芋見好圓

营业中

休息中

約左屯門牛朋友唔知食咩好，搵到呢間有芋圓食就黎試下🤭。舖頭喺時代廣場嗰邊(近輕鐵站嗰個商場)，喺7-11同M記附近，十年都無經過過呢邊真係唔知開左呢間甜品店🤣。價錢同鮮芋仙差唔多，memu選擇都差唔多，不過仲有蛋餅同麵🍜。呢間環境就好啲(因為無咩客😂)，坐得舒服啲。🔅芋圓4號 ($45)有仙草、珍珠、粉粿，配黑糖桂圓紅棗茶。茶唔算好濃，不過配埋咁多配料啱啱好～最緊要係超足料，有成16~18粒芋圓😍！咬落幾煙韌，食到有少少芋頭粒。🔅熱燒仙草 ($48)有芋圓、紅豆、珍珠，配埋燒仙草，口感煙韌軟糯。不過料就唔夠另一碗多，有對比有傷害😂。💬整體都唔錯，環境都ok，價錢合理又夠足料，下次想食應該會揀呢間多過鮮芋仙😳。