華記士多 (已結業)

成日聽人講哩間士多D蛋包飯好好食，但我次次去去佢都冇開=_=後尾聽人講佢只做星期一至五午市，主要做學生生意。唔怪得之我成日摸門釘=_= 星期六日應該最多食客佢都唔開，真係好串，唔休做咁今日得閒一於試下佢真功夫!去到見佢MENU得3個ITEM，分別係芝士咖哩蛋包飯、咖哩蛋包飯同台式滷肉飯。因為唔知滷肉飯有冇蛋包，所以叫左芝士咖哩蛋包飯，$45有野飲，外賣加$2。可能我11點左右比較早、避左D學生人潮，排左一兩個就到我啦，收銀態度幾好佢D炒飯同汁就一早煮好嘅，你落order佢就不出嚟，隻蛋就即整。成個飯好熱，返到去屋企都仲係辣口蛋真係好滑好好食，但係個炒飯就咸左少少，炒飯入面D雞肉都有D老，咖哩味都不重。但整體成個飯係食得舒服嘅，性價比不錯! 不過可能期望太大，有D名過於實嘅感覺，但係好食嘅，所以照比正評!

麻甩專員有位朋友住西灣河，表示有間隱世又好食嘅咖哩蛋包飯係一定要去試下今次專員就乖乖地等朋友帶路去試食小店店面得兩張檯仔，另外其他檯要坐係側邊條小巷到，極有香港老小店風味衛生方面算乾淨，只係夏天的話會比較熱專員同朋友嗌左芝士咖哩蛋包飯《$45》另外叫左杯熱奶茶先講一講杯熱奶茶，茶底尚算可以，但未至於順滑，比較普通至於咖哩飯份量多，賣相吸引，蛋未至全熟，仲有金金黃黃嘅蛋液流落黎咖哩未至於特別，日式咖喱屬於偏甜飯有經過調味，內有少量雞肉芝士味未見突出，但將以上所有野一啖放晒入口個味道就會變得好豐富芝士嘅咸味彌補到咖哩欠缺嘅咸味，而咖哩嘅甜味又配合到蛋嘅香味整體上配搭有風味，但咖哩依然欠缺特色----------------------------麻甩專員評分區店內環境: 4/10  (如果天氣熱的話都真係比較麻煩)食物外觀: 8/10食物味道: 6/10整體分數: 6/10翻食指數: 5/10----------------------------

【西灣河蛋包飯名物🍛芝士咖哩蛋包飯】西灣河有間位於小巷中嘅蛋包飯小店，全店只有三款食物選擇。芝士咖哩蛋包飯、咖哩蛋包飯同台式滷肉飯。價錢40至45蚊，包一杯嘢飲芝士咖哩蛋包飯 (💝6/10) $45試咗芝士咖哩蛋包飯蛋漿份量十足，下面有一塊片裝芝士，咖哩醬唔係好濃味，似係茶記打嘅芡汁醬，個飯冇咩特別調味，有少少雞肉咖哩醬汁唔係好香有啲失望 我每食一啖都好努力搵呢間餐廳嘅優點 佢最特別就係佢係賣蛋包飯而唔係普通煎蛋咖哩飯個人意見真係非常一般…純粹係西灣河附近，冇咩蛋包飯店舖不過以佢四十幾蚊呢個價錢，我寧願食茶記包湯包嘢飲嘅碟頭飯，餐廳環境分分鐘仲好過呢個小巷✏✏✏✏✏✏✏👅味道：6/10🌌環境：6/10👍🏻推薦：5/10______________________________【食評篇👇👇👇】🤓🤓評分benchmark參考🤓🤓✏10分 - rare heaven😇✏8, 9分 - 屬高分之作✏7分 - 正正常常，同平時食到嘅差唔多 ✏6分 - 有d失望，expect佢會好食d✏5分 - 伏野，零分重作______________________________(📍西灣河) 華記士多西灣

後巷蛋包飯你又食過未？今次介紹既係西灣河既華記士多。首先唔講味道，$45一碟芝士咖喱蛋包飯連野飲，抵到爆炸。因為menu只有咖喱蛋包飯同魯肉飯，即叫即做之餘上菜速度極快～ 最後，蛋包飯保持流心之餘，入面既飯係雞肉炒飯！仲要唔少肉！整體黎講又好食又足料又抵食，名符其實係平、靚、正～如果真係要挑剔就係佢飯底偏甜，不過講真，已經好好食，咁既價錢，咁既質素，仲想點！？最後後巷風味… 對於我黎講，係加分既，本身都鐘意啲特色啲既環境～

餐牌得三個飯 主打芝士咖哩蛋包飯或者無芝士芝士咖哩蛋包飯($43) +招牌檸汁(免費)飯方面 咖哩係港式既咖哩少少辣少少甜味蛋煎得唔錯 十分嫩滑 飯方面本身已經用左豉油去炒過 有雞肉同芝士係入面 但味道上偏咸 無野飲頂唔順-野飲方面 飲完杯野完全可以中和口入面既咸味同辣味 唔錯-但環境方面真係要彈下 堂食係後巷位 唔乾淨都不在話下 仲好多蚊 我同女朋友食左半粒鐘都無 閒閒地都比人針左廿幾粒 食完要狗衝過隔離街watsons買無比膏唉 如果你地唔怕死想試既 記住著長褲噴蚊怕水綜合咁多樣因素既話 個飯唔差但環境方面堂食既話會比較惡劣不過本身間野都係主打外賣既 都冇理由要求佢堂食鋪面幾咁乾淨、high class嫁喇不過係唔係真係咁值得特登去到西灣河食既 就見仁見智啦

我自己本身好中意周圍走去搵好野食，琴日見到呢間食評唔錯，所以心郁郁今日就由九龍去左西灣河食:-D 一入去見到有芝士蛋包飯，唔洗諗就叫左黎食，因為我個人好中意食芝士既野…結果冇令我失望，飯撈埋咖哩汁食果然一流，仲要係個飯係用雞肉炒既炒飯，價錢又抵，一個蛋包飯+埋野飲都係40蚊啫！山長水遠入去食野都值得既

跑完步滿身大汗，想隨便吃點什麼卻連走進茶記也好像有點不好意思，又不想吃得太隨便，問漁夫他也想不出什麼。「要不要去華記士多？」我想試這裏的蛋包飯很久了！「這是你夏天的時候不肯陪我吃的！」要是夏天要他坐在後巷吃飯，他應該不用吃就熱到飽了吧！這種地方也沒有人會管你的衣着，誰都是一屁股坐下就吃，吃完就走，這時候去就最適合了。到步後，看到每一桌都只點了蛋包飯。「這餐牌寫着是日頹飯呢！哈哈！」頹得真夠光明正大！「不過想不到還真的只有幾個選項。」可選項的多寡與我們無關，一場來到，只要有他們最有名的蛋包飯就可以了！漁夫要了原味，我則加了芝士。當天人不少，我們也等了10分鐘才有得吃。「超多汁！」蛋包飯淋滿了日式咖哩汁，「蛋也是超級膨派啊！」這裡一定不止兩隻蛋！「多汁！我的最愛！」漁夫開始大口扒起飯來。挖開外層的滑蛋，裡面原來是醬油雞肉炒飯，不油膩，味道也不錯。我的咖哩芝士蛋包飯就是中間加了一片溶化的芝士，在這堆醬汁中芝士的味道存在感很低，其實加不加好像也差不多。「有雞肉有雞蛋，可以說是親子頹飯呢😂」滑嫩的雞蛋加上醬汁真的很順口，份量也不算少，可我們一下子便吃完一整盤，頹飯就是要吃得夠快嘛！我們都把整盤連