影片
更多
2020-12-13
1455 浏览
放假去咗沙田搵朋友Hea下，我哋去咗新城市三期一間中菜館食晚飯🥢，餐廳叫做「四季芬芳」。等位期間，我哋見到大大個「蛇王芬」燈箱，其後更知道佢哋嘅淵源😉。由於我哋晏咗落去食，八點鐘坐滿人，得番包箱有位，但店員好好人俾我哋坐🤣。餐廳環境好靚，佢由地板以至牆身都經過精心設計，裝潢帶點中式風，用上湖水藍色調更顯瑰麗💙。呢度嘅餐具以至餐牌都好有心思😍，每樣均印有餐廳名字，而且餐紙更䆁述餐廳嘅起源背景，令客人留下深刻印象。題外話，餐廳收茶位每人$10。灌湯竹絲雞百花丸($38粒)，餐廳嘅食物出品賣相好靚，呢粒百花丸玩味十足😜，因為佢將湯汁放入滴管，再讓我哋插入丸中間灌入。百花丸大大粒，炸外皮超酥脆，仲冇無油膩嘅感覺；而入面就有蝦膠同雞絲🍤，好味。花膠太史蛇羹($98)，蛇羹大大盅，裝嘅器皿紅色底座勁有霸氣😎。伴旁有薄脆、檸檬葉同埋白菊花，店員介紹傳統係用嚟癖腥，不過我覺得蛇肉一啲腥味都無。話說其實今日係我第一次食蛇羹🐍，本身都驚自己未必食到，但食落感覺無乜嘢，口感幾似雞絲。蛇羹夠熱好滋味，而且配料仲有花膠、木耳絲等等，好足料。甜酸苦辣四小碟($98)，顧名思義，即係甜酸苦辣各有一碟，包括甜嘅洛神花
放假去咗沙田搵朋友Hea下，我哋去咗新城市三期一間中菜館食晚飯🥢，餐廳叫做「四季芬芳」。等位期間，我哋見到大大個「蛇王芬」燈箱，其後更知道佢哋嘅淵源😉。
由於我哋晏咗落去食，八點鐘坐滿人，得番包箱有位，但店員好好人俾我哋坐🤣。餐廳環境好靚，佢由地板以至牆身都經過精心設計，裝潢帶點中式風，用上湖水藍色調更顯瑰麗💙。
呢度嘅餐具以至餐牌都好有心思😍，每樣均印有餐廳名字，而且餐紙更䆁述餐廳嘅起源背景，令客人留下深刻印象。題外話，餐廳收茶位每人$10。
灌湯竹絲雞百花丸
$38
14 浏览
0 赞好
0 留言
花膠太史蛇羹
$98
11 浏览
0 赞好
0 留言
花膠太史蛇羹($98)，蛇羹大大盅，裝嘅器皿紅色底座勁有霸氣😎。伴旁有薄脆、檸檬葉同埋白菊花，店員介紹傳統係用嚟癖腥，不過我覺得蛇肉一啲腥味都無。話說其實今日係我第一次食蛇羹🐍，本身都驚自己未必食到，但食落感覺無乜嘢，口感幾似雞絲。蛇羹夠熱好滋味，而且配料仲有花膠、木耳絲等等，好足料。
甜酸苦辣四小碟
$98
18 浏览
0 赞好
0 留言
其實四款小食各有特色，好難話邊款最好食。🌶辣嗰款相對普通，因為係酸辣青瓜。最有驚喜嘅係苦嗰味，因為涼瓜加上蜂蜜柚子🍯，令到苦瓜變得易入口，好正！另一方面，每款小食嘅形狀均切成扭紋，好鬼過癮。
芋頭臘味煲仔飯
$88
22 浏览
1 赞好
0 留言
芋頭臘味煲仔飯($88)，煲仔飯大大煲，嚟到嘅時候先蓋住一陣，店員其後就嚟到面前幫我哋撈匀，而且仲點火🔥，營造火焰嘅效果。煲仔飯好足料，有芋頭、蠟肉、臘腸同潤腸，基本上每啖都食到餸。聽講話啲臘味係自家製添！
煲仔飯當然唔少得飯焦啦🍚，配飯嘅酒香火焰甜豉油唔會太鹹。
咖喱甘蔗薯仔牛筋腩
$128
15 浏览
0 赞好
0 留言
咖喱甘蔗薯仔牛筋腩($128)，其實本身係想嗌焦糖龍井煙燻炸雞，但已經賣晒所以我哋就轉牛腩啦。🍛咖喱牛腩煲熱辣辣，當中的確落咗甘蔗，但就唔可以食用，而且味道亦無明顯變甜，不過咖喱味就唔會太辣，亦幾惹味。🐮牛腩牛筋好大件，咁先至有口感㗎嘛。呢一刻我好想要碗白飯撈汁啊。
甜品
$58
14 浏览
0 赞好
0 留言
總括嚟講，四季芬芳喺各方面都令人滿意💯，食物味道算係幾有水準。再者，餐廳定價唔算貴，其實只係同普通街坊酒樓差唔多價錢，但菜式就好特別！最後，原來餐廳九點半就閂門，我哋夜去又食得慢，但女店員好好人，完全無催趕，服務值得表揚啊👍。
张贴
