Cafe Zense

营业中

休息中

銅鑼灣一向隱藏不少樓上cafe，今次就來到已經開業十幾年的老字號咖啡店 Cafe Zense。小店面積不大，座位不多，但簡約裝潢配以綠色植物點綴，室內風格和諧溫暖。戶外用餐區空間較開揚，享受慢活時光。餐牌款式多元化，飲品選擇之多，讓人花多眼亂。手撕法國油封鴨腿肉牛肝菌意大利飯 $158傳統法國油封鴨腿肉先經過醃製，再泡浸於鴨油中，配以低溫慢煮的手法來保留飽滿肉汁，手撕拆肉再混入飯粒中鹹香入味。Risotto 煮至軟硬適中，入口奶滑煙韌，米心帶有嚼勁且不易軟爛，散發濃郁菇菌香氣。慢煮24小時美國安格斯牛肋骨伴乾蔥紅酒燒汁 $298牛肋骨大件厚肉，表面烤焗得帶有焦香，慢煮方式不怕高溫破壞食材的蛋白質而影響口感。牛肋骨脂肪比例較高，配菜有半個烤蒜，透過高溫能軟化大蒜質地，散發濃烈蒜香。中心位仍是嫩紅色，肉質細嫩鬆軟，保留著豐滿肉汁，牛味醇厚，尤其適合搭配紅酒醬汁那種深沉酒香，牛角窩夫伴栗子蓉·糖漬栗子·鮮忌廉 $108Croffle即是 Croissant （牛角包）＋ Waffle （窩夫）的混合體，比傳統窩夫款式更酥脆鬆軟，保留牛角包一層層的酥軟分明層次，牛油香氣濃盛。一絲絲香醇綿密的栗

今次又介紹一間慶祝生日嘅餐廳俾大家！無論甜品定係嘢飲都好高質😍～而且室內室外嘅位置感覺都好休閒好舒服😌💂🏼《芥末籽忌廉蟹肉雜菌意大利扁面》 $118一入口已經有好香嘅味道，而且仲有好多蟹肉掛喺扁面上面，忌廉唔會太濃太稀，Creamy嘅程度啱啱好☺️雜菌令到成個意粉更加香，如果個意粉煮耐多兩分鐘會更好✨評分: 85/100💂🏼《西班牙海鮮飯》 $228呢個飯都要等一段時間，份量係For 2-3人嘅👭🏻，上面嘅海鮮都好有鮮味，不過個飯就淡咗少少🤏🏻。加啲檸檬汁食更加香😝～評分: 75/100💂🏼《炸魚薯條伴香茅他他醬》 $118份量十足！有兩大塊炸魚柳，而且魚肉非常滑，配埋呢個有少少香茅味嘅他他醬，同少少檸檬汁，高質👍🏻薯條係幼薯條，都炸得幾香脆🍟～評分: 88/100💂🏼《德式班戟伴冧酒脆糖香蕉·朱古力碎》 $88係一個可以喺隔離加埋畫碟嘅甜品🥞，成份睇落超有霸氣打卡一流！鐵板上嘅班戟，加埋雪糕同啲cream，又甜又唔膩，不過因為鐵板，雪糕就溶得比較快🍦～評分: 90/100💂🏼《芝麻豆腐》 $52係我食過最好味嘅沙冰🍧😍超級推薦！一食落口芝麻味就好香，伴隨着淡淡嘅豆腐味，兩個味道勁夾，又

連鎖咖啡店毋庸置疑方便快捷，曾經更成為不少人生活中不可或缺的一部分，但自去年年中開始大家都已經逐漸減少光顧星巴克咖啡，而直到現在相信大部分人甚至都已徹底罷飲。在銅鑼灣下午想找個地方一歇，星巴克顯然並不會在考慮範圍之內，在網上一搜已經發現附近林林總總的咖啡店，最後選中了這間樓上咖啡店Cafe Zense。飲品方面從咖啡以至是茶飲及沙冰都一應俱全，總不比連鎖咖啡店少，而食物款式則主要以小食、甜品、薄餅和意粉為主。芝麻豆腐 ($52)據知這裡的豆腐沙冰好評如潮當然不容錯過，黑芝麻香氣濃郁之餘伴隨陣陣溫醇豆香，兩者並駕齊驅配合得天衣無縫，而沙冰更甚至可以當成雪糕般享用，雖然當中有少量粗糙冰粒但質感大致上都甚為綿密。泰式冬陰功藍青口 ($148)藍青口約有二十隻之多，以鐵鍋呈上保持溫度，肉質飽滿更不會只得空殼，冬陰功汁香辣惹味，個人尤其喜歡伴菜的雜菌和三色椒能夠盡吸湯汁，惟鹹度稍高。不但服務態度良好，這裡的環境更是相當舒服，除了室內座位之外亦設有室外露天座位，不論是與朋友眾餐抑或是如我一樣想找個地方獨自慢活一下都會是個不二之選，還哪有到星巴克咖啡的藉口？

星期日隨便喺openrice搵cafe食 揀左Cafe Zense walk in 座位好闊落 仲好新淨 配合雲石枱 梳化仲有cushion 好悠閒舒服 出面仲有室外空間 環境唔錯飲品叫左芝麻豆腐 豆腐冰咁 好香芝麻味 好特別煙三文魚蒔蘿檸檬忌廉意大利扁麵好creamy 煙三文魚好強煙薰味 食落唔會太膩 不過檸檬味重啲就更好Zense雜錦拼盤份量大 賣相100分 有雞翼 薯條 雞串同腸 薯條同雞翼非常脆 好易入口 但雞翼 雞串同腸都有蜜糖 食落又有啲膩 如果加入其他調味會食得無咁大負擔因為可能食物少膩 以上份量可以食飽2個大人了 不過可以肯定嘅係 我同男朋友會再幫襯

今日到了Cafe Zense 食晚餐。平時成日都聽朋友推介呢間Cafe有格調，一入到去見到裝修都幾靚咼！我地點左招牌芝士薯條、香蒜辣椒蜆肉煙肉意大利麵、芥末籽忌廉蟹肉雜菌意大利扁麵。▫️▫️▫️▫️▫️▫️▫️▫️▫️▫️▫️▫️▫️▫️▫️飲品就叫咗曲奇豆腐、芝麻豆腐smoothies~🔸芥末籽忌廉蟹肉雜菌意大利扁麵聞落已經好香！一食入口有少少芥末味，但唔會覺得太搶。蟹肉好多，而扁意粉沾到好多汁👍🏻本來以為芥末味會好辣好嗆鼻，但原來咁樣煮又唔會太辣，反而味道好有特色又有層次。🔸香蒜辣椒煙肉蜆肉意大利粉好香嘅蒜味，煙肉都多呀！而辣度就適中，吊味就正好！意粉唔會好淋，所以較有咬口🔸招牌芝士薯條薯條炸得好脆，份量又多，芝士味好香，唔夠點薯條添呀！飲品方面，兩款都係豆腐沙冰。曲奇同芝麻味分別都好香，尤其係芝麻，好似芝麻攪碎左再混入豆腐，然後打成冰，所以好有芝麻咬口。總括而言，呢度裝修有格調，坐得舒服，好適合同朋友食飯傾偈。食物都好有特色，份量多，下次可以試下其他食物！