阿杏飯團 (東海商業中心)

营业中

休息中

之前係網上就已經比佢吸引到，粉紅色花花既包裝好靚😍另外佢既飯團既搭配都好吸引，偏台式加日式既混合風味～飯團每一個都實的的好足料。lunch就咁食一個都已經夠曬飽！有時諗唔到食咩又想快快地食完一餐，呢個絕對係一個好好既選擇👍而且同一般出面食既飯團唔一樣既係，佢地用既係紫糯米，感覺更加健康，而且食落入面既餡料比米飯份量更加多！好正！ 1⃣️新宿燒汁牛扒飯團（$38） 飯團攞上手仲係暖暖地既，食落帶甜甜地既燒汁味～牛扒係正中間食落啖啖肉，仲有少少沙律醬既調味～佢入面仲有啲菜脯、肉鬆、油炸鬼、蘿蔔、蛋絲等等既配料。勁爆餡！  2⃣️芝士雞扒飯團（$43）（海帶+$8） 呢款既芝士冇我想像中既爆漿效果，食到芝士既香味，唔會感覺太漏😄雞扒係幾滑既，而且都一路食一路都仲有。中間仲有好多餡料～另外加左海帶，感覺多一份清爽～另外飯團既紫菜邊上面仲有層火腿包住😋  3⃣️鹹蛋煙肉飯團（$39） 鹹蛋呢款都幾有驚喜😳鹹蛋既味道搭配上沙律醬，鹹甜風味令成個飯團味道更加豐富！煙肉係切開曬混係飯團中間，配埋豐富既配料，啖啖都係滿餡既滋味～  4⃣️黑豆芝麻漿（$20） 好濃稠🤩feel到係真真材實料磨出黎既～養生暖胃必點！  5⃣️

正所謂越期待越失望，以前好鍾意食台灣飯團「西龍傳」，自從佢冇咗門市店之後，都成日掛住，加上又冇得飛台灣，終於等到有台灣過江龍嚟香港開分店，點都要去試一試。我叫咗個芝士雞扒飯團、同埋手作紅豆奶茶，飯團其實都叫做好食嘅，不過如果想食返好似以前「西龍傳」嗰啲呢就完全唔係嗰回事，佢嘅口味似日本韓國嗰邊，唔似台灣口味，至於紅豆奶茶，我覺得好普通，你去隨便一間飲品店都可能好過佢，不過仲有一點係我覺得非常失敗，就係佢支飲管係唔夠長？！😅