金鶴拉麵 (蜆殼街)

营业中

休息中

行開港島又想食日本野，所以就去咗天后呢間金鶴拉麵食晚餐啦😆之前已經食過佢其他分店，所以對佢地嘅menu/叫餐方式都有一定印象，同上次一樣叫咗個二人套餐👍🏻鋪頭入面有好多日系裝飾，感覺好似真係去咗轉日本咁🇯🇵半開放式嘅廚房仲可以望到廚師煮麵😗調味料都一應俱全，可以調配出自己鐘意嘅口味😍兩個套餐包小食同飲品，都只係$256，好平好實惠🤑今次我就叫咗個辛味拉麵，辣度適中而且又唔會話好重味精味😆拉麵材料非常豐富，有雞肉豬肉雞蛋筍絲等等🥰份量都好夠，滿足曬大食嘅我🤪朋友因為做gym關系就叫咗個慢煮日本雞胸飯碗飯好大碗而且都好足料，最後小食方面，叫咗唐楊炸雞同芥辣八爪魚🐙炸雞嗰皮唔會太厚，而且唔會太多油，重點係即叫即做，熱辣辣好好食😋芥辣八爪魚同出面飯團食到嘅差唔多，配埋飯食真係一流😋地址：天后炮台山蜆殼街6-16號寶榮大廈地下E號舖

上一次喺佐敦嘅分店度食，應該係因為晚飯時間掛，好多人排隊～所以今次揀到蜆殼街分店，仲要下午茶時間比我同朋友靜靜地坐下來食拉麵🍜門面，遠望有啲似居酒屋🏮店內環境偏暗，可以選擇坐吧枱牆壁上印有鶴嘅壁畫，令客人感覺置身於日本既餐廳一樣枱同枱之間有足夠嘅空間，幾鬆動，坐得好舒服😌餐牌，以黑色底為主。雖然選擇唔算多，但係每個拉麵既賣相都好吸引！但係對我來講，最重要嘅係質素，好嘢係貴精不貴多既《芥辣八爪魚》最先到既係跟餐小食，有咬口嘅八爪魚加上爽口既唐芹，配搭、口感非常好👍🏻芥末味不重，適合稍為怕辣嘅人，都幾適合做前菜嫁！《醬油拉麵》佢哋拉麵，賣相又真係幾有睇頭。材料有豚肉、雞肉、溫泉蛋同紫菜。拉麵麵質偏硬，夾開中間嘅豚肉，先見到原來有木耳絲。木耳絲爽口，湯底唔算鹹，濃度適中。溫泉蛋嘅蛋黃啫喱狀，好軟身稍為用力啲夾都會斷開《極濃 · 雞白湯拉麵》啡色嘅應該係炸番薯🍠片。湯底乳白色，好濃好杰。食左半碗已經覺得好飽啦！食到尾嘅時候竟然有驚喜，因為炸番薯片浸得耐，味道融入雞白湯，令到碗湯多咗一種獨特嘅香味！下次再嚟就識食啦，要一早將番薯片浸落湯度雞肉十分軟身整體質素都不錯，下次再嚟過！