鮮芋仙 (已搬遷) 新店位置

話說之前8點呢間人氣店已經截堂食嘅隊，今次再早啲終於入到😂 叫咗 芋圓4號 $45裏面有芋圓、芋頭、紅豆、珍珠，加埋牛奶沙冰底，黎到一望好足料大份👀 招牌仙草沙冰 $45就有芋圓、仙草凍、仙草沙冰🍧 芋圓同珍珠幾好𡁻口🍠 有紅豆多啲唔同嘅甜味嘅層次😙 沙冰真係有啲粗但夠牛奶夾住食算OK🥛🥸 個芋泥大大舊夠粉綿好正😋 而最印象深刻就係個仙草，甘香軟滑、甜味岩岩好🤩 以前試過啲仙草質感一係就好硬，一係就似鼻涕，所以試完我覺得個仙草係值得再回頭😬 如果一樣要排咁耐就唯有隔耐啲先再食啦😂

夏日炎炎，又係食冰既季節～🍧🧊下晝5點幾到，都排左半個鐘～🥵因為又想食芋圓，又想食仙草，一入去就問店員邊款有齊兩樣野，所以就點左佢地既招牌～😆1️⃣招牌仙草冰沙 - 凍（$45）芋圓、仙草凍、仙草冰沙一次過滿足晒我想食芋圓同仙草既慾望～芋圓同仙草既口感都好好，冰沙加左仙草糖漿調味，食完爽晒～😎2️⃣芋圓4號 - 熱（$45）芋頭、紅豆、珍珠食完冰太凍，食返碗紅豆湯暖返～嫌珍珠腍左啲，但芋頭、芋圓同紅豆湯就冇得頂！😋

次次經過想食都勁長龍😰食左幾次都係外賣🥡終於堂食到😭平日5:00黎到都要等20分鐘🤭堂食份量真係多d!!🤤💜芋圓4號 + 仙草凍 $48個日post完story發現好多人都認得出係芋圓4號😈證明芋頭控必選💜有芋圓 芋頭 紅豆 珍珠😁仙芋鮮既芋圓的確數一數二好食 好煙韌同有芋香/蕃薯香☺️可惜我期待已久既芋頭中間位偏硬同實🤭係冇咩調味既芋頭本人~我食左一舊就夠了🙈

呢日係尖沙咀去完cafe之後見到樓下就有鮮芋仙又唔使排隊就去試下。我點左芋圓4號，入面除左芋圓之外，仲有紅豆、珍珠同芋頭。可能因為叫熱嘅關係，所以芋圓偏軟，但芋圓嘅蕃薯同芋頭味都幾濃郁。另外係紅豆融入糖水之中，但仍未可以更加濃稠。珍珠偏細粒，但幾有咬口，唔會因為熱而變得太軟。成碗最欣賞就係芋頭，好粉同好有芋頭香氣。雖然我無食過台灣嘅鮮芋仙，但我認為呢間香港鮮芋仙嘅份量同佢嘅價錢符合，味道都不錯，唔會太甜，如果可以成碗糖水可以再熱啲就更好。

-終於試到鮮芋仙啦😘-芋薯圓Q麻糬牛奶冰🍧（$52)芋薯圓｜小芋圓｜Q麻糬｜冬瓜凍一見到個份量，真係好驚訝😱好大盤，起碼2-3人份量♡´･ᴗ･`♡材料十足，見到都流曬口水🤤介紹下有材料先😆有雲呢拿雪糕，軟綿綿的牛奶冰😋大量小芋圓，麻糬，芋薯圓和冬瓜凍芋薯圓口感煙韌，好好食😍而麻糬軟糯，好適合同朋友一齊食👻即使天氣冷都好想食😎-芋圓4號👍🏻 ($45)芋頭｜紅豆｜珍珠（可選冰/熱） 依幾款食材都好想試🌝芋頭好好食，口感實在，是我喜歡的口感(//∇//)而珍珠軟硬適中，好Q彈，好有咬口⭐️而紅豆都幾甜，芋圓真係好好食～不過唔知係咪我食得太慢✨D冰溶得好快(*´◒`*)下次想試其他口味的～-Name🏠: 鮮芋仙 Meet FreshLocation📌: 尖沙咀厚福街3號華博商業大廈地下2-3號舖（港鐵尖沙咀站 B2 出口, 步行約3分鐘）價錢💰: 芋薯圓Q麻糬牛奶冰（$52)，芋圓4號 ($45)