天龍軒

营业中

休息中

天龍軒一直都是on the list的餐廳，但交通對老人家嚟講唔太方便（無巴士直達），今日同家人慶生，終於嚟到啦！如果周末就只有12-2或2-4的選擇，平日就無限制，打來訂位時接線生很有禮貌，還留下了名字，前1日打來confirm booking時會confirm埋已預定的食物，今日有點事要遲半個鐘先到，酒店都安排到，預訂時無話要窗口位但都安排上。我們叫了香片茶，付上小食（琥珀腰果）蜜汁西班牙黑豚肉叉燒（半份），嚟之前做了功課，呢度的叉燒要預留，果然名不虛傳，比滿福樓更出色窩貼大蝦多士（半份），蝦偏淡味，點甜酸醬好食d原隻中東吉品鮑魚酥，入面係黑椒和牛粒、惹味，鮑魚好入味、比龍景軒好及大隻，牛油酥皮就龍景軒比較出色蔥茸星斑燒賣，富貴版魚肉燒賣，好味花雕蛋白蒸蟹鉗，朋友介紹話必吃，蛋白好滑（得好少），蟹鉗就蒸得有點過火訂位時留了壽桃但原來無蛋黃，又貴又麻麻地，糯米滋係蓮蓉餡、味道有驚喜，紅色那個原來是合桃酥家人去洗手間問服務員在哪，她還帶家人去，貼心的服務

因為有特別日子慶祝選擇去天龍軒食飯，本身知道咁高檔嘅地方食飯個價錢實好貴，因為食環境食氣氛食景觀食廚師手藝，食虛榮心，食材料，食質素食服務等等，但係原來仲有一樣嘢係計漏咗，係食嗰個上菜嘅時間節奏管理，我以前食嘢冇乜留意呢一個部份，因為可能好少去啲咁高檔地方，今日比我見識到天龍軒，我哋點完菜之後職員會好細心分析比我哋聽，上菜先後次序，每樣菜式食完之後都會有一個好好嘅空檔時間比我哋休息舒緩，飲下茶，唞下傾下計，再上另一道菜式，整個流程係好舒服好暢順，呢一樣嘢係我冇預期到原來係好重要，佢哋控制得到好好。之前喺網上睇到好多人都推介黑毛豬义燒，咁我哋訂位時職員都主動問我哋要唔要預留，我我都預留，點都要食嘅，同佢講因為有個特別日子慶祝所以嚟食晚飯，當晚我哋叫咗半隻炸子雞，花雕蛋白蒸蟹鉗（每人一份），炒野菌，最後加咗兩個甜品。食完反而更鍾意炸子雞，啲肉滑嫩到冇得頂，好香，雞皮好薄去晒啲脂肪，雞皮脆仆仆，好惹味，真係唔多夠喉，想再encore ，炸子雞係有驚喜，會令人（燈）咗一眼，义燒係好鬆化，但我攞唔到驚喜，另一道花雕蛋白蒸蟹鉗，三百幾蚊一位，滑嘟嘟到呢，好嫩滑，好似BB肌膚，蟹鉗又鮮甜，如果火喉控

第3次來訪了，這家在我心目中實在是全港第一中菜，不論是味道、食材、環境，還是服務都無可挑剔，性價比十分之高而頭兩次為了試菜，都是單點的這次才第一次試天龍軒的套餐首先是前菜：很高興每次來訪，前菜都是不同的，很有心思這次的前菜是醃製過的蓮藕、紅蘿蔔，配以鮑片，酸酸甜甜，十分清爽這次的可樂夠凍不夠氣照樣訂了黑毛豬叉燒，每人加40元把套餐的蜜汁叉燒換成黑毛豬叉燒了（先不說黑毛豬叉燒在這是必食的，這個價是一定會加的吧？）蝦多士外脆內軟，配上甜酸醬味道剛剛好椒鹽牛腩十分惹味，吃起來朋友說像鵝黑毛豬叉燒一如以往的鬆軟，燒的時間及醬汁味道洽到好處花雕蛋白蒸蟹鉗：蛋白蒸得滑溜，花雕份量剛剛好，不會太重酒味，也十分惹味椰王花膠雞湯：喜歡椰子的人一定喜歡，可惜我倆都不太喜歡太重的椰子味陳皮炆法國鴨腿煎鵝肝：鴨腿煮得像鵝一樣，沒有肉羶味，陳皮用來炆鴨腿後，加焦糖脆炸了，口感、味道一流，鵝肝煎得剛剛好，三種食材的完美配搭使菜式更上一層次不得不說，份量真的太多，吃到這道，我們的肚子已經飽了。但實在很美味的關係，決定勉強吃接下來的。生扣澳洲鮮鮑魚：少許腥味，醬汁一般，配菜太硬，不過不失。摩利菌蕃茄炒山珍：不過不失吧

今次嚟依間一星餐廳主席係慶祝生日，預早兩個月預留個window seat，一路望住日落一路食飲，真係享受咁望住個靚景梗係要襯番支紅酒先得，咁就開左支意大利既紅酒，幾易入口，價錢八百幾蚊算係咁啦由於唔太肚餓既關係，唔可以試到咁多款，所以唯有向餐廳侍應查詢可否份量減半，侍應亦好好咁問廚房，結果亦好體諒情況容許每件計，值得稱讚咁當然叫左好馳名既蝦多土窩貼，黑豚肉叉燒，花雕蛋白蒸蟹鉗，豚肉卷同埋東玻肉蝦多士窩貼，蝦肉彈牙又夠大舊，嚟多士就好脆，加上甜酸汁，係一個必食既前菜西班牙黑豚肉叉燒，切得好大好厚，咬落好淋又有肉汁，送紅酒一流花雕蛋白蒸蟹鉗，價錢真係好貴，不過食完又會覺得物有所值。蛋白入口好重花雕既香味，蛋白好滑配上啖啖肉既蟹鉗，食完真係滿足豚肉卷同東玻肉都係好食，不過就無之前嗰三樣咁特出去到甜品方面，就叫左個奶黃流心煎堆同埋楊枝金露。個煎堆一咬落去啲奶黃即係巴巴聲流出嚟，奶黃味道好好，超級好食。至於個楊枝金露就平平啦。依餐真係一個非常好既生日飯

三訂晚飯天龍軒, 但前二次都因突然有要事要取消, 第三次終成行,天龍軒的晚飯也實在一枱難求, 朋友是早一個月前訂枱的.因是望向青馬橋方向, 天龍軒 102樓的夜景真不算靚, 待應也說早上景色要比晚景靚得多, 老實說風景是其次, 食物好味才是最重要的.先來三個前菜芝麻海蜇凍鮑絲 - 清新可口腐皮蟹肉巻 - 啖啖都係蟹肉, 不錯芥未炸田雞腿, 微帶芥未香辣的法國田雞腿勁大隻, 不過鮮味欠奉.主菜點了西班牙黑毛豬叉燒 - 8件厚切半肥瘦叉燒, 平均一件 $30, 鬆化軟綿肥香又帶少少燶邊,需貴但真係好味, 和國金軒的叉燒皇不相伯仲, 兩雙煇映花雕蛋白蒸蟹鉗 - 薄薄而超嫩滑蛋白散發着輕淡的花雕酒香, 再配上碩大鮮甜的蟹鉗, 賣相靚食味佳.家鄉梅菜雞 - 雞需嫩滑, 但風頭絕對給墊底的梅菜蓋過, 梅菜實在太好味了, 大家吃光梅菜才吃雞.原個椰皇花膠燉雞 - 清潤香甜,花膠夠厚身, 比上次在嘉麟樓喝的花膠燉雞好得多.龍軒東坡肉 - 濃油赤醬肥肉蕩漾, 入口腍滑而不覺肥膩, 胆固醇早就拋到九霄雲外.甜品黑白流沙煎堆仔...香脆芝麻小煎堆內含着軟軟的奶黃 - 超讚! 因已太飽; 否則一定 enco