南洋 (已結業)

入到餐廳裝修只係普通茶餐廳樣叫咗個芒果軟殼蟹米紙卷 68$米紙卷都幾大舊 啲料包得幾好 唔易散味道符合預期 材料好新鮮係預料之外炭燒魷魚筒 78$一樣材料新鮮炭燒完仲留到醬汁同肉汁嘅水份依個價錢可接受牛油果沙冰 40$味道出乎意料之外好飲 又唔太甜好濃既牛油果味 加上熱辣辣既天氣變成最佳飲品香茅燒春雞 108$用架上 黎到仲滴緊油佢地會比手套你 比你手撕隻雞但隻雞真係好熱 我地等左一陣先開始食皮脆內熱 一路手撕 肉汁一路流 雞味夠 香茅味十分濃雞內釀入大量香料 每啖肉都有好重既香茅味10分

龍蝦喇沙摻摻($108)，買隻龍蝦差唔多都要$60~80，依家哩個價錢就食到簡直物超所值，有埋手套用可以食得方便d，龍蝦超大隻，拆開成隻由頭到身都係膏，啖啖肉好滿足，蟹箝厚肉，哩個菜式係由兩種麵組成，分別係油麵和米粉，湯底香濃有椰味，帶微辣。金沙骨肉骨茶($58)，肉骨茶味濃郁，相信用左藥材長時間熬製，有3至4件金沙骨和一件原隻蒜頭，金沙骨既肉帶少少肥膏，炆得好淋，一咬骨肉分離。芒果軟殼蟹米子卷($68)，餡料主要為疏菜，清清地夠健康，蘿卜絲係醃漬物，酸酸尾尾開胃，我自己較喜歡個米子皮，煙煙韌韌好有口感，軟殼蟹香脆。咸檸可樂($28)。牛油果沙冰($40)，透心涼飲品之選，沙冰磨得好軟綿幼滑，而且一飲口腔有陣陣牛油果香味。