時新快餐店 (已結業)

近年在香港以美式漢堡包為主的漢堡專門店越開越多, 漢堡包越來越厚身, 餡料都越來越豐富, 用上鵝肝、龍蝦這類矜貴食材, 筆者認為有些偏離了漢堡包的原有味道及精神。最近在IFC 內的BigFernand享用了一個$115的法式漢堡包, 老實說從味道及賣相來說, 「時新快餐店」的$18 港式漢堡包出色得多.位於紅磡的「時新快餐店」於60年營業至今, 是全港首間引入漢堡包的食店。據綱上資料, 當時漢堡包名為「雜港包」, 所採用的漢堡扒當初以牛肉、豬肉和雞肉攪拌而成, 麵包也是自家製；直到70年代當麥當勞引入香港後, 才把雜港包改名為漢堡包。快餐店的門面及室內仍維持70, 80年代的典型港式快餐店裝潢, 牆身及店員制服用上代表本地快餐店的橙色。店內不太大, 以廚房為開放式設計。一貫快餐店的做法, 客人先到收銀點選食物，再搵位及自取食物。漢堡包有十多款選擇, 有雙層芝士漢堡、煎蛋漢堡等港式漢堡包, 而且價錢不超過廿元。除漢堡包外, 餐廳兼賣四十多元的港式碟頭飯, 例如焗豬扒飯、咖喱牛腩飯、葡國雞飯、雞髀飯等, 吸引不是學生及街坊幫襯。<芝士漢堡包$18>現在漢堡扒已經改為以純牛肉

自從跟朋友試過在中環大X屋吃完日式放題，再一起到玉X吃綠豆沙，再到永X園每人一隻熱狗後，大家好像喜歡上食食食，於是今次我們又找了一個周末，發起了「紅磡食食食」這個活動，就是要在中午至晚上這半日時間內，在同一地區內到不同食店食食食，而此活動的宗止，是絕不鼓勵大家share食的。今天第一個站就來到時新快餐店，雖然久聞其名，但由於紅磡對我們很多人來說，都不是太方便，如果不是要到大酒店，基本上也不會踏足這片土地的，今次正好可能試試平常沒有機會試的食店。約下午二時，食店裡裡外外都有不少人，幸好我們不用待太久，就拉到位子了。店內就是一般舊式港式快餐店的格局。由於我們之後還有九間食店要挑戰，所以我們每人只點了一個芝士漢堡包($15)。麵包稍稍烘過，雖然微有暖意，但麵包都是比較腍身的。裡面的牛肉雖然不是很厚，不過目測也有1.5cm，絕對對得起這個價格，而且牛肉不會太乾太韌，味道說不上驚為天人，但也算合格。不過芝士就一點半溶的跡像都沒有，相信半溶的芝士會更香。芝士漢堡包正常其實是用秘製沙律醬的，但因部份人不吃沙律醬，也可換成茄汁。總結，味道沒有名氣般大不過以這個價格，也是合理的當支持本土老店，也是值得的

某人三番四次說起紅磡這家港式漢堡店(其實是港式快餐店，也有炒飯麵)，聽聞很多poly人會來，所以這晚我也襯著空檔時間就黎朝聖 舖頭其實面積不大，座位也不算多，格局很像工廈/學生食堂，那些膠櫈、啡色膠tray....... 不過不要看舖頭咁港式，居然是有英文menu的啊，看來朝聖的人也不乏外國人~~同行友人叫的芝士蛋漢堡($20)、檸樂 ($1x)因為我本身食左下午茶，所以叫少塊蛋...芝士蛋漢堡($18)重中之重的漢堡扒煎得很香，完完全全鎖住了肉汁，吃下去有juicy的感覺~~手製的漢堡跟機械做的味道果然很不同，而調味方面亦能引出肉本身的鮮味。但我最喜歡的是他們的秘製沙律汁~~~~~~~~~~~~漢堡扒本身已有很濃的味道，想不到配上沙律汁後更美味。沙律汁把漢堡包各部份(包、菜、肉)緊緊連接起來，令包和肉也沒有dry的感覺，更易入口沙律汁的調味也很特別，比平常的沙律醬多了一些別的味道(可惜我不知道秘方)，而且更加「流質」，不會有黏口的感覺。之前一直不相信港式漢堡包可以有幾好食.....但食過時新之後，我認命了，真係意想不到的好食實際的口感恕我真的不能用言語完全形容出來....建議大家

好幾年沒光顧了。午飯時間過後到達，剛好有位。當然回味一下芝堡啦~ 自製牛肉漢堡依然動人，加飽上的芝麻香~ 可惜薯條是過氣的，不熱也不香脆。浪費了波浪身段。。 熱氣過後，一柸凍檸檬茶最合適。茶味夠不苦澀，味道和冰量恰到好處。離開時，買了魚柳飽($18)外賣。魚柳與飽大小相約。不吃牛嗎？考慮這個吧。

我係理工讀書個陣都未試過去時新食，聽人講就聽左好耐話好好食。上星期終於都同男朋友去左試嗱。係poly Y core行過去爭D熱死我，大佬30幾度行過去真係要鼓起好大勇氣先得。小妹都好好彩，因為去到唔洗等位立即買好快有得食，我叫左雙層芝士，無蛋個款。嘩，唔係講笑，個漢堡扒真係幾juicy，加埋沙律汁，正正。其實個包都幾大個，所以好飽，加上行到過去已經身水身汗，所以都係要男朋友執手尾哈哈。食得漢堡包緊係食埋最愛既薯條，係我最愛既條紋薯候，新鮮炸起幾好味。但講真，好多小食店都可以做瓊咁既效果。一份薯條跟兩包茄汁，fair enough。Overall價錢唔貴，個包夠juice，薯條新鮮，唔錯。

想試好耐好耐既快餐店~ 果然名不虛傳！懷舊既感覺同味道~~ 雖然環境一般，好舊，但重要係價錢抵又好食，又有料！叫左隻熱狗，炸雞脾，漢堡扒麵 + 芝士漢堡扒包~~熱狗-好食，個沙津汁係精髓，條㕑師腸既味道好耐都無食過！炸雞脾-無炸粉既炸雞脾，十分香脆！漢堡扒麵同包-嗰塊漢堡扒香到不得了，再加上有洋蔥同啲肉汁喺裏面..woo..好正~~

 之前聽過朋友推介, 咁啱經過紅磡就試下, 買了最簡單的芝士漢堡就一路行一路食, 塊漢堡扖果然好正, 入面有一粒粒的洋蔥 ,扖身厚而且肉的質感仍保留, 明顯是用人手刀豖碎不是用機攪碎的, 所以當我食第二啖的時候, D肉汁已流滿嘴, 芝士就冇咩特別, 不過食牛肉漢堡點可以冇芝士增加味雷嘅惑覺, 加埋佢配合少許酸味的醬汁 簡直爽, 再爽D大家可以試埋雙層芝士或雙層牛肉, 不過我估計個麵飽皮係用嘉X較全統有芝麻面的飽所以冇咩特別, 整體來說ok~

時新快餐店一向是紅磡超有名氣的儘管店內裝潢比較舊式, 餐廳卻一點也不過時是日來到, 當然要點芝士漢堡包 ($14)這裡的包都是即烘的, 所以吃下去還是脆身的大概也是新鮮熱辣, 成為餐廳著名的原因之一當然, 厚身多汁的漢堡扒也是賣點之一, 配上沙律汁, 格外juicy薯條 ($11) 份量很多, 夠熱夠脆 , 與友人一起吃也吃不完薯條價錢合理, 可惜只有2包茄汁, 想要多點便要加錢看似吃了很少, 比一個McDonald餐的份量還要少, 卻要捧著肚子走

時新快餐店有700多個好評, 食物質素和味道都不用多作介紹 所以本人今次撰寫這篇食評是希望把自己吃時新漢堡包的心得跟各位分享一下，因為我都是由不太興趣到變成時新常客的朋友呢。最多人吃的時新漢堡包有4款:1. 漢堡包2. 芝士漢堡包3. 雙層芝士漢堡包4. 雙層芝士蛋漢堡包價錢非常相宜，最簡單普通的漢堡包都只需$11，最豐盛的雙層芝士蛋漢堡都只需17，平過吃連鎖漢堡包店呢！　 每款漢堡包都可配沙津汁，蕃茄汁，咖哩汁或黑椒汁。本人推介沙津汁，因為沙津汁是漢堡包店自己調製，味道微酸而且比較稀，所以吃的時候小心滴汁喔。相比起普通茶餐廳碟頭飯味道的蕃茄汁，咖哩汁和黑椒汁更加出色另一樣最impress 的就是這裡的漢堡，時新用的漢堡不是超級市場買到的急凍漢堡或連鎖快餐店吃到的漢堡味道，這裡的漢堡是自家製，由免治豬肉和洋蔥做成。漢堡是厚厚的，外層煎至香脆內層依然多汁，還可吃到少少洋蔥的香味呢！芝士漢堡包是本人最常吃的漢堡包，因為吃大漢堡對女孩子來說有點狼狽，（所以吃之前記得先準備好紙巾）以前我會很喜歡吃雙層芝士蛋漢堡包，因為一個當午餐已經好飽。而且這裡的雙層芝士蛋漢堡包裡的蛋是荷包蛋，蛋黃煎至半熟，

我地唔太熟紅磡D路, 都係跟住個地舖號碼, 一間一間咁跟住行先搵到. 如果唔熟黃埔街D路, 真係幾難搵. 下午茶時段, 成間舖都好多人, 連外面都坐到FULL晒. 店內有D油煙味, 有電視睇.我地叫左招牌芝士漢堡同芝士蛋漢堡. 整個漢堡, 感覺係新鮮. 飽係用嘉X漢堡飽, 蛋係即煎. 最特別係秘制醬汁同漢堡扒, 漢堡扒好新鮮, 有肉汁, 有口感, 鬆軟適中. 配埋醬汁係無械可擊.個人喜歡有蛋的漢堡, 因為有蛋比無蛋的更有層次感.

一直都有聽聞時新漢堡好好味 但好小會去紅磡 因此一直未能夠食到呢日咁岩要到紅磡 所以唔肚餓都要去試一試我叫左芝士漢堡配沙津汁 而朋友就叫左雙層芝士漢堡等左10mins到 漢堡包就到手 漢堡包熱辣辣 ! 可惜包片有點硬 !幸好漢堡扒肉質鬆軟 仲好juicy !

同事買過好多次請我食但係今次第一次寫食評芝士漢堡-呢個包比較普通秘製沙律醬好味~我都有同感! 最中意佢嘅沙律醬至於塊芝士就無咩特別啦同事話加唔加芝士, 其實個分別唔大 (姐係淨叫漢堡包都得)之前食過嘅豬柳蛋包都唔錯!!!同事呀同事!! Thank you so much

前兩天往大埔郊遊，在紅磡準備轉車往港島，心思思想食些小吃才回家，來到這間長駐金牌榜十大的食店。自己點了個包餐單層漢堡配奶茶（$17），同伴要了芝士漢堡（$13）配咖啡（$10），漢堡加熱底部微焦，牛肉加上碎洋葱煎香，配上沙律醬，作為小吃總算合格，奶茶咖啡只售十元也算合理，味道也不俗，最後加多一份波浪薯條（$11）甚是滿意，離場走人。（建議食客們離開前自行收拾餐後垃圾，好讓下位客人能入座進食）

一直得悉時新這家漢堡店很有名，終於有空跟好友一起去嚐嚐。於紅磡火車站一出，走大約十分鐘路便抵達。看了餐牌，選擇不算多，我選了最原始最著名的芝士漢堡。漢堡包的包烘得剛剛好，頗脆! 然後牛肉的確很鬆化很多汁，很美味! 整個漢堡包實在不錯，而且$12確是很便宜!!!另外還有叫薯條，味道很一般，我還是比較喜歡mos burger 的薯條。

好簡單...依道已經好多人講佢...so , i make it simple..一直都好想試下...就呢日同女友去試啦..好驚訝見到咁多人等...(我想,其他時間可能仲多人)好啦..我試咗,幾抵食...你問我係唔係好好食...我覺得OK啦...我唔係話佢唔好...但..我覺得這種港式...Burger, 我附近都有類似..(我住石梨,葵涌嗰頭,有間叫食口X)都有類似 Burger....看看其他人講佢... service 唔係太好....紅咗.....bahbahbah..我諗,佢地做唔停...都俾唔到什麼服務LU...可能,佢地唔想咁多人擁嚟添..anyway , 都係.....抵食....抵食.......同抵食啦....