恆發雞蛋仔 (已結業)

眾多夾心雞蛋仔當中，個人對恆發出品情有獨鍾，從2014年開始我已經成為它的忠實粉絲，真材實料絕不欺場，以往每次光顧雞蛋仔接過手上都覺得特別墜手，份外實在和飽足還記得之前曾分別到過旺角及紅磡分店，惟一次紫薯缺貨而另一次則要等候數個小時，結果還是買了其他口味，。是次其實本來只打算到鰂魚涌嚐蛋餅吃貝果，意外發現這裡原來也有恆發分店，就在貢茶旁邊，OpenRice上卻仍未有任何資料，只好在觀塘分店撰寫食評。正值午飯時間，等候人數不少，但還是駐足買了一底紫薯雞蛋仔紫薯雞蛋仔 ($25)雖然雞蛋仔姨姨一如既往毫不客氣地將紫薯蓉大把大把地壓上雞蛋仔，但這份紫薯雞蛋仔比起過往於其他分店的少一份結實，不及以前重重量級。中心比較鬆軟；雞蛋仔外層薄脆，即使到最後一粒也沒有變軟是我喜愛恆發雞蛋仔的其中一點，個人反而較為偏好這種質地，飽滯感亦較輕。紫薯蓉沒有添加多餘砂糖調味，所以只帶本身嘅天然香味，同時亦保留紫薯粉實的質地。光顧了多年還是首次為恆發撰下食後感，起初最喜愛的其實是紅豆雞蛋仔，因為味道較濃帶甜甜蜜香，後來人大了口味亦改變了，卻反而喜歡以往不太喜歡的芋泥雞蛋仔，幾乎每次光顧都是選擇它，就趁這次把它一併

很久之前這店被報導過之後人氣大增，一時之間超多人去排隊買她的芋泥雞蛋仔。想試很久了今日終於試到，到達時只有兩位客人在等待，雞蛋仔即叫即整，保證新鮮熱辣。但吃下去卻發現Not my cup of tea，芋泥確實很足料，但過度天然感覺完全沒有下糖，吃進去幾乎沒有甜味，真的很像在吃芋頭蓉。另外由於太足料，所以雞蛋仔蛋漿部分真的只有個皮咁薄，個皮偏軟不夠脆口。我個人喜歡的雞蛋仔，是皮脆但內裡軟糯帶點蛋糕口感的，通常這種雞蛋仔皮會光滑沒有太多氣孔，這個餡多過蛋漿的雞蛋仔真的不太合我個人口味，如果要選，我還是會選擇分開食雞蛋仔同芋頭~

終於食到傳說中超正嘅雞蛋仔！ 下晝三點左右揾到黎間舖已經身水身汗，黎到有5人排緊隊，唔知係咪老闆嘅哥哥好用心慢慢整，落好多粉漿，唔似其他輕飄飄果d空心雞蛋仔，慢工出細貨，都等咗4個字都有叫咗芋泥夾心，$20都幾貴，但想試好耐，睇住佢整，落好多芋泥呀！幾乎填滿每一粒！拎上手就知正野，熱辣辣，好有份量！因為哥哥倒埋d粉漿落個邊邊，所以有好多平時好少食到嘅脆脆邊邊，好正！芋泥偏甜，但夾埋雞蛋仔就啱啱好，兩個人當tea食都飽咗！會再黎試原味／其他餡！ 

今日要去觀塘區做野 想去試呢個芋泥雞蛋仔好耐啦 一於過去試下 中午1點40分到達 但姐姐話仲末有雞蛋仔賣 唔知係咪日日都係 問一問姐姐幾時先有 姐姐話要等4個字到 一場黎到 唯有等啦 去左隔鄰759逛下 宜家d天氣開始熱 係759涼下都好 等左4個字番去 有雞蛋仔賣啦 即刻嗌個芋泥雞蛋仔 我排緊第三個 都等左幾個字 雞蛋仔餡料十足 如果淨係一個女仔食都幾飽 食左一半 我都飽左 坦白講 如果要排咁耐 試一次就可以 因為我又未覺得真係好好食

最近又係睇報紙介紹，得悉觀塘有間雞蛋仔舖賣有餡雞蛋仔，於是同女友喺觀塘食完晚飯就行過嚟。嗰陣八點幾，除夕夜，門口圍住一堆人等緊攞雞蛋仔，有啲好似我哋咁慕名而嚟，有啲係街坊。冇排隊可言，買就行埋去同阿姐講，佢會叫你等至少十分鐘，比埋錢就企埋一二邊等佢整。原味十蚊有交易，要加餡就再加錢，芋泥要加$6，其餘有紅豆味、朱古力味等等。而短短三個字，最多人叫嘅係芋泥，其次就係原味。整嘅時候，阿姐先焗個空雞蛋仔殼，然後就打開個焗夾，搽入芋泥餡，搽滿晒，再冚埋個夾，喺個餅夾邊倒蛋漿再繼續焗，用蛋漿封晒條邊，以免焗完出嚟啲餡漏晒出嚟。雞蛋仔到手，即使用蛋漿封邊，啲芋泥餡都依然漏咗啲出嚟！食落好得意，除咗有雞蛋香味之外，第一啖食個餡冇味，啲芋頭味係一路食一路出，外殼脆卜卜，個餡熱辣辣有芋頭味，比起食開嘅「有味雞蛋仔」，有餡嘅餡味更加突出。臨走前，有個客叫個朱古力味，阿姐就逐粒逐粒朱古力放入每一格焗好嘅雞蛋仔殼，呢份心機嘢應該冇乜舖頭肯做，而呢間舖得三個雞蛋仔夾同埋咁多人等，都肯咁做法，令我哋更有藉口下次嚟試朱古力味！