允升甜品

营业中

休息中

入到黎長洲，緊係一定要食依到馳名既芒果糯米糍🤤長洲有很多舖頭都有出售芒果糯米糍，這間是其中一間比較出名的～果然不負所望😋糯米皮薄，芒果十分厚肉，重點係雖然依家唔係芒果當造時節，但芒果依然好甜好好味👍🏻芒果糯米糍大概和手掌心一樣大細，比起其他店舖細一點，但相對價錢亦便宜一點點，以這個質素來說還是可以一試😉這店舖還有其他味道的糯米糍和其他甜品選擇，如果大家對芒果糯米糍沒有興趣，也可以試試其他甜品。

每次嚟到長洲都一定會食嘅允升甜品！佢係長洲元組級嘅甜品店，佢個糯米糍咁多年來依然咁受歡迎，星期六日仲多人，通常下晝三四點已經賣晒，所以想食芒果糯米糍就要早啲去店內環境不大，只有六至八張枱，但係冷氣非常足夠，夏日炎炎就最好入去食返個甜品解暑😂😋佢除咗個芒果糯米糍係必點之外，鮮雜果凍奶都係好正！鮮雜果好新鮮，芒果好甜，奶凍係好甜滑，食完好涼爽，再加三花淡奶令到成個奶香味好濃好好食，招牌芒果糯米糍做到個皮好薄好煙韌，芒果肉都好大粒好甜，係即叫即整好新鮮，咁多年來都可以keep到個水準真係好難得！推介！

去長洲就係不停食食食,但食到幾飽都好,都一定要嚟買埋個芒果糯米糍先走~如果要堂食就有最低消費,所以買咗幾粒芒果糯米糍就出去食。佢嘅糯米糍皮真係好輕好軟,唔似一般嘅糯米糍皮要咬好耐。雖然係冬天,但芒果都好甜,正。每次嚟都只係買芒果糯米糍,下次有機會有時間再試下佢啲糖水。

嚟過長洲嘅都知一定要食芒果糯米糍 雖然我記得以前來長洲 唔知其他人啦我自己就唔係食開呢間甜品嘅😂所以對我來講邊幾新鮮㗎🤤 佢呢間嘅芒果糯米糍 咁多人推介當然都冇令我失望 佢唔算係皮好薄嗰種但又唔係厚度得好少芒果肉 佢嘅芒果都係大大嚿好足料 而佢層糯米皮唔厚唔薄啱啱好有啲咬口👍🏻因為平時都係食開普通嗰隻所以今次另外再嗌左個黑糯米！都幾好唔錯唔錯好有黑糯米味🤣因為佢如果堂食嘅話就一定要叫糖水所以我哋都嗌左個楊枝甘露 雖然佢呢度淨係出名芒果糯米糍但佢個楊枝甘露都唔差㗎🥰總括而言今次體驗唔錯我諗以後嚟長洲都要食返次😂😂😂😂

嚟長洲一定要食芒果糯米糍！今次試下依間先禮拜六聖誕節正日大概3點幾門口就已經有好長人龍如果係外賣糯米糍直接行入鋪裡面買就得㗎喇兩件普通皮同兩件黑糯米皮芒果糯米糍皮薄而且幾煙韌芒果都好大塊多汁但芒果就唔算好甜食到最尾有少少酸但到值得一試㗎！

每次入黎長洲 都即刻入黎哩到訂芒果糯米糍 因為每次入長洲都會食到好飽 唔外賣做手信當宵夜 當日係食唔落呀😂食過好多間芒果糯米糍 情有獨鍾「允升甜品」既芒果糯米糍 因為糯米皮好煙韌 厚薄適中 芒果好甜 佢個樣係圓形 涼浸浸 返到屋企沖完涼食 真係覺得今天既長洲之旅好圓滿👍🏻提提大家 如果想外賣做手信 記得要早d去訂左先 如果太晏先訂 有機會訂唔切呀～😊同埋新興街成條街都係食肆 經過入去食個糖水 再訂埋糯米糍 簡直係完美👍🏻👍🏻

允記喺長洲出晒名 一直都未嚟試過🤣今次嚟特登朝聖吓😋.📌芒果糯米糍 $15作為長洲芒果糯米糍嘅始祖 一定要嚟食返幾嚿😎佢比起其他店嘅芒果糯米糍 size細啲🔍個外皮偏厚 唔算太煙韌 食落好似食緊舊粉咁 冇乜甜味🤭芒果肉就正常大細 唔會好酸 不過都唔係好鮮甜🥭個人覺得呢間麻麻地 平記好食啲🙈.📌香芋西米露 $26呢款極推介💯食第一啖個芋頭味已經好濃😍好少食甜品個芋味會咁出🤤好似食緊芋頭蓉咁😌西米露份量超多 成碗滿晒🤩不過芋頭可能唔係當做 口感麻麻地 唔夠粉😟.📌芒西凍奶 $31呢到除咗芒果糯米糍 仲有好多芒果系列嘅甜品🍮朋友揀咗呢款芒果西米露再加奶凍😝西米露份量都一樣係好多😚芒果味好濃 有少少似許留山 嘅感覺👀奶凍個奶味就好淡 夾埋個芒果西米露一齊食就完全cover左🤭但係個口感都幾軟滑 唔錯😛

👧🏻_長洲一日遊3️⃣嚟到長洲 點可以唔試下馳名芒果糯米糍呢？第三站我地就嚟到允升甜品 一去到當然係要排隊啦 因為店內環境比較狹窄 所以為免阻止下一位食客 大家最好喺到你之前諗定食乜同攞定💰👍🏻差唔多到落單位置 見到幾位姐姐冇停咁包糯米糍 肥Glor見到都即刻留哂口水啊！·芒果糯米糍 $15比起其他長洲糯米糍 個人覺得哩個嘅size比較細！值得一讚嘅係同以前一樣咁皮薄 但係芒果嘅size就好似冇以前咁大 但都keep到鮮甜多汁嘅 還可以啦😐·芒果豆腐花 $24食完糯米糍再食呢碗豆腐花就好明顯食得出芒果質素有別！用來做糯米糍嘅芒果好明顯甜啲同埋冇咁多渣 豆腐花入邊嘅芒果就偏酸同多渣 唔係好建議叫🙌🏻#𝙛𝙚𝙞𝙜𝙡𝙤𝙧_𝙚𝙖𝙩📍允升甜品 (長洲)長洲新興街5號地舖

長洲最出名嘅芒果糯米糍，依家香港差唔多周圍都有得賣，但我覺得最好食都係喺長洲食，今次介紹呢間係我次次買芒果糯米糍都係呢間，放假晏晝甚至會見到人龍，因為大家臨上船就會去呢到買。雖然店舖位置係喺巷仔入邊，但係人流一啲都唔小，碼頭行過去大概要5分鐘，只要係甘永泰嘅左手邊巷仔一路向前行就會見到。-1️⃣ 芒果糯米糍 💰15（👅: 7.5/10）糯米糍食落幾煙韌，皮唔會話太厚，不過糯米味就唔太食到，食落唔痴牙，濕潤度都夠，糯米糍大小正常，但好似比平記細一啲。如果糯米賣晒會變做紫糯米嘅皮，都可以特登揀紫糯米皮嘅芒果糯米糍。芒果雖然唔係當做，但食落都唔會太酸，幾甜下，芒果果肉分量足夠，識落芒果汁都多。-⭐ 除咗芒果糯米糍，其他嘅芒果甜品都好人氣，好似楊枝甘露、芒果腸粉、芒果凍奶等。糯米糍嘅皮唔算厚，不過對比起元朗嘅糯米糍一定冇佢咁薄，賣點係入邊嘅芒果份量足夠同多汁，都係好適合買返去做屋企人手信。另外一提芒果糯米糍係冇堂食得外賣，如果買兩個只會比個袋你，買四個佢就預先有盒包實比你。-👅味道: 7.5/10🍴環境: 7/10💰消費: $15 (服務費: NA)

長洲除了大魚蛋，最出名一定是芒果糯米滋當天買了芒果糯米糍和黑白芒果腸粉糯米糍大大粒，芒果爽甜多汁，幾乎有點爆汁，好誇張，皮厚度適中，好軟糯煙韌真係好好食黑白芒果腸粉同樣佳作，好滑好滑好滑，連淋在表面的芒果汁都好綿滑，全部都無渣，香甜新鮮好味，價廉物美。雖然市區已開多了很多芒果糯米糍店鋪，但我覺得允升比起市區很多店的味道還是更勝一籌，以後來長洲一定會再幫襯，太好食了，作為芒果迷一定要試，highly recommend

芒果糯米糍$15·雖然好似唔係食咗好多嘢咁 但係我哋已經有啲飽飽地 所以決定行下 消化下 就去左泳灘個邊 泳灘既盡頭一出就係呢間芒果糯米糍既始祖🤩🤩之後我哋勁好彩 去到嘅時候佢啱啱包緊啲新既糯米糍 所以我哋呢一粒係新鮮既 佢啲芒果超級甜 而且個皮超級煙韌 好味😋不過因為佢啱啱包起 我覺得佢啲糯米粉有啲太多 我最後zhuk親🙊😂不過都唔影響我對佢嘅鍾意😏😏·📍允升甜品 (長洲新興街5號地舖)·#rbyeat #rby好去處#rby港式 #rby甜品飲品#rby長洲 #rby離島

最近電視節目介紹香港原味道芒果糯米糍 - 允升M小姐已多年沒到訪長洲，順道買些甜品外賣回家品嚐。六年前我也來過這店買了一杯芒果飲品；味道忘記了，但服務態度還記得很差！有時候，最怕小店的獨特的服務態度因怕了店內那陣榴槤味道。M小姐代為入店內購買糯米糍，及後出來時，她說有點不滿他們的態度；因她買了四件糯米糍有外賣盒包裝，而我買了兩件，只有膠袋！M小姐說：那兩件需要盒啊！服務員說：要加錢。M小姐說：沒問題！服務員拿了飯盒型的外賣盒準備；突然有位老店員說改換碗型那款可以了回家後打開盒有一張紙巾J先生說：沒特別的芒果糯米糍！而我吃完芒果算是甜；外皮薄而煙韌的！味道還可！但如此的服務態度；我深信可以找到更出色的！允升 總結：可以不試！

我孿生弟弟來到香港，一定要帶他到長州去體會一下離島的生活，暫時逃離香港的繁華。來到長州一定要嚐嚐芒果糯米糍，允升是我的最佳選擇！店家有個要求，若要在店裡享用，就得每人各點一樣甜品。由於我和我弟弟只想吃芒果糯米糍，所以我們就點了外賣，一個傳統芒果糯米糍和一個紫糯米皮芒果糯米糍。糯米皮薄薄一片，裡面的芒果冰冰涼涼，好大一塊，很甜！我弟弟超喜歡的！他說沒吃過那麼甜的芒果。離開長州前，他再去買了4個帶回香港，當宵夜。

🐷遊長洲の🥭允升甜品🍡🥭依家係芒果糯米糍嘅始祖 每次地長洲必食嘅之前都試過其他唔同嘅長州芒果糯米糍近海邊嗰間平記都OK 但係有好多仿製品都係唔好食嘅🤢所以如果想食返質素有保證嘅就要食返呢間 不過佢好寸嘴㗎你晏啲去 糯米糍會成日賣晒😭😨🥺 所以如果想買來做外賣嘅話記得早啲叫佢留低 佢嘅芒果鮮甜皮薄餡靚🥭榴槤糯米糍 用咗靚榴槤超濃郁推介🤤👍🏻

當在市區唔同嘅地方，都見到賣長洲糯米糍店嘅時候，反而好想真係到長洲，食下真正長洲內嘅芒果糯米糍^^我地平日近六點嘅時候去間店，唔洗等，好少人，正！因為店內如果我地要坐低食，再要消費多一些，但我地都吃唔落lu，所以同男朋友一人一個打包，在回程等船嘅時候食。芒果糯米糍皮薄，大大塊好甜嘅芒果，好滿足！可能而家暑假芒果特別甜，好幸福！不過食完之後個嘴黐住糯米糍皮外邊嘅白粉，要抹嘴乾淨，如果唔係就失禮啦男朋友唔食芒果及榴連的，咁我以爲叫一個黑糯米糯米糍就good la，點個我地誤會左><原來係照芒果餡料，但皮係黑糯米做嘅皮，haha，結果我食埋^^ 好好味，我鐘意黑皮多過白皮^^十三蚊一個其實有點貴，平少少就好^^