龍鳳廚坊 (已結業)

是日星期六行完山一大班好友嚟呢度食飯，訂咗張枱坐樓上近樓梯口會冇咁嘈吵行完山好肚餓，即刻飲咗預訂好嘅杏汁豬肺湯，再食炆班翅，喜愛食魚嘅朋友一定要預留，因為冇得去到先order其他小菜不過不失，這𥚃都係太子食晚飯的一個不錯選擇，如喜愛寧靜環境的傾計就未必適合

TVB飲食節目編審推介，雖然算不上十分驚艷，但勝在性價比高，五餸一湯一飯有蝦有鵝有牛腩四大兩小每個大人才162，物有所值。地點方便，服務不錯，晚飯時間都幾爆場，記得訂位。杏汁白肺湯－－朋友推介必點之選。杏汁味沒有想像中濃，反而自然易入口，飲落舒服，同席不好杏汁味的友人也能接受。青瓜脆腸－－點WASABI豉油，有新鮮感碌鵝－－招牌菜，枱枱都會點，賣相絕美，味濃肉嫰脆皮牛坑腩－－有個咖哩汁點，肉質過冧，還是馬灣輝記好食荷葉飯－－真材實料，大大份，同桌小朋友最愛欖菜肉碎四季豆－－味濃，調味一流

這天和朋友慶生, 見這店評語不俗, book 了這裡, 地方隔zip 但還是很多人來, 坐到出門口.我們叫了青瓜脆腸, 碌鵝, 毫餅, 賽旁蟹, 西檸雞, 牛柳條, 啫啫菜煲, 荷葉飯, 豆付.青瓜脆腸朋友都讚好食, 但我就覺得不太夠脆, 淋了一點, 可能我平時食開街邊一串串的那些爽脆得多.蠔餅不太多蠔, 賽旁蟹普通西檸雞是我至愛! 炸得鬆脆!牛柳條和菇挺濃味, 菇爽脆的啫啫芥蘭煲先慶熱個煲, 到上台的時候侍應才倒菜入去煲內炒, 一倒落去就聽到咋咋聲了! 熱辣辣, 好食!碌鵝半隻, 其實不知和潮洲鹵水鵝有什麼分別, 味道也差無幾荷葉飯只有飯, 味道頗濃, 但就不是荷葉香味. 埋單請埋人都只是$110, 食物質素不錯, 只不過侍應數量太少, 全店只有1,2個, 落單要等, 上菜要等, 加水要等., 總之叫侍應要叫極都無人來.

最終也試到早前人氣旺盛的龍鳳廚坊了，地點果然是說不出的偏遠，但若果知道地點，其實離太子港鐵站只是五至八分鐘路程。先上場的是青瓜脆腸，爽脆的青瓜放底，上面的生腸呈奶白色，而本身生腸也沒什麼異味，薑蔥，吃下去有些爽口有些軟軟淋淋的，除了略為鹹了點，作為前菜尚可。一見到賽香肉(dog meet)，朋友十分好奇為何香港有狗肉吃。這樣公然犯法的事誰會做? 其實店方只是用煮狗肉的做法去泡製那些肉少骨多的豬腳(豬手應該肥點多肉點)，放在抬的一下香味四溢，令人唾涎欲滴，可惜吃下去就是香料味過重的豬腳。碌鵝，看上去用鹵水汁，試下去有些分別的，有輕輕的酸味帶出(正常??)，汁是入味，鵝肉沒有本身的霸氣，不過肉質十分實，要咬開煞是費勁。友人想吃豆苗，可是不合時，最後選了芥蘭，上抬才把它放入熱力很高的鍋，「JAR」聲後煙一湧而上而香味溢出。我很怕芥蘭太硬，好在又不是，而本身不太喜歡芥蘭的獨有的菜味都給香濃的汁蓋過了，還算好吃的。無心插柳點的蠔餅，想不到是當晚最好吃的，一夾起來就知道油份比較少，碟底也不見油，一點油膩感也沒有，鬆脆的蛋內滿是肥美的蠔，以蠔餅來說已經很不錯了。魚麵，這個魚麵的魚味和彈性也讓人有在吃

星期日想近近地食餐飯，於是就諗起龍鳳。龍鳳而家好多好評，亦見好多人話遲去無位。於是未夠六點就去到，當晚所有枱已book, 但因為我地早，佢俾枱我地先，但就要我地7點交枱。之前都食過幾次，都唔洗點睇menu。青瓜脆腸、荷葉飯，水瓜酪、青欖白肺燉湯同清炒豆苗。由於少人，所以好快就有得食，等得最耐係個荷葉飯。青瓜脆腸保持一貫水準。生腸爽口無異味，而青瓜就拍得好入味，醬汁有少少帶酸，開胃。但今次d腸唔係好白，反而灰灰地，個賣相差少少。青欖白肺燉湯好大煲，每人有三碗，真係飲到成肚水。燉得夠火候，又足料，所以啖湯好夠味，好潤肺。好多湯料，有幾隻雞腳同豬肺。豬肺清洗得乾淨，絕不會有異味。清炒豆苗一個咁簡單嘅餸，都可以炒得好有鑊氣。出面食炒豆苗，通常都勁油。但呢度炒得唔錯，炒得有鑊氣之餘，又唔會成碟都係油。豆苗當做，好嫩，最愛佢獨特嘅草責味。鮮蝦水瓜酪記得上一次黎都有食，不過味道不太記得。炸得非常香脆，夠乾身，粉漿剛好，剛包住水瓜同蝦。水瓜軟軟的，而面頭又脆脆的，好香口。蝦新鮮彈牙，吃下去應該係鮮蝦。荷葉飯最後先到...睇落平平無奇，但食落去，味道又好正。用大大塊荷葉包住好多好多飯，好飽滿。份量好多，

香港其實有好多隱世食店，佢地無宣傳，地方唔方便，甚至可以叫做隔涉，但係出品非常之好，可能只有街坊或識食既人先識去，今次這間於太子與大角咀交界，位處大街與橫街之間的舖頭，有個好大既招牌，爆場度滿分，可是問過好多鍾意食既朋友都唔識，個名稱叫做龍鳳廚坊，甚有臥虎藏龍之勢。當日一行12人一早Book了位，而且預留了一鼎招牌燉湯及一隻碌鵝。到來時，已見坐滿了人，心想不妙，唔通要坐街邊，幸好原來有個閣樓，這樣反而更加適合我地一大班癲人，唔怕嚇親路人丫嘛。這間潮州食店沒有鹵水鵝，只有這味招牌碌鵝，整法是將整隻獅頭鵝，放入鐵鑊中，用汁慢慢旋轉鵝身最少二十分鐘，令到鵝身盡吸醬汁，所以這味碌鵝係非常之濃香入味。當隻鵝一上枱，當堂嚇呆了我們，原來一整隻鵝斬件後，仲大過一隻乳豬全體，但不過一會兒，各人已急不及待試食，由於這隻鵝油分充足，所以比較肥，但係一嚐之下，發現鵝肉異常嫩滑，沒有因不斷烹煮而令肉質變嚡，入味非常，真係一味必試既菜式。另一招牌青欖豬脯雞腳燉湯，味道雖然清淡及清澈，可是不失清甜，十分滋補，聽說青欖同豬肺都對身體好好，所以大家都飲了很多，一鼎湯大約可以分到差不多20碗左右。湯渣則有一大碟，可是不