村爺爺龍蝦湯.泡飯.燉湯專家

营业中

休息中

花膠螺片雞煲（$68+$25）雞煲好足料，有半隻雞喺裏面😍湯頭好清同喺屋企媽咪煲嘅一樣🤩加$25可以轉套餐，會多咗一個飯一個蠔油青菜同埋辣椒豉，套餐配有嘅川爺爺特色指天椒豉油，個人覺得好惹味，不過同行嘅朋友覺得太辣🤣花膠鮮雞魚頭湯（$88）呢個同花膠螺片雞煲好相似，同樣都係有半隻雞同埋用返雞湯底，不過就多咗一個魚頭，魚頭煮出嚟都幾多膠質幾鮮嫩，不過就可惜喺個湯度飲唔出有魚味～熱菜蜜（跟餐+$6）不過不失唔會太甜熱情果梳打（跟餐+16）一上到枱即刻「哇」一聲，因為係勁大杯啊

天時地利人和之下，終於有機會同男朋友食到村爺爺泡飯啦！相信好多人同我一樣，次次諗住去試，都會因為見到門面條人龍打退堂鼓。星期六的晚上6點頭，排我們前面有3組人，等左15分鐘左右就有位了。因為排隊果時，已經睇定貼係門面玻璃窗ge menu，所以一坐低就點得餐。花膠鮮雞魚頭湯加錢轉了套餐，白飯轉了稻庭烏冬，另外有一碟油菜和一杯熱飲。的確係真材實料，裡面有半隻雞，花膠仲幾厚身，雞湯鮮甜香濃，而且一d都唔油膩，飲完都唔會口渴。餐具細心跟了刀叉和一對手套，方便食到隻雞唔會嘥。殿海鮮龍蝦湯泡飯龍蝦湯和飯係分開上ge，最吸睛係半隻龍蝦！龍蝦肉質鮮甜，裡面仲有好多海鮮，例如帶子、青口、魷魚、蜆等等，用料十足。但呢個龍蝦湯比雞湯遜色啦，龍蝦湯味好淡，男朋友仲形容到好似坑渠水味咁，有點失望啦。南乳炸雞翼出面好少地方見到有南乳雞翼食，外面炸得好香脆，裡面雞肉keep住嫩滑，南乳味又剛剛好，私心推介！

假日去開油麻地，經過橫街見到呢間村爺爺門口竟然大排長龍，仔細睇原來門口貼滿晒得獎證書同媒體報導，既然自己又唔算太肚餓就決定排隊會一會佢!餐牌上嘅選擇多得令人眼花撩亂，經過一番掙扎我都係決定要花膠放棄龍蝦，估唔到又花膠又雞煲翅都只係六十幾蚊，價錢絕對係超值! 最後我要了個花膠螺頭雞煲翅，朋友就叫了個花膠魚頭雞煲，我地都另外加錢跟餐，一人一碟油菜食得健康一點。一上菜我就被雞嘅份量嚇親，竟然係隻中size嘅雞半邊上，而且食得出雞唔係一般嘅雪藏雞，雞肉嫩滑得來肉質又不失口感，雞嘅油香味相當突出，最重要係湯底溫和了雞油香及螺肉鮮甜嘅精華，無咁上下質素嘅食材就煲唔出呢種鮮香味，最後就當然飲得一滴都無剩。花膠同翅都厚身及大大片！朋友叫嘅花膠魚頭雞煲湯同樣有足料半隻雞，加上魚頭更能帶出鮮甜味，識食一定係將菜浸落湯底，吸收晒湯嘅精華味道一流。