唐記包點 (荷里活廣場)

营业中

休息中

轉眼又來到星期五，午餐時間唔想食得太飽，想簡簡單單搵個抵食嘅午餐，於是就諗到去唐記包點買外賣。星期五嘅特價蒸飯，係梅菜蒸肉餅飯，每盒$20 ，有飯有菜有肉，的確10分抵食。而且份量好大，肉餅都有一大件，呢個價錢真係平絕鑽石山。今次發現糖機有新產品，就係阿華田流心包，正在做推廣，每個$5 ，見咁抵食就買咗一個試吓，留心好滑，有濃郁的阿華田味，幸好唔太甜，係非常之好嘅飯後甜品。既然去到唐記，就順便買多幾個包點，今早第二日嘅早餐，有菜肉包、叉燒包、黑芝麻包、馬拉糕、蔥花卷，買咗成袋夠一家人食，都只係$100鬆啲，又有早餐又有午餐真係好抵食。

一唔想煮飯，就會想起唐記包點的蒸飯同點心，夠抵食，宜家仲愈出愈多款。唐記包點仲有每日精選，星期一至日都有一款只售$20 的蒸飯。但今天的咸蛋肉餅不是我杯茶，所以點了$25 的北菇滑雞及梅菜肉餅，每個蒸飯都配上椰菜，提議大家豉油可以另上，這可以避免員工倒得太多豉油令蒸飯變得太咸及飯質變濕，又可以健康一點。蒸飯的份量足，飯身不會過淋，梅菜跟肉餅的比例剛好，肉餅厚身。而北菇滑雞，雞件夠滑，如果北菇再多一點就更好了。點心點了燒賣同雞扎，每款$17，燒賣肉質比較實淨，仲有杞子放面。雞扎用腐皮包著豬肚，豬皮，芋頭，大舊雞件，很足料。他們的蒸包愈出愈多款，有咸包有甜包，最近仲有新出阿華田包，好有創意呢! 我買了2 個凍包(香芋包及菜肉包)留待明天早餐，只需隔水蒸8 分鍾就食得，十分方便。晚餐連早餐, 2人份量都是$99，慳家之選。

唐記就像7-11 一樣, 總有一間係你隔離, 呢家中沒人煮飯，放工當然唔想煮，所以就決定買唐記番家企吃lor~~登登~~ 鳳爪排骨飯--是日特價飯, 最喜歡唐記的飯唔會重味精, 而且盒飯勁大盒仲配埋椰菜TIM!燒賣豬肉塞滿滿好實在, 杞子明目養神, 適合勞碌工作的我-滷肉滷蛋飯是我最喜歡的台式料理，估唔到唐記都有得食, 肥美的豬肉加上香濃的醬汁，超下飯, 而且仲幾美味！-我還順道買多幾個包點作隔天的早餐啊叉燒包-新鮮熱騰騰, 叉燒肥瘦適中, 包皮軟滑剛剛好香菇雞包香菇雞包有菇、有木耳，啲雞肉亦好實在, 有咬口菜肉包有菜有肉, 口感一流, 絕對是飽肚之選香菇蔬菜包食得肉多都要食番個蔬菜包, 欣賞唐記的素包唔會太寡, 都唔覺個包係無肉係入面 奶皇包最後仲叫左甜包奶皇包當甜品. 熱騰騰的包，裡面流出金黃色的奶皇，正!