原味，冇味精，下次想食清淡d黎呢到就岩曬！

現今社會講求速度，講求效率，樣樣都機械化，缺乏人氣，所以我特別鍾情手工制品。今天來到一間手工制餃子店去感受吓稀有的人氣。看看餐牌除了傳統的韭菜豬肉餃和白菜豬肉餃之外，還有很多特別餡料的餃子供應，可選擇放湯，白灼或煎。我們點了三款比較新穎的來試下。要特別一提的是個湯底，命名為「狀元九鼎湯」，不但材料豐富，而且非常健康。每天均新鮮淆製，材料有粉葛、鯪魚、鰂魚、排骨、紅蘿蔔、扁豆、赤小豆、陳皮、蜜棗.....等，沒有加添任何味精或鹽。味道香濃，雖然沒有加鹽但已覺得好夠味，飲落好舒服，甚有「家」的感覺。至尊松茸豬肉餃松茸功效多多，不但可以增加免疫力和有抗癌作用，而且還可護膚，更可穩定血壓和膽固醇....咁多好處係隻餃子裏面，真係想一啖食咗佢。餃子皮厚度適中，餡料松茸味甚出，好特別的一種口味。這款餃子還跟上一碗狀元九鼎湯，正！元貝拼芫荽豬肉湯餃這款是雙拼而有湯底的餃子。元貝不但令餃子增加鮮味，而且令普通的餃子矜貴起來。芫荽味非常香濃，一啖咬落就已經感覺得到。香煎軟心芝士餃有啲似上海鍋貼。餃子底煎得很香脆，但不覺太油膩，餡料除了有豬肉外，還有粟米粒和芝士，食落感覺複雜，既有粟米的甜，也有芝士的醎，

星期一難得約到在附近上班的舊同學lunch，當然要投其所好啦！一想就想到曾經經過一家餃子專門店，令我留下印象除了她搞鬼的店名「餃掂」，還有店外絡繹不絕的人龍！ 幸好(?)當天有微雨，所以不用等很久便能入座。店子比一般餃子店企理，有點台灣風～這裡的餃子款式真是應有盡有！ 一場來到，就試試招牌「至尊松茸豬肉餃配狀元九鼎湯」，狀元九鼎湯味道比想像中清淡，如果再濃味點會更好，尤其吃過湯底較濃的湯麵後便會覺得太淡，可幸是應該沒加味精，勝在真材實料。而松茸豬肉餃認真皮薄餡靚，肥豬肉內混入松茸香，令人齒頰留香，是這裡獨有的餃子味。 另外點了雲吞湯麵及餃子麵，湯麵條條分明有韌勁，而僻愛芫茜的小妹大愛芫茜餃，配合小辣湯底，食極唔停！朋友都說雲吞湯麵味道不錯～ 我們不約而同點了自家製山楂雪梨水，山楂與雪梨的比例恰當，解渴好味～ 這裡的食品相當出色，愛餃之人不容錯過，惟侍應態度可稍為改善！ 

餃子是其中一種最愛的食物今晚相約在餃子專門店令我笑逐顏開菜單上多款餃子口味令人目不暇給烹調方法也可選擇水灼湯煮煎煮先點了水灼至尊松茸豬肉餃附上一碗狀元九鼎湯鮮甜無味精餃子厚實滲出濃郁的松茸味另點湯煮的元貝豬肉餃豬肉味突出吃的到絲絲的元貝芫茜豬肉餃就來個煎煮的煎煮比水煮多一份香口愛芫荽的朋友不要錯過這款餃子野生松茸素餃是全素味道清新黃金原味皮蛋是朋友指定要點不吃皮蛋的我沒辦法評論啦食物出色唯侍應態度真的不敢恭維要留住客人不得不再教育這班阿姐

餃子是中國北方的一款主食，一般都是以薄薄的麵皮包著菜肉餡，放湯、蒸煮或煎脆，是為餃子。最近灣仔修頓附近就新開了一間餃子專門店，以松茸餃子和狀元九鼎湯為招徠，但想不到原來小店真的極度專注，除了供應不同餡料的餃子之外，其他的就只有一款涼麵和幾款小食， 但其實只要夠美味，專注於單種類出品也不是一件壞事，正所謂有麝自然香，好東西自然會有人懂得欣賞。這店的餃子可選放湯和香煎兩種製法，以配合不同餡料的口感，而枱上的調味架亦放上了3款不同的佐醬，香濃麻辣俱備，十分貼心，讓人期待。先來一客麻辣松花皮蛋，溏心的皮蛋像啫喱般順滑甘香，獨特的口感味道配上惹味的麻辣汁，濃郁流心，開胃過癮。 跟著就到主角登場，幾款不同材料包成的餃子輪流上枱，先是店家首創的至尊松茸豬肉餃和龍鳳松茸豬肉餃，矜貴的松茸有改善身體機能的保健功用，我們點了灼餃各一份，至尊松茸餃皮薄多汁，一啖咬下去肉味豐盈，松茸香徐徐滲出，清香足料，童叟無欺。龍鳳餃子內分别釀有黑松露和白松露，每款分別有4隻；黑松露的幽香不太強烈，沒有蓋過肉香和松茸香；而白松露相對較柔和中帶辛香，但菌香還是十分突出，兩者同樣出色味美，真材實料，不愧為鎮店的招牌菜！而選擇灼

上次食完之後一直心掛掛 今晚決定又去食餃子飲靚湯 7點半食飯時間去到 店入面已經坐滿人但岩岩好有張空枱唔洗等位!鋪頭門面好光猛，望上去仲有個天下第一餃嘅招牌，好吸引嘅感覺每一張枱都放足曬調味料 有醬油、陳醋、辣椒醬、豆豉醬、胡椒粉等等仲有一樽自家製嘅醃蘿蔔同辣椒，一打開，超香，酸酸甜甜夠曬開胃 山楂雪梨水 $20清熱嘅雪梨加酸酸地嘅山楂味完美減低餃子嘅飽肚感食幾多隻都得啊😋黃金原味皮蛋 $28佢嘅顏色係唔同平時見到嘅皮蛋，好特別😁至尊松茸豬肉餃 (配狀元九鼎湯) 大碗 $105重點終於到了!個湯真係完全飲得出係無味精 材料有粉葛、鯪魚、鰂魚、排骨、紅蘿蔔、扁豆、赤小豆等等真係超級足料呀 而餃子我亦都好足料，一咬落去就有一陣濃濃嘅松茸味出咗黎!香煎軟心芝士餃 $58 大碗這種餃子簡直係我的最愛😗咬落去芝士係多到流出黎而且煎完嘅餃子超香熱騰騰好好味豬肉餃湯麵 $48豬肉餃係肉多而且皮唔厚有啖啖肉嘅感覺而且呢種麵嘅質地係同平時出麵食的唔同食落去面質係比較煙靭，食食下就不經不覺消滅左一大碗了總結來講，這間餐廳的性價比很高有機會我一定會再黎食 

餃掂@灣仔店名叫餃掂，門口有好多名人嘅相，仲有蔡 san 𠻹店如其名好掂咁喎 😂黃金皮蛋係用四川醃法醃出嚟係金黃剔透～有啲人唔受得皮蛋嗰浸 ammonia 味而黃金皮蛋就會少啲 ammonia 味，蛋香重啲青瓜非常爽脆清甜嘅青瓜加上酸辣嘅醃料，真係勁好食！👍🏻自家製山楂雪梨水廿蚊一大杯～感覺都幾滋潤呢個係至尊松茸豬肉餃套餐有個狀元九鼎湯跟番至尊松茸豬肉餃嘅餡料好紮實飽滿煎得香脆，唔會好油膩，唔錯！而且仲加咗有益嘅松茸，好養生 😂狀元九鼎湯標榜絕無味精好有住家味道～重慶鮮肉雲吞有唔同嘅辣度我哋就食小辣 😂大碗 $45 有十八隻，一隻 size 都唔細我覺得好食又抵～皮薄餡靚，份量夠哂多 😋