樂天大喜屋 (已結業)

放題當然要吃刺身啦比較特別的鯛魚，但雪味有點重油甘魚好新鮮，厚切很正！鮮帶子就感覺比較細件赤貝，北寄貝正常象拔邦刺身都正常大赤身蝦很有水準，又甜又爽！有自助區，清酒，燉烏雞湯，雪糕，飲品自取。自取凍蝦，青口，大蜆都不錯，新鮮大隻。花膠很值得選，花膠很大有手掌禁大，厚厚地又軟臥，蠔油中有雲耳和西蘭花，很健康！中式菜很讚！西京燒魚魚滑帶甜甜麵豉味道，外焦內嫩好吸引！完全不用沙律醬壽司 鵝肝帶子壽司有點貨不對版，你們看到上面鵝肝嗎？超級細粒！除了這款不值，就是飯比較硬，不建議選壽司。食物款式很多，有120分鐘吃，可以用消費卷，所以我們才來。但付款是可惜失敗，只能用現金有點不開心！

以前會黎創興廣場Neway唱k，然後就會好好奇呢間咁長龍既自助放題店係咩名堂。今次終於的起心肝，睇吓係咪真係咁好食。好彩嘅係，我同朋友可以趕係六點放工前嘅時間過嚟就即刻有位坐。餐廳環境搭電梯上左兩層，就到咗餐廳啦。直行幾步就到櫃檯，近櫃檯嘅有一個自助空間，俾你拎嘢食。餐廳都係全層嘅，而左手邊主要係廚房。六點準時到達嘅我哋，暫時冇乜人。座位與座位之間有好大嘅空間，唔會太迫。侍應仲俾咗張四人枱我哋兩個人坐，感覺更加舒服。​收費價錢主要係$238或者$258，分兩段時17:30-20:15或者20:15-23:15，亦都可以自選17:30-23:15內任何兩小時，如果可以19:30前離座或者21:15後入座仲有85折添。餐牌總共有13張紙可以任點，分左一本薄係A-F餐紙，全部係冷盤類，而一本薄就係G-M，全部熱食。自助區呢個自助食物區真係超多嘢食，有唔同類型嘅甜品，糖水，湯，仲有唔同嘅飲品，見佢啲嘢食fill 得好密，夾起身仲有微溫。嘢食有餃子，章魚小丸子，菠蘿芝士腸串，想補身嘅你，仲可以揀藥膳雞腳，雪櫃就有唔同口味嘅雪條，仲有豆腐花，乳酪，西式甜品，飲品方面有果汁，汽水，呢啲放題就必有㗎啦