佳記甜品 (已搬遷) 新店位置

佳記不愧係元朗之標記之一，甜品小食都好抵食，下午茶或者飯後都岩哂。 雞翼尖 ($15)唔好睇雞翼尖好似冇咩肉咁，但係一食就會知道重點唔係肉。雞翼尖超林，好易就可以lun到啲骨。再加上香蒜辣椒好入味。作為下午茶小食唔會太飽肚，岩岩好。 芒果腸粉 ($36)點解香港既芒果一年三百六十五日都可以咁甜。芒果鮮甜香口，配上滑嘟嘟既腸粉。腸粉好軟滑，如果椰汁味更香濃會更好。底下配上芒果打成既沙冰汁，打得細碎，香甜又爽口。整體都幾清爽。