吞POT 雞煲火鍋.住家菜 (譽發廣場) (已結業)

以為平日嚟會冇乜人特登去食雞煲，估唔到7點半🕢嚟到已經差唔多張張枱坐滿哂🈵🈵🈵見到佢哋大部份應該都係幾個friend放工想傾吓偈飲吓啤酒🍻燒酒🍹汽水🥤爽返吓…呢啲配雞煲梗係perfect match啦！呢度樣樣都有，唔怪得揀呢度💯門口就已經聞到好香好大陣熟悉嘅雞煲味🐔🐔🐔成日諗起食完雞煲會好熱氣，又會好邪惡，就算有幾想食都卻步😈😈好彩呢度想過癮要麻辣又得🌶想養生要花膠底又得✨✨✨即刻同班朋友叫咗個花膠螺片雞煲，jeng啊好足料。花膠全部都大大塊又爽口，4個人share每人都食到at least幾舊，啲螺片夠哂彈牙又有口感，啲雞仲好入味好嫩啊🐥🐣🐥🐣。連食開辣中意重口味嘅朋友都唔會覺得呢個淡味，食落係好舒服嘅感覺，啱哂幾個女仔食。夠養顏可以補吓collagen啊嘛哈哈🧏🏻‍♀️😂雞可以揀原隻或半隻，我哋4個女仔嗌左原隻雞再加碟美國肥牛🐮，餃子set，手打丸同響鈴。芝士響鈴🔔🔔🔔必嗌呀啱啱炸起脆到saak saak聲!! 唔放湯食就脆卜卜💥💥💥，放湯食又係另一種風味💫我就推介浸2️⃣秒先食，入面啲芝士好拉芝啊🧀🧀🧀🧀🧀🧀店員service都好唔錯啊，下次會再嚟😍

今日重陽連假同男朋友去食佢最愛既雞煲，Book左呢間出年full booking既吞pot!我地一黎就叫左個香辣雞煲估唔到bb辣都咁辣😖😖下次要叫返個唔辣既食得辣既人一定要試！我地叫左半雙雞 份量都好多好夠食之後仲叫左菜菜籃、手打墨魚丸、豬肉片、芝士響鈴😝菜菜籃入面有生菜、小棠菜、同埋3-4種唔同既菇，啱晒選擇困難既人！手打墨魚丸係宇宙無敵勁推薦！超滑又好新鮮！🤩好正！豬肉片份量比兩個人都啱啱好芝士響鈴係爆晒芝士漿超邪惡🤤🤤

今日慶祝朋友生日，咁梗係食雞煲🙈傾吓計。我覺得永遠打邊爐啊燒烤啊呢啲都係傾偈好埸合。雞煲叫咗BB辣，雞煲即上即刻食得🐥雞煲醬汁濃，啱晒我重口味！ 初初食都覺得唔辣，越食越辣越麻💕雞煲梗係要有肥牛㗎啦，我哋叫咗個頂級雪花肥牛，價錢＄228，好大碟，都夠四個人食。牛肉肉質好冧，唔會好煙韌，切得都夠薄身，價錢來講呢個質素，已經不錯了！！自家炸爆芝士響鈴叫咗三條，好大條呀原來，好鬆脆，但我鍾意煮到林晒先食，咬落去芝士啱啱好，因為太多就太溜。店內環境都舒適嘅，仲有個大玻璃可以睇到街景，好得意呀，擺咗一家大細嘅雞仔喺度❤好難唔影下佢哋！整體來講，呢間雞煲都適合朋友一路飲野一路食嘢吹水🙈較為熱鬧呀！！

今日傍晚嚟到油麻地度睇電腦，就食埋飯先返屋企。可能依兩日天氣凍，突然好想食雞煲，諗起有朋友推介，就嚟咗呢度試下。一入門口就見到非常非常之靚嘅旺角市區夜景，簡宜有種大地在我腳下嘅feel。坐低之後店員就會隨即奉上「混醬寶盒」俾客人混醬。睇下有咩食先～依度算係主打雞煲，仲有好多款唔同款式嘅湯底，但今日一心衝着雞煲而嚟，所以就揀咗重慶麻辣雞煲，要BB辣。因為已經有半隻雞嘅關係，唔想食太多肉，所以就另外再點左一啲海鮮同配料，再要左杯鹹檸七，好豐富喇！首先嚟嘅係飲品，食雞煲呢啲比較重口味嘅嘢，飲杯冰凍嘅鹹檸七，就又聚火又解辣喇！而且依度嘅飲品都超大杯，食火鍋令人飲得盡興好緊要！然後主角雞煲就嚟喇！雞煲嘅雞件本身已經熟咗，輕輕滾翻熱佢，就可以開動喇！雞件好大件，好厚肉，醬料掛得啱啱好，味道當然係夠，但係唔會太油太鹹，BB 辣仲有少少刺激，就算係冇送白飯都唔係太重口味。之後其他配料就陸陸續續咁嚟喇，叫咗脆肉鯇魚腩、桂花蚌、手打牛丸、冰菜同埋佢哋招牌嘅芝士響鈴。食晒雞件之後就叫店員嚟加湯，因為叫咗蔬菜，唔想太油，於是我就撇左啲油佢就岩岩好喇！冰菜係冬季限定嘅，上邊係好似有一粒粒水珠咁，食落係非常之爽脆

同一班朋友聚會最好就係打邊爐，今次揀左雞煲一去到呢間餐廳首先係比佢高樓景吸引左先haha,環景都幾舒服！我地叫左個小辣雞煲，濃味得泥d雞都好嫩，好好食佢既豉油配料都好多款選擇，個人幾鐘意右下個款麻辣配料。肉類我地叫左一款牛小排，五花肉同埋熟食既wasabi牛柳粒。個五花肉襯個雞煲湯底好好食，半肥瘦岩岩好佢呢度個招牌係手打丸類，叫左一樣咩都有d,果然好彈牙無令我失望 鐘意食內臟既人可以叫佢個牛柏葉同埋鵝腸，好爽脆同埋一d腥味都無，正呀！最出色既一定要試佢個新鮮炸起既芝士響鈴，咬落去仲熱同埋脆卜卜，仲唔會太油！一個人食兩件都得飲品都唔錯的因為夠大杯，西柚梳打好清新，唔會飲野飲到滯左呢間餐廳員工服務態度都好好，份量適中，價錢合理，一班人食最岩

其實呢間吞POT第一次食，order一個藥膳雞煲。 因為我地只係3個人, 所以只係叫左半隻雞。嘩，係幾正，D湯好濃，裏面D雞份量好足，湯唔肥膩，好鮮甜又補身，正呀!!! 夠晒我地3個人食!D打邊爐料最好食係芝士響鈴，芝士響鈴即叫即炸，腐竹味道香濃，同芝士味好夾! 正到暈! 食嘅時候要小心芝士係Bi出嚟, hahaha XD肉類方面叫左牛柳粒,豬頸肉同埋魚, 個牛柳粒D肉好鬆軟，有牛的脂肪油香，D牛味好重，真係好食，份量夠晒我地3個人食! 碌耐左少少但都完全唔韌,非常讚!第二推介會係豬頸肉, 油香十足!order左豆卜生菜金菇菜, 吸盡湯底精華, 好味!個湯唔會太油所以D野食吸晒精華之後味道岩岩好, 超級好味!!! D生菜幾嫩仔，有種好特別菜味，越吃越好味。呢餐無食貴價海鮮，但呢度湯底同食材新鮮，唔錯!餐廳環境唔錯, 平時啲雞煲餐廳比較迫, 但呢度位置都分得夠開, 好岩靜靜地傾下計唔會好嘈! 而且呢度食物方面性價比高,份量大份! 正呀!

上個星期就打算緊今個禮拜要食餐雞煲先得，之前食lunch時見到原來樓上有間雞煲，今日放工叫埋同事一齊試下！我地收6點收工，來到先6:10-6:15，原來這間雞煲做緊7:30前離座，配料小食都有半價！好抵一來到服務員就遞上九宮格既酱料比我地，咩款都有嫁拉。我同朋友都中意食辣，來到呢到緊系叫返個重慶雞煲拉！但我感冒未清只叫了小辣雞煲好快就來到！！香噴噴睇落好入味呀！熱辣辣出哂煙雞肉好嫩，好入味，好夠味！小辣的辣度對於我來講剛剛好配料叫左個佢地呢到好hit既芝士響鈴🔔，因為是即整，店員叫可以盡快點汁享用我吾中意太淋既，成舊點哂汁就食拉！好脆，同芝士好夾，中意芝士既我又推薦大家拉我地仲叫左牛柳粒，始終食呢d煲無牛點得呢牛肉有牛味，有少少筋，但吾會un，肥瘦適中，吾錯！呢到既手打牛丸有5款，好難揀，樣樣都想試，所以揀左個咩都有哂既，5款各有特色，最中意芝士牛丸無錯，又系芝士最後點少得稻庭烏冬呀！吾好浪費個汁！烏冬吸哂d汁！煙煙unun，食完超級飽，好滿足！