萬芳冰室 (建德街)

营业中

休息中

某個星期五的早上,爸爸話難得見我咁早起身,獎勵我,俾我請佢同媽咪食早餐..嘩..乜咁厚禮呀? 之後就去左佢地口中嘅<懷舊>喇!一落車見到個門口..又的確幾有懷舊feel嘅 早餐選擇比普遍的茶餐廳少dd..但其實都充足,就早未有野落肚時,的確唔好比咁多選擇我 價錢都算可以接受吧~供應到11:30!!這對明明知道11點之後無早餐,但成日都趕唔切的我,是有點喜悅的!omg...全日供應小食好似好抵食喎 仲有<烚生熟蛋>..男友係個蛋怪,下次拉佢同我黎先!(其實因為個價錢係無包野飲ga嘛! )早餐B餐肉配通粉配炒滑蛋配多士餐肉都算厚,唔會切到考師傅刀功咁薄 通粉唔會煮得太腍爛哂咁 炒滑蛋夠滑唔會太老又唔油 多士剛剛好,唔會乾哂然後再因為一面掂住個碟D倒汗水,搞到濕左一面..哈哈..你明白的!媽媽的早餐A鮮牛意粉媽媽好鍾意個湯有放薑,食落都有薑絲跟太陽蛋&多士NICE最後爸爸仲叫多個菠蘿油都算OK..起碼上面皮無碎哂跌出黎不過如果再熱辣辣D應該會仲正

發現左呢間冰室好耐…但遲遲都未有黎開呢邊…今次終於掟起心肝 特登過黎…門口有懷舊黑膠…  如果入面有埋黑膠點播機就更加好…好似好耐無見過 dairy farm放係出面…原來仲有啫喱,大菜糕添...通常懷舊冰室既食物款式唔多…但勝在簡簡單單...主菜幾味...朋友選>>炒旦多士+义燒意+檸樂煲薑炒旦看似平平無奇...唔似好滑..朋友無咩評價...我偷了朋友兩條意粉同义燒...係好傳統而簡單...尚算OK...反而檸樂煲薑...未飲已經見到好足料>>好多薑絲...檸檬相信有半個...朋友讚不絕口...我選>>煎雙旦+鮮牛肉通+Dairy Farm milk雙旦變左X2...唔知係比錯左定因為有隻旦穿左...半生熟程度啱啱好...鮮牛肉唔"銀"...湯底居然好有牛肉味...真係估佢唔到...簡單而美味朋友貪心想試埋個菠蘿油...師傅好貼心...自動開左邊...可以一人一半...菠蘿包仲係暖暖的...牛油亦好厚好大件...