肉肉強食 by 鋒膳 (已結業)

已經很久沒有去過扒房鋸扒了，今天去緬懷一下情懷🤗餐廳位於大廈一樓，需要上一層樓梯，店內地方寬敞，坐位空間感足夠 ，玻璃窗一邊的卡位，可以望到街景，感覺舒適。餐廳用上傳統扒房的紅色格子枱布，充滿懷舊感覺！這裏的食物份量好多，十分適合食肉獸，即使是男性都可以捧腹滿足離開呢！而鐵板餐款式除了有普遍的牛扒、豬扒、雞扒外，還有比較少見的漢堡扒、魚扒和羊架。可選黑椒汁/蒜蓉汁/洋蔥汁。+$22扒餐 可配 牛油餐包🍞+羅宋湯/忌廉湯🥣+白飯🍚/意粉🍝/薯條🍟+咖啡/茶🥤+甜品🍨♡鐵板鮮忌廉淡黑椒汁T骨牛魔王🥩$98看見鮮忌廉和T骨牛這個配搭很吸引，所以就點了一個嚐嚐。T骨牛好大件呢！餐廳建議牛肉點五成或七成熟，我點了五成熟，感覺肉質剛剛好，肉味濃郁，鮮忌廉淡黑椒汁這個醬汁味道也很不錯，把醬汁倒上去牛扒，忌廉加黑淑汁還變了有渾染效果呢！♡美式什扒$78 🥢必點🥢十分豐富！除了有牛扒、雞扒和豬扒外，還有平時什扒餐少有的腸仔、煙肉和雞翼。這裏的鐵板餐蔬菜配料都很多，有車厘茄、西蘭花、翠玉瓜和粟米🌽，而且都是很新鮮，感覺好像降低了一點邪惡感😂•牛油餐包🍞形狀跟平時外面吃的不同，是比較扁身。•羅宋湯🥣有很多配

長沙灣真不愧是美食天堂，這家港式鐵板餐廳收費好親民，還不收加一服務費。店內的裝修好寬敞，座位沒有平常鐵板餐廳那種笠痴痴的感覺，好衛生。肉眼 - $100有兩塊超大塊的肉眼扒好抵食。肉眼位置的油花特別豐富，有明顯的牛脂香，入口超軟腍。可選黑椒汁、蒜蓉汁或洋蔥汁，還附送惹味的蒜蓉。有幾片翠玉瓜、蘿蔔仔和粟米等平衡肉膩感。西冷牛扒 - $100西冷的肉質較厚實一些，入口很有嚼勁，外沿有一條白色的肉筋，牛肉味較濃郁。扒餐+$20餐湯可選忌廉湯或者羅宋湯，較喜歡酸酸甜甜的羅宋湯，帶微微辣，還有牛肉碎材料十足；另外，再加飯、意粉或薯條，當然不少得港式的波浪薯條，吸收多餘的扒汁；牛油餐飽有加熱過，帶微微柔軟，牛油還冰凍的。芝士漢堡包 - $48想不到有如此厚度的牛肉漢堡，入口好柔嫩不易散，又充滿肉汁；還有半溶化的芝士和芝士醬；加上經典配料蕃茄和生菜平衡膩感。凍朱古力+$5凍飲需要加$5，朱古力粉好濃郁可口。熱阿華田有香甜濃郁的麥芽香。甜品本地品牌CocoBerry出品的低脂小糖雪糕，雖然只有雲呢嗱味選擇，但好重香草味，一點也不甜膩。另外，或可以選擇啫喱。

突然好想去鋸扒，係長沙灣搵到呢間餐廳，一於上去食下！一望見餐牌就覺得好吸引，好多款扒類，而且價錢超實惠，大多唔過百，非常大眾化！▪️牛柳 🥩份量好夠，牛柳有兩大件，又厚身，雖然好厚身但肉質都腍，好容易就切開到！牛肉味算濃，肉質幾嫩！鐵板食寧舍好味，侍應倒醬汁上去時聽到炸炸聲，點左蒜蓉汁，有一堆蒜蓉粒俾埋，夠晒重口味！而鐵板上仲有好多配菜，翠玉瓜、甘荀、粟米粒、車厘茄，真係好豐富！▪️美式什扒🐂🐖🐓男友叫左什扒，牛扒、豬扒、炸雞翼、脆皮腸，煙肉有齊！食肉獸必點！豬扒好厚切，口感紮實！雞翼係生炸，勁好味！黑椒汁味道濃，用嚟撈意粉食好惹味！🆙升級套餐只需加$22，必須要加，價錢包括有:餐湯、白飯/意粉/薯條、牛油餐包、餐飲同甜品（雪糕或啫喱），超抵食！餐湯超足料；雪糕係Coco Berry！▪️芝士漢堡包🍔另外仲點左漢堡包食，估唔到咁大個！塊漢堡肉勁大塊，又juicy！芝士勁香，中間仲夾住蕃茄同沙律菜，個包有烘過，咬落有少少脆嘅口感，非常正！好滿足～

貴人出門招風雨室內出室外唔夠三分鐘就落雨出出入入左幾次都係咁🙃—————————————————————今晚我要鋸扒😤喺長沙灣見到有間樓上鋸扒餐廳上到去除左見到都幾多人就見到裝修好有懷舊扒房feel紅色格仔檯布由於好肚餓關係所以叫左個漢堡食大大塊厚厚嘅手打漢堡多汁又惹味都只係$48🤤全部扒餐都係鐵板上所以現場不停響起滋滋聲聽住呢啲聲真係越聽越肚餓雜扒餐一淋上黑椒汁就白矇矇一片肉香撲鼻 數一數雞牛豬都齊雞翼豬扒牛扒煙肉仲有腸仔 好豐富食完個禁正既雜扒再用汁撈埋個意粉完美中島個5成熟嘅肉眼都好大件👨🏽見到我個蒜蓉汁已經牛咁眼不停話啲蒜蓉唔要俾我🤣今次生熟程度真係控制得幾好懷舊扒餐唔少得一定係最後嘅甜品有雪糕同啫喱選擇識揀一定係揀啫喱多奶🙊為呢個懷舊餐劃上完美句號。呢度食都係免加一架👍🏻—————————————————————⦾ 肉眼 $88⦾ 雜扒 $78⦾ 轉套餐 +$22⦾ 芝士漢堡包 $48

長沙灣餐廳及小店有很多，但這間肉肉強食一直都受到網民推薦，說是性價比極高的扒房，「肉食者」最愛之類，因此我和太太便決定前去會一會位置（9/10）：位於東京街商廈1樓，由港鐵長沙灣站A2出口步行只需約3分鐘，附近就是長沙灣道及青山道，小巴及巴士線有不少，交通十分便利環境（8/10）：餐廳面積不少，一張張紅白格仔枱布，甚具傅統港式扒房的風格，餐桌大部份是卡位，而且比較為大張，令人感覺舒適服務（7/10）：餐廳設於1樓，需行樓梯前往，對走路不便的人及長者來說有點吃力。上菜算快，但鐵板有點太熱，上菜時牛扒已超過7成熟食物（8/10）：餐廳主打廉價港式鐵板及漢堡，其中最有名的是$20的鐵板餐，而且不不止便宜，份量也很足夠，味道亦算不錯，性價比十足西冷牛扒 $88西冷牛扒頗大塊，餐廳選用紐西蘭Affco牛肉，肉質嫩滑，沒有雪藏味，牛扒比較薄身所以較容易切，侍應弄錯了蒜茸汁，倒上了黑椒汁，很香帶點胡椒辣，味道不錯肉眼 $88肉眼同樣用上紐西蘭牛肉，比較厚身多汁，而且牛肉味濃，配上黑椒汁更突出肉眼的香濃可惜鐵板比較易熟，上枱已不慎超過七成了轉餐 (+$22/位)兩份牛扒都加配了套餐，包括餐湯、餐包、主

位於灣仔嘅鋒膳主打中上價嘅中式私房菜，一直都喺我嘅bucket list上面，近月仲喺長沙灣開咗一間子餐廳，主打平民扒餐，同樣力推宮崎快樂豬，標榜唔加鬆肉粉同食粉去醃製肉類，令人食得安心。同一般扒房一樣，扒餐價錢按照肉類嘅質素區分，不得不提用上宮崎快樂豬嘅吉列豬柳，只要廿蚊就享用到，的確係開心價。除咗扒餐之外，仲有唔少焗粉麵飯、咖喱同茶餐廳小食可以選擇，價錢合理。紅白餐湯質素唔錯，特別係羅宋湯，先生酷愛羅宋湯，但能夠獲讚並被佢飲清光嘅羅宋湯寥寥可數，我淺嘗一啖，味道的確鮮濃。餐包微暖，付上室溫牛油，中規中矩。嚟得當然要品嚐一下餐廳主打嘅宮崎快樂豬，吉烈豬柳同叉燒同樣用上宮崎快樂豬，我揀咗每日限定五十份嘅吉列豬柳，只需要廿蚊嘅吉列豬柳估唔到同樣係以鐵板上，倒上自選嘅洋蔥汁，鐵板吱吱作響，零舍吸引。厚切豬柳即叫即炸，入口肉質偏瘦有咬口，豬味鮮濃突出，非常推薦。先生就揀咗紐西蘭羊架，一客三件，配上豐富嘅薯菜同蒜蓉汁，同樣吸引。羊架八成熟，肉味香濃但唔羶，肥瘦適中，肉質彈牙而且唔韌，質素唔錯。手打牛肉漢堡超級巨型同厚身，完全無辦法一啖咬落去，兩個人分享都絕對唔係問題。六安士嘅漢堡扒混合咗Aff