CHOWTIME

营业中

休息中

限聚令放寛回4人一枱，終於可以約外母一齊食個 Brunch俾佢出嚟透下氣，一行4人又唔想去太遠，近近地去迎海新開嘅 CHOWTIME 試吓😉店內裝修簡單一般，尚算整潔，所有侍應非常有禮貌，抵讚👍Brunch Set 選擇頗多，不同食品有不同價錢，要湯加$5，要飲品加相應價錢，咁樣將價錢拆散，對客人黎講相對靈活，我哋隨心叫咗4個主食，加兩個湯及咖啡檸檬茶等😉🔻蕃茄忌廉湯原本諗住加$5不帶期望，點知又唔錯喎，賣相都睇得，唔係就咁得碗湯，加左蒜蓉面包粒、香草及忌廉拉花，成碗湯加到唔少分，btw味道絕對對得住果5蚊雞👍👍🔻吉列魚柳呢個真係有啲驚喜，有牛角包、松露炒蛋、炒雜菌、沙律菜及一大塊魚柳，份量算大，炸魚柳好香脆，可惜個牛角包係凍嘅，如果烘熱給客人會更好🤔🔻全日早餐呢個全日早餐，同之前嘅吉列魚柳基本上好接近，不同嘅就係用一塊吉列魚柳換成一小盤茄汁豆、一片煎蕃茄、一片煙肉、一條腸及一塊薯餅，但就要俾多$40，抵唔抵就見仁見智，我自己就食個吉列魚柳都已經好滿足啦🤣🔻芫茜蝦意粉呢碟意粉又再一次俾我驚喜喎，可能我個人好喜愛食芫茜，個意粉食落每啖都有好香芫茜味，蝦亦爽口👍👍👍🔻芝士海鮮農夫包面包皮裡

住左MOS咁耐都無留意, 原來迎海有間咁靚嘅cafe, 係可愛嘅meow meow logo”CHOWTIME”, 門口貼左好多優惠添wor, 係fing消費券嘅時候la! 🍔芝士海鮮農夫包今日用左原個多士取代左農夫包個包, 但切開一樣焗得勁脆👍, 芝士非常澎湃呢, 仲聞到好香嘅海鮮味, 因為裡面有扇貝, 2隻青口, 2隻大蝦, d海鮮本身都燒左先, 夾埋啲蒜香🧄好好味, 重點係好好肉個下先至最正. •熔芝士唔係淨係面頭有ga, 食到底嘅麪包粒都充滿芝士… 叫人點捨得嘥左個包🤪!!•粗身薯條現炸又脆又好味.🍔除左Brunch set之外, 今日嘅是日推介都好吸引:👉🏻和牛芝士漢堡賣相💯分, burger bun鬆軟外脆, 佢咁厚身就知道勁足料. 首先塊和牛patty特別有牛香咬落真係非常和牛, 充滿肉汁. 因為有好多款配料所以口感好豐富, 新鮮紫洋蔥; 煎到卜卜脆煙肉條; 一㩒就超流心太陽蛋, 新鮮生菜, 蕃茄, 青瓜. 真係要推介呢.🥣+5蚊餐湯-南瓜忌廉湯真心覺得好值得加5蚊飲個湯, )好足料, 夠唒濃稠, 熱辣辣無得輸呀.🥤Li度另一特別係在Menu上嘅餐飲選擇之多, 加十零蚊真

疫情放緩返D，約朋友食飯聚餐一下，今次叫左燒雞凱撒沙律($78)、芝士海鮮農夫包($78)、焗海鮮茄汁長通粉($78)、是日餐湯(+$5)、香桃梳打(+$15)、薄荷朱古力(+$15)見餐廳LOGO同內裡掛畫都係喵喵主題嘅😺是日餐湯：蘑菇湯味濃郁，湯D麵包粒仲要係蒜蓉包粒黎，幾香口同脆身😄燒雞凱撒沙律：份量比想像中大份😍雞扒表層燒香，而肉質仍然嫩滑，而沙律菜脆菜清新，加埋DRESSING同香脆蒜蓉麵包粒一齊食，成份沙律都幾滋味😋芝士海鮮農夫包：呢個真係有驚喜，農夫包本身已經好大份，仲要有埋薯條，真係叫一份都夠2個人SHARE黎食😍芝士醬都幾多下，香濃而不膩，令成個農夫包同埋蝦呀青口等海鮮都沾滿芝士，勁惹味🤤焗海鮮茄汁長通粉：海鮮有魷魚仔、蜆肉等，用番茄醬煮長通粉再焗，味道酸酸甜甜幾開胃😃香桃梳打：呢杯極力推介🥰香桃味十足，比起平時飲開嘅更為好味，而且梳打都好足氣，消暑解渴一流🤩 薄荷朱古力：朱古力味同薄荷比例唔錯，如果可以再濃味D會更加好飲😄大合照🤩喺馬鞍山區黎講質素都算係幾好，多一間有質素小店可以選擇👍🏻補MENU