鮨政

营业中

休息中

聽朋友介紹有超大型海鮮丼都好想去試下，今次捉埋老婆嚟到上環鮨正試一試😋豪華海鮮丼(二人用) 呢個超大型嘅海鮮丼每日都唔同款，廚師會用到8至10款海鮮砌成，每日限量出售真係好受歡迎～每款海鮮都好新鮮～大大盤兩個人都有啲吃力😂另外仲叫咗季節限定鰤魚壽司同海膽軍艦 ，高質無腥味，鰤魚入口爽口，魚味新鮮！海膽壽司啲海膽好Creamy，唔會好大浸腥臭味，滿口都好幸福☺️～油甘魚刺身夠哂大塊又厚切，真係好正好好味😋茶碗蒸超滑，上面層高湯勁好味，好有驚喜，推薦比鍾意茶碗蒸嘅朋友，唔會失望。叫埋炸軟殼蟹嘅熟食，啖啖蟹肉不得了，而且唔會太油膩，真係幾高質，下次要再嚟食先得～同埋同場都好多外國人嚟，仲要係常客添👍🏻師傅得閒有時間就會同食客交流，非常尊重食客的意見👍🏻成晚除咗好味豪華海鮮丼之外，特別驚喜係從來未食過咁滑嘅茶碗蒸同埋超Creamy海膽軍艦壽司😍。真係好推薦食！👍🏻👍🏻

- 上環｜鮨政 -▪️五點刺身配迷你鰻魚飯定食🐟🍚有5款刺身，包括蝦🦐、帆立貝、三文魚🐟、呑拿魚🐟、油甘魚🐟。每款都好新鮮，仲要係厚切，蝦同帆立貝食落好爽彈，魚類油脂適中。另外有一碗迷你鰻魚飯，鰻魚都幾厚身，肉質柔軟，而表面少少焦香，再配上特製醬汁，更加突顯咗鰻魚香。定食仲包咗沙律🥗、茶碗蒸🥚、麵豉湯🥣，好豐富▪️火炙壽司6件配天婦羅定食🍣🍤壽司有帆立貝、吞拿魚蓉、三文魚、油甘魚、蟹柳，同埋鰻魚。經過炙燒後，啲油香迫晒出嚟。天婦羅除咗有蝦🦐，仲有幾款蔬菜，好似番薯🍠、南瓜🎃、茄子🍆、冬菇🍄‍🟫。全部都炸得酥脆，又唔會太油膩p.s. 餐廳每個月都有限定優惠，11月只要follow餐廳嘅社交平台，就會送一客御手洗團子🍡鮨政📍上環蘇杭街105號地舖

鮨政，上環既日本壽司店🍣日式壽司店木系裝修，簡潔雅致，好闊落既壽司吧，可以欣賞住師傅既製作過程🤩開枝薰酒配壽司作 惠乃智 純米吟釀，果香清新👍🏻壽司上枱，油甘魚，肥美鮮，滑身好味，北海道產帶子，非常鮮甜，亦都好厚切，口感⼀流😘火炙三文魚壽司，好香既魚油，⼀口size都好滿足，真鯛魚頭麵豉湯，季節限定，真係好新鮮既魚頭，好滑既魚肉，亦好鮮🤞🏻必試😋香葱呑拿魚手卷，見到師傅包都流口水，超滿足既魚蓉，紫菜香脆，好味👏🏻三文魚牛油果卷，幾refreshing，啱晒準備食第二輪🎌軍艦時間🍘飛魚子軍艦，幾爽脆，較輕口既感覺，三文魚子軍艦，大大粒魚子係口入味爆發，豐富到呢🤤配埋紫菜好好味，忍唔住再黎香葱呑拿魚蓉軍艦，⼀口食晒魚香再升級，滿足🫶🏻呑拿魚細卷，鉄火卷，輕身啲既感覺，都唔錯，食埋茶碗蒸，滑溜又濃香，完滿！😎相當鮮既壽司店🥳氣氛唔錯，服務又好，每月仲要有唔同既限定優惠💡食物質素特別係魚完全唔使擔心🐠推介🙌🏻

上環有日本師傅坐陣嘅Omakase‼️ 亦可以單點，縱使地理位置唔係市區，但都唔少顧客！環境唔算係旺區，但星期日較夜嘅時間到訪，都不停有客人入座。餐牌較少食omakase 餐廳係可以食單點，唔限你一定要食omakase。Follow社交平台仲可享免費蜜桃雪糕一客～ 刺身・寿司おまかせコース $1300包括：刺身3種・寿司10貫・本日おすすめ料理・味噌汁・デザート先來刺身3種，是日供應生蠔刺身、深海池魚及鯖魚。生蠔清甜；深海池魚纖細柔軟，口感順滑鮮甜；鯖魚配特調蒽，更突顯其清甜。本日おすすめ料理有海帶茶碗蒸，以海帶舖面，其鹹香配蛋好搭！仲有鹽燒香魚，皮酥肉嫩，骨肉容易分離。是日寿司10貫依次序為魷魚、伊左目、金目鯛、白蝦、吞拿魚赤身、池魚、三文魚籽、拖羅、北海道海膽及干飄卷配玉子。壽司都係已經由師傅調味好先上枱，唔需要再加芥末/點醬油，魷魚富有彈性；伊左目柔軟，魚油較重口感偏濃郁；金目鯛皮燒香帶魚油；白蝦滑嫰；吞拿魚赤身脂肪含量較低，肉質較結實；池魚加上香蒽，魚油脂突出；三文魚籽爽脆鮮甜；拖羅入口即化；北海道海膽超甜😍；干飄卷係用胡蘆醃瓜，配上玉子，甜度高，作最後一貫壽司就啱哂！味噌湯附