泰道 (已結業)

最近去了位於西貢的泰道餐廳，這是一家提供正宗泰國美食的餐廳。我們點了一些招牌菜，包括泰式炒金邊粉、冬陰功湯、芒果糯米飯。泰式炒金邊粉是這裡的必點菜式之一，它的味道非常正宗。金邊粉炒得剛剛好，配上泰式香料和鮮蝦，酸酸甜甜非常美味。冬陰功湯也是這裡的招牌菜，分7-8人分量及4-5人分量，我們2個人點了4-5人分量，但其實份量不會太大，比較岩3-4人食用。湯的味道偏鹹及酸，不會太辣。湯裡面有蝦及菇，蝦都幾大隻，但肉質較稔，不夠爽口。芒果糯米飯的外觀非常吸引，用新鮮蘭花點綴。糯米飯口感綿密，椰汁很重奶味，可惜芒果太熟太稔不算新鮮，但整體尚算可口。最後，我們還點了一個椰青，味道非常清新，非常適合在夏天享用。餐廳的環境也非常舒適。分室外及室內，室外可以對住個海吹住海風，感覺十分chill。我們一開始揀坐室外，但後來因為有煙味所以改坐室內，對煙味敏感的朋友要留意了。餐廳內部裝飾以泰國風格為主，氛圍非常溫馨。餐廳的服務也非常好，員工態度親切友善，提供了良好的用餐體驗。總括來說，泰道餐廳是一家非常值得一試的餐廳，提供了美味的泰國菜和舒適的用餐環境。這裡的菜式都尚算正宗，味道鮮美，泰式炒金邊粉、芒果糯米飯

屋企人生日, 緊係要同佢食好D! 今次上網搵左間有靚景又有正宗泰西美食既餐廳, 令大家都食得好盡興!1. 泰式燒豬頸肉 ($138)燒豬頸肉非常足料, 超級厚切!佢既份量好足, 兩層都係豬頸肉, 唔會得一層, 下面就勁多椰菜個種~炭燒味好出, 再配埋個汁, 絕配!2. 濕炒海鮮河 ($138)海鮮河好足料, 入面有唔少蝦, 青口, 魷魚, 仲要係勁大盆!!!!我地見到個盆上菜時仲有煙出, 熱辣辣食好開心, 每條河粉都浸滿醬汁, 好夠味!3. 鴨肉生菜包 ($158)平時食開豬肉生菜包, 今次見到有鴨肉, 就即刻點左黎試下~每一塊生菜都非常新鮮及大塊, 鴨肉非常多, 配埋香料好惹味~我地食到後期因為鴨肉太多, 係一塊生菜夾勁多勁多肉, 超正!4. 香茅辣拌蝦沙律 ($188)呢個沙律真係不得了!!平均每人食到5-6隻大蝦, 仲要係好新鮮~醬汁既味入晒蝦到, 幾醒胃~5. 芒果糯米飯 ($68) (備註: 生日牌係我自備😆😆)因為屋企人唔想食蛋糕, 所以我就係甜品到加左塊牌, 無諗過又幾夾, 幾靚!芒果夠甜, 糯米飯粒粒分明, 感覺上令人好似去完泰國做SPA後食到既芒果糯米飯, 再望埋個靚

聞說西貢有一間隱世靚景餐廳。座落於海灘旁邊。可以一面吹住海風，一路睇住其他人玩滑浪風帆同玩水，再享受住陽光食泰菜。佢嘅食物都好有質素㗎。椰青$58泰國生蝦$118，合共7隻蝦肉鮮甜肥大，配上泰式辣醬食過返尋味👍🏻泰式炒肉碎$118原本係想叫生菜包但係一問之下，原來泰式炒肉碎同生菜包的肉碎係有少少唔同所以今次想試吓泰式炒肉碎食落其實味道差唔多但齋食肉碎有啲dry所以下次會叫返生菜包辣椒膏炒青口$168青口有少少腥扣分泰式燒豬頸肉$128水準之作豬頸肉肥肥地，油脂感十足外圍烤好脆配埋醬汁一流👍🏻芒果糯米飯$68芒果夠甜糯米飯煙煙韌韌椰汁香滑夾埋一齊係享受👍🏻總結：- 特別推介泰國生蝦、泰式燒豬頸肉同芒果糯米飯。好啱一家大細喺嗰度享受一個充滿陽光同快樂嘅午飯👍🏻

假日行下西貢真係好舒服，特別係冬天凍冰冰，可以慢慢行入啲食好野！今次去咗近海邊呢間泰國菜，設室內及戶外座位，戶外座位可以飽覽海邊風景，仲有貼心嘅暖爐喺座位兩旁，緊食揀座戶外食埋個環境啦！✍🏻 / 小食拼盤（大）💵價錢：HK$198🔘美味指數：❤️❤️❤❤️❤有4款小食各6件，包括泰式雞卷、魚餅、蝦餅同素春卷，配泰式辣醬。最好味嘅係雞卷，有啲冬蔭公嘅味道同泰式香料，好特別！而炸嘅素春卷當然係最香口啦～我至愛，唔客氣哋食咗2舊🤤✨✍🏻 /泰式香葉肉碎炒飯💵價錢：HK$128🔘美味指數：❤️❤️❤❤❤平時自己煮野食，我都好鐘意切到啲野一粒粒，所以呢碟炒飯入面嘅菜粒加肉碎好啱我🎶✨✍🏻 / 泰式蝦肉炒金邊粉💵價錢：HK$138🔘美味指數：❤️❤️❤❤❤食泰國菜必叫～到而家都未食過難食嘅炒金邊粉，所以呢個同樣好味道，而且份量頗多，仲有爽口彈牙嘅蝦，抵食！✍🏻 /椰香黃咖哩（豬肉）💵價錢：HK$148🔘美味指數：❤️❤️❤❤🤍好香濃嘅咖哩味，微辣過癮，而且入面啲薯仔好好味，豬肉就稍為遜色，主要都係想叫嚟配炸薄餅同蒜蓉包食🎶✨✍🏻 / 烤薄餅💵價錢：HK$38🔘美味指數：❤️❤️❤❤🤍叫黃咖哩點可以唔叫埋烤薄餅！1份6件

呢間餐廳係同朋友紀念既地方而家人流比較多，所以最好要事前訂位。環境上，坐室內外都無問題，都係咁靚，外面有海景同燈飾內面都有靚裝修😉😉😉😉😉黃金菜係我地每次泥都會叫既👍🏻今次份量上比以往小，佢係炸既菜，所以香口既👍🏻生蝦夠大隻，都可以一試不過串燒豬牛雞就麻麻哋唔夠入味同唔香可以食其他，唔使叫豬牛雞冬陰公都好飲既但食好重味既就可能差小小青瓜特飲就可以唔使飲了🤫🤫但芒果糯米飯就一定要食😋

假日午餐❤️久違的西貢 品嘗我們一家最愛的泰國野❤️更加想念泰國同泰國既美食西貢食嘢最好就系方便泊車今次帶埋婆婆去 又有埋輪椅 又落雨啲職員都好有耐性幫我地可惜天公不造美 落雨 所以坐左室內浪費左室外既靚海景🖤🔸泰式奶茶泰式奶茶都係偏向甜既 不過呢杯出奇地多奶所以都幾開正我鐘意個瓣 $48咁大杯先合理🔹小食拼盤有泰式雞卷 魚餅 蝦餅 素春卷份量算足夠既 對得住個價錢✔️魚餅吳腥 但泰式香料味都算重手既蝦餅夠爽口彈牙 點泰式辣醬 正👍🏻素春卷 泰式雞卷味道香口🔸冬陰公有個爐系下面暖住 十分貼心 加分位✔️入面有菇同一隻開左邊既大蝦湯底既椰香味都算重 對於我黎講吳算辣我地幾個人都足夠❤️🔹泰式燒豬頸肉一上枱 嘩 都幾大碟🤣可以再燒多一陣 再香口啲 咬落去系好Juicy 可能燒多陣就會乾身 配埋距個汁好開胃✔️🔸蝦醬炒通菜椰菜苗賣晒有點可惜 嗌返通菜通菜食落很嫩 好少可無渣架✔️咸香蝦醬味濃 正✔️🔹泰式蝦醬炒飯呢個飯都比我想像中更好味一來系蝦醬啦 二來系用左櫻花蝦炒 好香來裡隱藏左2粒大蝦 很爽的✔️撈埋肉鬆 蛋 同臘腸 正👍🏻🔸沙嗲串燒牛/雞 ($38/2)比想像中大串 燒得剛剛好✔️好彩無叫6串 如果吳系

如果你搵緊一個地方想兩個人靜靜地拍下拖，呢個地方一定好適合你😈無意之間發現咗呢個地方，餐廳有室內外室外有大大個海景，而室內裝修好有心思❣️👇🏻我哋兩個人叫咗👇🏻- 香葉肉碎炒飯我個人認為唔夠辣，炒得未夠香，水準中中挺挺啦～ - 泰式炒椰菜苗反而呢個炒得夠香，而且平時少會叫椰菜苗，有蒜蓉加少少辣椒，又香又辣辣地，幾唔錯✨- 串燒沙嗲豬+雞肉串燒嚟講，肉質無咩驚喜，其實都係件好事，至少唔係驚嚇🤣🤣🤣 不過沙嗲醬我自己好鍾意！花生味好濃，而且多花生顆，偏甜☺️✨- 芒果糯米飯芒果糯米飯就有啲失望，都明白未必係芒果當造嘅時期，所以有啲酸😞 糯米飯都係正常發揮，但個椰漿又好正喎🤣都見到有其他枱叫大大條魚，好似好吸引，但兩個人食又好似太多，所以可能我哋未食到佢哋啲招牌菜，但其實水準都正正常常，再加上佢個景，我覺得雖然偏貴，但值得去！環境：不過位置較偏僻，可以係西貢市中心搭的士或者揸車就更方便啦！去之前最好問下有冇位啦！店員：店員都好nice，打電話去查詢，都好有耐心同詳細解釋👍🏻👍🏻👍🏻 用餐過程一樣好有善，驚坐室外嘅客人凍，所以落膠簾，又不停refill暖水，好貼心🥰

一行4人沙下玩完獨木舟食飯，餐廳位置剛好就腳。有book位但唔記得要求坐室外，員工都配合到，下次一定會記得落remarks!!第二次黎食，依然比本厚厚menu難到，諗左10分鐘食啲咩，跟住上菜好快！晚餐當日係Halloween，兩杯沙冰都有節日氣氛！唔記得影晒所有野食，但豬頸肉好味，菠蘿炒飯炒得好乾身，咖喱海鮮好大盤，叫左一客薄餅同蒜蓉包都未點晒啲咖喱。串燒沙嗲豬牛雞、泰式炒雜菜、芒果糯米飯同椰汁西米糕就正常發揮！質素咁好，服務都唔差，一定會再有第三次的~

週末晚上walk-in啱啱好有位。佢哋問我坐出面定入面，我揀咗坐出面。不過可能因為夏天所以好多蚊子飛來飛去。雖然個景唔差但入夜後其實唔係好睇得到，但係成個氣氛係唔錯，都幾浪漫。食物方面生蝦唔錯,個醬汁都好出色,唔會驚食完肚屙，至少我第日都冇肚痛。仲有叫咗個軟殼蟹沙律，冇乜特別，可以唔使叫呢碟餸都OK。青咖喱雞個份量有點細,同埋佢冇一個爐去整熱佢，好似啲鱸魚咁。仲有唔會配飯同埋薄餅，呢啲都係要自己單點。芒果糯米飯還好吧，我都有嗌芒果汁不過份量超小。價錢中上偏貴，食氣氛為主。

早前窩夫與蝦子餅去了西貢一間美景餐廳泰道慶祝結婚六周年(鐵婚)紀念。泰道位於大網仔海灘岸邊，到訪那天天清氣朗，環境特別優美。星期日午市客人很多，海邊的室外座位已經坐滿了，窩夫與蝦子餅被安排坐在室內。打頭陣是串燒沙嗲，窩夫與蝦子餅點了豬、牛和雞各兩串，兩串38元，價錢非常公道，肉不是薄薄的一塊，而且不會燒得太乾身，水準之作。泰式蝦肉炒金邊粉($128)也炒得不錯。泰道黃金菜(細$98)即是炸通菜，做法有點像日式的天婦羅，油份偏多，配酸酸辣辣的蝦和紫洋蔥等來吃會比較好。最後加了芒果糯米飯($68)，份量不少。

一家人去搵飯食, 首選去西貢因為仲有清新空氣~第一次黎到泰道, 原來沿海有一列座位, 可以享受海風又有得睇人爬龍舟!呢到有能手菜 - 黃金菜原來係炸好的菜, 相信脆又唔油, 好香口, 仲好大份!!蒜香軟殼蟹 - 軟殼蟹大隻, 都幾好肉, 蟹腳勁脆, 小朋友必選!馬莎文咖喱牛坑腩(配薄餅)甜甜的咖喱 +上勁林的牛坑腩, 牛坑腩帶點肥, 所以好入味好林, 薄餅好脆, 用薄餅沾上咖喱超正! 用黎送飯更正!蒜蓉包 - 一份四件, 蒜蓉牛油有點濃, 外脆內軟~鹽燒盲曹 - 即燒要花點時間, 皮好香, 肉好嫩, 咸香適中, 不錯不錯!泰式濕炒河 - 出付意料的正! 牛肉可能有A4 A5級數!!! 肉嫩 濃肉味~ 濕炒條條均勻, 一定要試!泰式椰青海鮮焗飯 - 用上濃椰醬去焗, 大量的海鮮, 濕濕地都幾好~ 芒果糯米飯 - 暖暖地, 秋冬食都岩~ 糯米飯有椰汁味, 軟糯感岩岩好, 芒果好甜, 亦高水準~WAITER態度好好, 對動物同小朋友都好NICE, 有質素!可以ENCORE!

元宵節~(望下海景晚餐)地點方面(有揸車)方面d門口有小小位置(泊車)末夠6点(天色仍光可以望下海景)店員推介香芋雞肉焗飯飯面(有腰果，肉鬆)增加飯的香味內裡芋頭(煮得剛好……粒粒芋頭(香口)食落有口感)飯粒唔太硬太濕整個飯(好香口惹味)有一粒粒雞粒和芋頭泰國菜一定要試冬蔭公冬蔭公烏頭魚(以(蠟燭)火爐熱住上枱)好香冬蔭公味，魚肉好鲜嫩，另外粉絲吸收湯汁，好惹味，湯有濃郁的香葉味店員另外推介香燒雞(等待時間30~45分鐘)上枱已嗅到(燒雞的香味)雞皮有泰式醬的香味，雞肉好鲜嫩雞好多肉通菜加左麵豉炒(有小小甜味)幾特別甜品加分位糯米飯(熱熱的)新鲜造至於椰奶(加左鹽，特出了椰奶的香味)芒果好鲜甜椰汁冰(椰汁好飲，可惜今日無红豆)薄荷沙冰(好清新)到晚上帳篷上的燈光(好浪漫)但海景(太黑，望唔到了)桌上變色枱燈和貝殼碟(好靚)店員主動介紹菜式，有禮貌户外環境(好浪漫)地點方面(無揸車，位置有點不方便)

西貢碼頭有好多餐廳，但再行入啲仲有幾間餐廳同酒吧今日特登入嚟食好野，順便慶祝生日面向海邊嘅泰國菜餐廳，可以坐室內室外臨近聖誕，餐廳室內外都佈置得好有聖誕氣氛今晚唔算好凍，所以揀左出面坐餐廳每件擺設、餐具都好有心思餐牌太多菜式選擇，揀左餐廳王牌黃金菜炸得好脆嘅通菜再點自家制嘅酸辣醬，十分野味即叫即燒嘅燒雞，外皮脆肉質滑半隻雞已經食到我地好飽不得了！！！超級大條嘅烏頭煮滾左嘅冬陰公湯散發左陣陣酸辣味道冬天凍凍地飲番啲熱湯真係好暖胃愈滾啲魚就愈入味仲有大量配料粉絲同秀珍菇啲湯邊滾邊食而且餐廳侍應主動幫手加湯唔驚冇湯滾魚另外都叫左飲品好有誠意嘅玄米茶大量玄米同埋茶葉浸泡出嚟最後當然唔少得甜品芒果糯米飯糯米飯仲係熱辣辣呢道啱曬情侶、一家大細嚟食飯輕輕鬆鬆傾下計，又可以享受下美食

在香港吃泰國菜，最出名的，大多數在九龍城，不過友人推介這裡，所以專程過來試試。我已經很久沒有去西貢，差點連小巴站，搬咗都唔知，不過去到西貢就記返起，這裡多年前是西沙灣酒店，現在已經成了豪宅，而近海灘的位置，已經變成了三間食肆，而泰道就在中間位置。店內分開露天和室內，室內有兩層，以藍色為主，設有卡位和大圓枱，我們最後選擇了室外，因為室外都很光猛，仲有海風，感覺似在泰國。泰式燒雞半只$168，落單時，侍應提醒要等大約廿五分鐘，原來係生燒的，上枱時，已經嗅到好香的燒烤味，雞皮帶少少焦，吃落好香脆，而雞肉好嫩滑，味道一流，真係有少少後悔，為何不點一只雞，下次一定要點全只吃過夠😋😋😋鹽燒鰂魚$188，鰂魚外面全是鹽，不過魚肉一點不會過鹹，反而好鮮甜，而且帶點香茅味，因為魚肚放了很多香草在內裡。粉絲蟹煲$428，這個上枱時，聞到一股香味，一只很大的肉蟹，連蟹鉗都很大只，而肉質好爽甜，係好新生猛的蟹，才會咁好味👍👍👍，其實我唔係太喜歡食蟹，因為蟹肉少，不過今次我破例食咗幾件，而我最欣賞係粉絲，因為廚師用少許肉碎、辣椒、胡椒起鑊，而粉絲吸收了蟹的鮮味，簡直變成了主角，今次吃的粉絲和其他食肆採用的不同，

毎次去西貢，都只會到市中心附近食肆吃海鮮，但原來遠離西貢市中心，沿著海濱長廊行大概五至六分鐘步程，就可以找到一間與繁囂的市中心完全不一樣的泰式餐廳，這𥚃的露天茶座望著沙灘，沙灘對開是一片大海，可以望到遠方的島嶼，亦看到不少人在練習風帆。餐廳擁有陽光、沙灘、海風、寧靜，令你仿如置身渡假天堂。清邁香酥酸辣魚（$168）👍👍👍👍👍原條的魚起骨，並蘸上薄薄的炸粉再油炸，魚肉炸得皮脆肉嫩，份外酥脆。最後配合略為炸過紅指天椒、切絲的薄荷葉、檸檬葉、香芧、青檸汁和魚露拌成醬汁，淋在剛作好的魚上，甘香酥脆的魚肉加上脆脆的香芧和清新的青檸汁，令人胃口大開。爆炸蟹（$428）👍👍👍👍👍以往到泰國餐廳大多只會叫咖哩蟹或粉絲蟹煲，今天在餐牌上看到「爆炸蟹」，個名咁特別，便㸃來試試。用了一隻石碟盛載的爆炸蟹，上到枱上，剛炸好的米粉舖滿整碟，撥開米粉，就會看到一大堆泰式調味配料舖滿整隻蟹，撥䦕配料，才看到一大隻蟹在𥚃面。蟹蓋有膏，蟹蚶很大隻又多肉，用油炸方式令肉汁緊緊鎖在肉內，蟹肉鮮甜，配合大量濃烈的泰式配料，乾辣椒等，令味道鲜甜又帶有濃厚的泰式味道。馬沙文牛肉咖哩（$168）👍👍👍👍有「咖哩之皇」稱號的馬沙文咖