莆田 (荃灣廣場)

营业中

休息中

下午食得小與媽媽食了個豐收的下午茶❤️興化米粉每次去莆田都會點米粉喜歡食這招牌菜❤️炆飯老人家無飯不歡看樣平平無奇吃起來有好香的蝦乾味❤️自選小食2味糖水不能選小食可選2樣米糕不錯👍

打住「米芝蓮一星餐廳」嘅旗號，莆田近年分店越開越多。早兩日同友人行街經過，既然行到餓餓地，就乘機入去朝下聖。莆田荃灣店環境清雅，裝修簡潔舒適，下午茶時段人流唔算多，大概只有4－5檯客，職員可能為咗方便做嘢，唔想啲客分得太開，結果搞到大家都坐得好迫，再加上職員態度麻麻，不免令用餐過程少咗幾分閒適，平添幾分煩躁。餐具本身雖然別緻，但乾淨程度只係一般，杯上有幾撻可以抹得走嘅污漬，可見此店員工喺清潔上唔算十分上心，多少有啲倒胃口，有啲可惜。莆田嘅「下午茶·聚」有兩個價位，分別係$49(2點心+主食+甜品)同$59(2小菜+主食+甜品)，免茶錢，但需另收芥錢同加一。感覺上點心比小菜吸引，於是叫咗兩個$49set：點心：杞子白米糕 + 古法蕃薯包杞子白米糕 + 莆田糯米丸主食：興化炒米粉醬爆肉絲湯麵甜品 (無得揀)：一粒紅棗銀耳羹先講最遲上菜嘅主食，興化米粉係今餐嘅亮點(沒有之一)，米粉幼身但不粉糊，係真正嘅「白如雪，細如絲」，再配上惹味嘅配料，稱得上係味濃鮮美，惟一缺點就係唔夠熱。珠玉在前，另一主食醬爆肉絲湯麵就顯得非常遜色。興化米粉有幾令人驚艷，肉絲湯麵就有幾令人失望，賣相普通，感覺似快餐店肉

星期六同女友去荃灣拍下拖、行下街，行到荃灣廣場見到呢間成日都想試既餐廳，咁今次就入去試下佢啦，呢間米芝蓮一星既餐廳，睇門口個環境好簡潔舒服。 入到去都坐得好舒服，唔會有迫既感覺，職員態度真係好好，好有禮貌咁歡迎顧客。  安排座位後，職員都有第一時間介紹餐廳推薦既菜式，係餐牌上已經見到銷售冠軍既蟶子，咁就梗係要試試啦。職員話呢兩款都好多人點，咁我地就要晒佢~~鐵板鹽焗蟶子同冰爽酒糟蟶子，驚唔夠飽就叫多個百秒黃花魚及興化米粉。上枱啦~上枱啦~首先上既係冰爽酒糟蟶子，遠遠都聞到一陣好芳香既酒味，呢味菜係凍食，入口個陣酒香已經係個口度轉下轉下~蟶子好飽滿，超爽口啊，勁勁勁好食~ 因為新鮮所以都無咩沙，味道簡直係一絕啊。  跟住就上埋個鹽焗蟶子，見到的蟶子插晒係的粗鹽度，旁邊仲有的花椒，香到呢...，我決定要救晒佢地，一粒一粒放晒落個口度。嘩~~新鮮既食材真係已經贏左一半，粒粒又係好肥美，就算係鹽焗都好爽口，好有海水味，一的都唔乾身~ Super Yummy~極品啊~ 跟住到條黃花魚，就咁睇個賣相都知道魚湯好濃好鮮，食落去魚肉亦好新鮮，又係一道好新鮮既菜。最後食埋呢個興化米粉就真係剛剛好啦，個米

為食小ss同🐎🐎成日都會戴我到處食野🤤今次去到荃灣，佢地2個係呢度既地頭蟲！佢地話莆田近排有個叫「哆頭蟶節」，戴我黎食下😆門口係Tiffany blue既顏色，小胖子很喜歡這個顏色！鐵板鹽焗蟶子呢個鹽焗蟶子好惹味呀💛，鐵板佈滿了粗鹽和花椒八角，鹽焗令蟶子嘅鮮味出曬黎🤤。蟶子又熱又嫩，食既時候要用手先打開到！鐵板嘅熱力令到啲鹽保持住熱既溫度令蟶子都好熱🌡蒜蓉蒸蟶子第二味蟶子就係蒜蓉蒸蟶子，聞到好香蒜蓉和香蔥味！感覺上比鹽焗更肥美。小ss食左2舊都有沙，而我食唔到有沙😎百秒黃花魚好奇點解個會叫百秒黃花魚，食飽飽睇海報發現原來係用100秒蒸熟左條魚👏🏼👏🏼厲害呀❗️用左上湯同薑粒黎浸熟黃花魚，魚肉好滑😍興化米粉呢個興化米粉我以為係普通野，食第一啖呢個米粉真係令我驚喜😍...米粉既口感好綿又鬆化，而且米粉仲好幼細，無也油份‼️配料好豐富，有蜆、蝦、花生、豬肉、生菜、紫菜等等，味道好香口😆朋友🐎🐎提我要加埋 ‘自家製辣媽醬’會更加惹味，佢話次次食都一定會落。

久仰大名，終於的起心肝黎試一次，福建果身啲野食真係唔太識，咁啱朋友福建出身，有幸得到一邊食一邊講解的機會見到佢menu大堆緊蟶子，枱枱都叫當然我都唔執輸！鹽焗成個鐵板上，熱辣辣勁入味，一啲都唔會太咸，好快就清晒～酒糟蟶子就完全地食到佢個鮮味！酒味不會很重，隻隻蟶子都很肥美，而且可以中和鹽焗的咸。正餐叫了黃花魚，因為是朋友堆介的，肉果真很滑～不需要太多調味，清湯、薑絲就已經很好味了呢～另一個必點的絶對係興化米粉，啲粉真係幼到呢～雖然係咁但好有咬口，仲有菜係上面，均衡營養～

莆田出名都係一D特色菜，好多都好特別，一入門口已經有盤新鮮蟶子，俾大家見到有幾Fresh，唔知食落會唔會好鮮甜呢？今次就黎試下呢間有米之蓮之稱既莆田啦～餐廳主推蟶子人仲要有優惠，咁當然不能夠唔食喇冰爽酒糟蟶子 ＄198 /2 份凍冰冰既蟶子有一陣陣花鵰酒味，肉質爽口而且都幾入味，仲要蟶子啖啖肉，一D沙都無。酒味唔會好濃郁但係就岩岩好，因為唔係好多人喜歡花鵰酒味。一碟都有1X隻，2個人好夠食，所以想食花鵰酒但怕太濃味既，呢款都可以試下鐵板鹽焗蟶子 ＄198 /2 份鐵板蟶子小妹之前未聽過當然亦未食過啦，估唔到今次俾左個驚喜我。鐵板上除左有大量粗鹽仲有花椒，蟶子整齊排好，熱辣辣出爐。不過要小心，因為蟶子好熱比較難開，估唔到鐵板都可以整到咁鮮甜仲Keep住蟶子既水分，同樣啖啖肉，小妹至Like興化米粉呢款米粉應該係家鄉米粉，好有傳統風味，調味簡單但唔會覺得唔好味米粉有蝦、花生、炸紫菜等等既配料但當中既賣點一定係個米粉，呢到既米粉好幼細不過都有少少煙韌既口感，相信無論小朋友定老人家都好岩食總括，小妹覺得莆田所出產既食物都有水準而且服務都好好。現場仲有好多特色食品，下次小妹一定會再去

放工約左同事去荃灣行街，行到天昏地暗到感到肚餓時，原來已經9點了。同事仔問我想食咩? 對於一個路痴既我話冇所謂，但突然間好想食新加坡菜，佢就帶左我黎依度。我哋叫咗三樣嘢，蝦苗拌頭水紫菜，莆田扁肉湯同興化米粉。蝦苗拌頭水紫菜 - 上枱時只見到一堆野，食落口酸味味，令我諗起中菜既涼拌木耳，醒胃可口。紫菜一絲絲的，要人幫幫手弄斷。莆田扁肉湯 - 一鍋上枱，湯底清甜，有少少酸味味，鍋內有好多粒類似小雲吞既東西，每粒都係小豬肉，雖然食唔出咩味，但感覺不錯。興化米粉 - 一堆米粉加好多配菜，如花生、切左絲既娃娃菜、豆卜、菇等等。食左第一啖米粉，口感幼滑，雖然未到入口即溶，但參不多有這種感覺。米粉有用調味料兜過，並非霎熟咗放上碟嗰種。最後，佢既茶有清香既菊花味，飲左第一口既感覺好舒服。今次前菜係香脆紫菜同花生，味道不錯。但眼見餐廳唔夠員工，有位但要等入座要點時間 。

老友生日，當然要一齊試新野喇！😁聽同事講左好耐「莆田」啲野幾好食，我問係食咩菜色㗎？同事既答案係「台灣菜」😂於是襯同老友們慶祝生日就去試下喇！結果睇openrice先知原來係新加坡集團開既福建菜😜言歸正傳，由於到達時只是6點多，所以不用排隊就有位。我地一行四人，連小食我地點左六個菜式同四道甜品（無錯，我地只係四個人啫😂）主菜包括九轉小腸、百秒黃花魚（呢個我地叫左兩份😁）、莆田荔枝肉、莆田扁肉湯、馬來風光（其實即係馬拉盞炒通菜😜）同埋興化米粉「九轉小腸」，就呢個小食已經可以令你感受到呢間食店既用心，上枱時會連爉燭底座一齊上台，用意唔洗講都知，係要保持食物既溫度喇！😁👍🏼小腸質感爽脆，鹵水味道適中，不會過鹹，而且一直keep住保溫，食到最後一粒都唔會有「琼」油既情況出現，令明明食緊邪惡內臟既你一啲都唔覺油膩，即時內疚感全消😂「百秒黃花魚」，如果你鐘意食魚，你一定要試呢個菜👍👍👍👍👍👍👍👍👍👍😁，我個人比10個LIKE，是關唔係講笑，我超鐘意食魚的（食左就慶幸我地叫左兩份😜，但其實又飽左啲，人生真係充滿矛盾😂），條魚其實份量唔算小，以砂鍋上枱，魚肉既熟成道啱啱好，一夾就已經feel到佢既滑溜

之前聽到長輩介紹這間餐廳很美味今天和老婆仔在荃灣逛街經過這間餐廳雖然看起來不太像我們平時吃的東西但附近又沒有其他吸引的餐廳就試試吧!我們點了一份幸福套餐已經是二人份量了會吃得幸福嗎?冰浸苦瓜砌得就像一朵花薄薄的一片生苦瓜本以為會苦得難以入口沒想到竟然帶點清新感覺吃起來感覺口腔很舒適若怕苦還有蜜糖提供老婆仔當然不停沾著吃平時不吃苦瓜的她也承認這個苦度她也能接受九轉小腸則是豬大腸這裡的豬大腸感覺清潔得很乾淨吃起來的口感有點像普通香腸平時不吃豬大腸的我們也很享受再沾上特別的「辣媽」醬是種能吊味卻不會太辣的醬混合起來吃實在太美味了說穿了, 比起豬大腸更欣賞的是這個醬極品椒鹽豬手則是一人一隻豬手我一直笑說是老婆仔的手雖然肉不算太多但味道很濃椒鹽令香味很足加上本來的鹹味實在不錯百秒黃花魚對我們來說也是個新挑戰因為我們都不常吃魚現在還要每人吃一條慢慢小心地吃發現骨不多很容易就能吃到重點是魚肉很滑這種製法令肉質保持白滑我們都很享受地慢慢把僅剩的肉挑出來吃興化米粉是我們最喜愛的菜式這特色米粉炒得非常香看到加入了中量調味的材料才有如此香味加上米粉每條都有細滑吃上去就似是絲一般的質感非常值得推介

過江龍的精彩。第一次食福建菜，竟然遇上冇得輸嘅炒米粉同過江美食黑椒炒蟹。話說呢就有個朋友叫我來食莆田，咁我聽完之後我就話好啊好啊好啊日本野我最啱嘅，點知去到望清楚咦原來係食中菜喎，巧遇驚你有時間同我哋傾吓計佢就話左比我哋聽原來佢哋係來自新加坡嘅福建菜。原來普遍很新加坡好架勢架係新加坡50大餐廳之一，佢哋嘅福建菜都好正宗，但係既然佢哋係新加坡知名餐廳當然就要為我哋帶嚟一啲新加坡嘅新色彩啦！經理就同我地介紹咗啱啱出咗唔知有冇一兩個星期嘅秋天新餐牌同強勢新加坡炒蟹啦！要講另外一個小細節啦！就係佢哋嘅茶位呢嘅茶係好好飲，唔似得好多中菜嗰啲茶得個色無香味，今次是嘅菊花茶，真係好清香，金黃色的，飲落感覺好舒服。先來個金秋三影小食拼，今秋衫影嘅特色，就係三樣嘢都係望落去係金黃色，有啲似落葉紅葉嘅感覺，三個小食有南瓜、甘薯、合桃，煮南瓜塊，口感清甜。炸甘薯，炸漿夠薄無咩油，裡邊嘅甘薯都係有種清甜的感覺。糖合桃，脆口有蜜糖的甜味。分量其實唔多所以三分鐘已清。另外就帶咗經理推介嘅黑胡椒炒蟹，仲記得五月去新加坡嘅時候好慘地當日嗰個市場呢邊嘅蟹好早已經賣晒啦，整個旅程我最後都食唔到如此知名嘅黑胡椒炒蟹同辣椒炒

淨識收錢冇用心做好菜式既舖頭，一坐底侍應就即問叫咩飲品，如果水同五花茶就8蚊位，如果叫特飲就會免一個茶錢，我地4個人有3個對特飲好有興趣就叫來試試，杯鐵觀音1，2啖就飲完叫加水又等得耐，等到差不多尾聲先叫第2轉加水，五花茶個位都順便叫埋加水，但因為太耐關係當時枱面仲有隻杯就叫侍應倒定杯五花茶俾我地佢叫應了好就照做咩都冇講，到埋單時張單除了飲品3杯仲收了另外2位茶錢，俾錢後都覺得舖頭小家，又茶錢又介錢都收足但水都冇杯招呼，食物睇相就好特別但唻到就不對辦又冇味又油膩，唔會再去食另已通知住荃灣朋友不要去試

期待已久的福建菜，今天終於可嘗試了，站在莆田門外，我們只需等1個號碼。入座時，店員很有禮貌哋介紹飲品收費。三五知己相聚試試新菜色，真是人生一大快事，而環境比較嘈雜，而座位編排非常擠迫，店員動作和說話亦很趕急。店內提供味道不錯的菊花茶，每位茶錢$8。拿着的餐牌選點了冰鎮苦瓜、鐵板聖子、黃金荷葉包、九轉小腸及興化米粉等多種菜餚...

細細個時食過媽咪煮的福建菜，終於揾到間餐廳食得返了！今次預早左兩日訂枱完全唔駛等就有位了入囗有免費薑茶自己酙嚟飲，好好味！坐低叫嘢食，侍應好有效率，好快我就叫左興化米粉（細）丶金湯莧菜（細）丶椒鹽豬手（一開2）丶扁肉湯（細）丶酥炸芋頭（細）丶酒蒸蟶子。先嚟左個湯，扁肉湯其實係好似迷你魚皮餃湯加左小小醋，湯好清甜有肉香味（9/10）金湯莧菜同金銀蛋莧菜有小小似，不過呢款似乎係落左南瓜湯煮，感覺好健康（8/10）椒鹽豬手，食落一d都唔乾又不過咸，感覺好重骨膠原好好味吖（9/10）興化米粉，實在太似我媽媽炒的一d都唔油膩，仲落左大量唐芹好有家鄕風味（9/10）酥炸芋頭係出奇的好食，外脆內軟，甜甜地有小小南乳香味！酒蒸蟶子一定要食，非常鮮甜又有當歸的香味！試左每道菜都好有水凖，忍唔住食埋甜品先走，唔記得咩名淨係記得好好食

對於福建菜,我的印象總是模糊不清晰,不會有四川菜就是辣的本能反射反應,多年前,一個人旅行,途中認識了一個福建女生,不知就裡說起家鄉菜,她形容為清鮮,淡雅, 吃的都是食材的真實原來的味道....最近天氣熱,家中各人已中暑似的,沒甚胃口,實在需要吃一些小清新,忽然想起了清淡的福建菜,結果就趁妹妹生日,到莆田開餐!!~星期日的下午人不多,坐下就送來兩個餐前小吃,紫菜又爽又脆,就是同平常的口感有點不同,幼身但鮮味分明,又不覺有額外的調味!這道菜,令我對今天有點期待.....店內有幾款果汁,都是鮮打的,我對這個名為"曲氏"的特別有興趣,看到餐牌介紹,是以莆田一位老顧客的名去命名,當時在想,嘩!我平時飲星巴巴,人家記得在杯上寫名,我已經是幫襯了幾年才會,如果要改埋個名,omg!!!一定係幫襯了很久了吧.....btw, 口味屬於小清新,少量的果味,不甜,夏天應該會很受歡迎蝦苗拌紫菜深啡色的紫菜幼身不韌,有啖啖的香醋酸味,蝦苗是透明的,整體感覺很清新的一道小食~冰浸苦瓜苦瓜人稱半世瓜,而我是不吃的!!!不過店員說不會很苦,因為用片至0.2mm 薄的方法處理,苦的程度會減少很多吧!另外又有蜜糖附上的,

今天是父親節，先祝天下間的爸爸身體健康、幸福快樂！同時也補記早幾天在 莆田 的慶祝晚餐吧～來自新加坡的莆田實在厲害，去年在銅鑼灣利舞台開了首間香港分店後，很快又開了鑽石山分店，最近連荃灣廣場也開分店了，成為父親節晚餐之選。很慶幸一早訂了位，因為後來很多人排隊呢～店內環境清麗雅致，與菜式的清鮮形象十分合襯，一來到老人家都驚呼：地方好美啊！　妹妹給安排安坐同樣是木色的BB餐椅上，十分興奮，除了自己的粥仔又試了不少其他食物，不禁令人懷疑：會不會 百樂潮州 的斷電事件再度重演啊？XD好，正式開餐；除了清新好喝的 菊花茶 ($8/位 x6)，又有兩碟芥菜 ($16)：紫菜花生及微辣榨菜，兩款都超好吃，特別是紫菜那碟幾乎給囝囝吃光！　開始頭盤，這裡的頭盤都很精緻而好吃，首先是名物 九轉小腸 ($78)，成品以蠟燭台熱著上檯，十分細心；而小腸做得肉嫩鮮香，的確好吃，好此味的老公讚不絕口！推介。　也點了 冰浸苦瓜 ($48)，苦瓜給片至薄身透光，再捲成精緻花朵狀上檯，吃時可蘸點同上的小碟蜜糖，食感冰爽而且甘中帶甜，又是得到大家一致讚賞！也是推介。　最後一款頭盤是 糖醋皮蛋 ($46)，第一次吃這創意組