莆田 (利舞臺廣場)

营业中

休息中

莆田Putien已連續7年榮獲新加坡米芝蓮一星✨選用新鮮自然的在地食材及傳統料理手法，呈現經典特色的福建菜，被譽為“新加坡中餐第一品牌”。 香港亦有多間分店，今次到訪了銅鑼灣店，裝潢散發著低調的中式雅致🍵茶芥(Hk$15位)：有養生明目的杞子菊花茶🥘兩道蟶子菜式(Hk$219): 有8款食法，點了「蟶子金黄蛋」和「 椒鹽哆頭蟶」，同樣金黄光澤、鹹鮮十足，各有特色🍲莆田荔枝肉 (Hk$98): 酸甜糖醋十分醒胃，豬肉粉薄香酥、掛汁入味，伴鮮荔枝肉滋味加倍🍗芋泥香酥鴨(Hk$98)：一碟有8大舊非常厚身，入口滿是蓬鬆酥脆🍚白飯(Hk$15)：粒粒白雪雪米飯夠靚仔，均匀中和餸菜的重味🥙黃金荷葉包($76): 兩隻外脆內軟的微甜荷葉包，充滿濃香芝麻味，配上蔥香醬濃的肉絲，夠晒惹味(All subject to 10% service charge)📍莆田Putien銅鑼灣波斯富街99號利舞臺廣場7樓A號舖 (港鐵銅鑼灣站 A 出口)

睇返舖頭既資訊原來4月開始就已經係蟶子最肥美既時間，今年絕不錯過😂食過二、三間莆田佢地既服務都好好，貼心度同禮貌都真係令人好舒服！甫坐下就先有前菜醃蘿蔔同菊花茶，可以再慢慢睇下本菜單（好厚呀！）😂家常豬碲凍$68凍凍地又咸咸地，個感覺幾得意😎黃金荷葉包$38/件（二件起）必點呀😂不論肉絲定個炸刈包都係出色，刈包夠脆夾住醬炒肉絲同洋蔥🧅係絕配黎架！鐵板鹽焗蟶$129最原始既鹽焗方法，可以食返蟶子最原始既鮮甜味！芋香鴨$98係爸爸最喜愛菜式之一😂成碟九成係佢食哂！通常出面芋蓉比例較高，但依到鴨肉比例同芋蓉差不多一比一，所以鴨香會高一點！莆田荔枝肉$98咕嚕肉用荔枝做配搭，成件事矜貴左，荔枝清新香甜，咕嚕肉唔算太肥所以唔會太漏！甜品時間：薄荷枇杷凍$48如果唔喜歡枇杷膏的話可能唔太啱食😅不過我係喜歡枇杷膏的，入口冰涼舒水！蓮子雪耳湯$48清潤之選❤️清心潤肺*設有加一服務費

難得秋風氣爽，今日放工同兩個朋友約咗喺銅鑼灣利舞臺呢間莆田食個飯，咁耐無見梗係要搵間坐得舒又靜靜地嘅地方食啦，同埋話晒都係連續多年米芝蓮推介福建菜~ 等咗大約十五分鐘到就入得去啦，入面地方唔算好大，環境都過得去啦。由於另外兩個都唔係好大食，所以三個人簡簡單單嗌咗三個小菜同埋一個飯，起初都驚唔夠食，點知最後都飽住走，所以份量都有保證。等緊呢段時間，就緊係傾下計飲啖茶先啦，呢度啲茶好甘香感覺都幾解膩，入口幾舒服。無幾耐食物就上枱喇~~~ 首先嚟既係佢哋季節限定香酥椒鹽跳跳魚，題外話...嚟之前諗住一心一意食佢個蟶子，點知呢期無得賣...咁就試下呢一個跳跳魚啦，以我對動物既認知，佢嘅學名應該係彈塗魚(好似係)... 賣相呢就一般㗎喇，點知食一條試下佢嘅味道都幾香，似九肚魚的Friend，佢又炸得好酥脆而且肉嫩，不過嫌佢啲骨都比較多，如果你哋食就要小心啲，特別係小朋友、老人家。食咗一陣間就到呢一個嘅酥糯芋香鴨出場， 佢個份量都算正常嘅，用芋頭包住鴨肉，鴨肉都算係香酥，不過感覺上就比較乾身少少，但勝在肉質都算鬆散，食嘅時都唔需要太大力咬，算係一個幾香口既小食。跟手就到呢一個嘅經典泡菜飯， 上枱嗰

尋日食過莆田嘅午市頭等餐，今日返尋味，因為太抵食。叫左兩個莆田午市頭等餐，$198兩個人，價錢相宜，仲包茶錢。尋日食黃花魚餐，今日就食另一個荔枝肉餐。荔枝肉餐包莆田扁肉湯，莆田荔枝肉，金湯時蔬，莆田主食3揀一，同莆田甜品。莆田扁肉湯莆田扁肉湯即紫菜餃子湯，一客7粒迷你餃子，再加紫菜同香莤蔥花。餃子係用魚皮餃包住蔥花同豬肉，味道唔錯。個湯幾清，好飲。莆田荔枝肉莆田荔枝肉一客八件，塊皮少少脆，熱辣辣上枱，肉質算嫩，當然有肥膏。個汁帶少少荔枝味。伴碟有燈籠椒，翠玉瓜一片同荔枝一粒。金湯時蔬金湯時蔬係豆苗，用左金銀蛋同蒜子一齊整。豆苗新鮮，份量唔少，金湯好味得黎夠健康，味道唔錯。興化炒米粉莆田主食3揀一，有紅菇海鮮滷麵，漁民紫菜燜飯同興化炒米粉。尋日試左紅菇海鮮滷麵，今日我哋揀左興化炒米粉。米粉整得夠乾身，算唔錯。配料同紅菇海鮮滷麵差唔多，有好硬嘅蟶乾，超迷你蜆仔，一隻去唔哂殼嘅鮮蝦，超迷你帶子粒，另外仲有少少豬腩肉片，小棠菜，娃娃菜，冬菇片，豆卜，仲有少量炸紫菜同花生粒增加口感。同紅菇海鮮滷麵一樣，海鮮配料質素就好麻麻。莆田甜品莆田甜品都係花生糖水。總括而言，試過黃花魚餐同荔枝肉餐，個人覺得

最鍾意食海鮮。有殼嘅海鮮我一定唔會放過。莆田係嚟自星加坡嘅品牌。有個米之蓮嘅推介。一定要來試試。其實以前已經食過。今日突然有想食蟶子。莆田係蟶子專家，所以揀咗佢。可能由於有電話訂位嘅關係。所以侍應就帶咗我哋去圓枱。比較寬闊坐得舒服。正。喜歡莆田入面淺藍色嘅牆身。有屋企嘅感覺。最近去做緊一個優惠。$198有兩碟聖子。 可以揀唔同嘅煮法。你哋可以睇吓餐牌上面嘅相片。 我哋叫咗下面嘅嘢食。1.酒糟聖子。呢個應該係今輪餐牌新嘅煮法。係凍食。聖子有好香嘅酒味浸住。由於凍食嘅關係，唔好加太多調味。可以食返聖子本身嘅鮮味。唔錯。2。蒜蓉蒸蟶子。呢個係最大路嘅煮法。 冇得輸。蒜蓉味好香。正。聖子嘅份量都足夠。我同朋友兩個人叫咗兩碟聖子。 其實食完仲未夠喉。3.自製滑豆腐。唔好睇佢個樣平平無奇。真係好好食。個豆腐真係非常之滑。送飯一流。4.莆田荔枝肉。其實一心諗住黎食蟶子。不過作為食肉獸。點都嗌過肉啦。都幾香。果肉有輕輕炸過。整法都幾開胃。有啲生果嘅鮮甜味。5.扁肉湯。湯入面加左醋會有一陣少少嘅 酸味。鍾意醋嘅朋友。會覺得幾開胃。但如果對醋。可能就未必會鍾意。不過佢好好。可以嗌一位嘅份量， 好細碗一個人

素有留意食家恩子的飲食經歷，之前看了她撰寫有關「莆田」的食評之後，不禁食指大動。對福建菜一向不太認識，相信今次會是個好機會上寶貴的一課。不過可惜一不留神，最終點的菜全部都不是特色的福建菜菜式！ 芥蘭豆皮, 4/5 喜歡吃腐皮的朋友，必定會愛上這道菜。豆皮鬆軟但有口感，配上切片的芥蘭，送飯一流。 芋香鴨, 3.5/5一件件擺成壽司一樣，賣相亮麗，再配以秘製香菇醬汁上枱。脆皮下的芋蓉略嫌厚了一點，但亦無損漂亮口感。 莆田荔枝肉, 3.5/5初嚐之後，感覺有點似咕嚕肉，但是酸鹼度比較溫和，沒有一般咕嚕肉的酸溜，相反蜜味較重，不錯。 包菜飯, 4/5 最後以一款包菜飯結束這個福建菜之旅。這款炒飯雖然不算特別乾身，但味道濃郁，而且口感極之豐富。足本的配料包括有香菇、生菜絲、豬肉粒和花生，特別喜歡廚師加入少許蠔豉粒，將菜式的鮮甜味推到更高峯，非常好吃！ 莆田印糕, 2/5 經過一輪商議，大家還是決定要吃些甜品。眾多選擇當中，侍應特別為我們推介了莆田印糕和炸南瓜餅兩款。不過胃納已無法盛載兩款甜點了，因此最終只點了莆田印糕。這款米餅賣相精美，可惜皮做得較厚，加上餡料太少，效果未見出色。

「莆田」，福建省沿海中部嘅一個城市，以為依間新食店過江龍喺嚟自國內，點知她來自星洲。近期星洲名店一間接一間晌香港插旗，之前有阿坤、樂天皇朝、Twelve Cupcake，新一員「莆田」大賣福建菜（閩菜），之前睇過啲飲食雜誌介紹，福建本身為三面環海嘅省份，海產、土作皆豐富，所以福建菜以新鮮、天然嘅食材，利用精細嘅手工，保留真味嘅烹調，做出反璞真味嘅菜式 。話晒都喺晌新加坡有十多間分店嘅過江龍，所以，捧場客都絡繹不絕。今晚實在有幸掹着食友車邊前來試菜，並多謝公關款待！店舖位於利舞臺之上，裝修簡約時尚，部份地磚及一啲假百頁窗，都帶有少少復古味。一入口右邊喺4人座梳化卡位，其餘較多嘅都喺4人座圓枱或方枱，少部份就喺6人或10座大圓枱，此外，仲有啲半開放式嘅「廂房」（設最低消費）。又為咗帶出農家樸素嘅味道，偶爾見到一排排、一幢幢公雞碗或醬油碟，感覺煞是有趣 。唔知你對福建菜菜式有幾多認識，小弟就對佢頗陌生，翻一轉菜牌，了解一下福建菜有咩菜式。基本上，菜牌內都分門別類，又圖文並茂，部份特色菜更加入一小段描述，所以，點菜時都可以從中有更多參考。 飯前果簡簡單單一小碗提子、西瓜、哈蜜瓜、火龍果粒

孤陋寡聞的我，初看這餐廳名字，還以為是日本餐廳，後來才知道是福建的一個市，可以來見識當地特色，實在感謝有關方面之邀請。座落在利舞臺，裝修簡約而典雅，粉藍色調的卡座，浪漫迷人，比西餐廳更浪漫，然而，這裏有一眾食肆林立，若非有一定的份量也很難立足，但經過這一晚的活動，我深信“莆田”甚具競爭力，因為所吃的，除了食物味道外，還吃出廚師的心機、用料之執著，真心很欣賞。酥炸蟶乾，採用來自莆田的蟶子乾，上粉炸，乾身的蟶子，帶有嚼勁，味道更濃郁，是尚佳的小食。冰浸苦瓜，廚師巧手地將苦瓜刨得很薄，以冰浸涼，入口無渣，甘甘的味道，正好洗滌味蕾以迎接各款佳餚。土筍凍，是冷盤，材料是沙虫，肥嘟嘟的，做成啫喱凍，淋些少醬油便是，雖然對沙虫這東西心存疑惑，但土筍凍之聞名，如雷貫耳，若有機會一試而不試，未免可惜，最後也鼓起勇氣放入嘴巴，其實又幾爽口，味道甘甜，食沙虫？駛也驚呀！一品醉蚶，日常生活中，甚少吃獅蚶，以辣椒，蒜，酒等浸醃，味道鲜美，令人再三回味。九轉小腸，以傳統九摺式將豬腸一條套一條而成，手工繁複，以滷水浸烚，爽脆好味。蝦苗拌紫菜，以第一次成長採割的頭水紫菜，質好量少，是最嫩的紫菜，拌入香醋，又放了幼小的