台灣館 (已結業)

夜晚又黎左淘大呢頭同個朋友食晚飯，佢話有間台灣野啲小炒好有鑊氣，環境開揚坐得舒服，想帶我去試下😊果然呢度好多座位都係靠著窗邊，清楚望到車來車往嘅街道，香港地應該唔太多餐廳可以見到呢個view😂😎我哋叫咗個招牌小炒王，蒜片牛仔粒，一杯香芋珍珠奶茶同一樽冷泡烏龍茶～小炒王配料非常齊全👍👍​蝦乾好大條，同銀魚仔一齊提升左成碟餸既鮮味😋​魷魚爽口，腰果香脆，韭菜花無渣，而且食得出好有鑊氣！👏👏​蒜片牛仔粒份量好多，成碟都係肉絕對無呃秤😂 (多到我同朋友都食唔晒🙈)雖然鹹左丁丁，但粒粒​牛都好似幅圖咁嫰滑，好食！😋​香芋珍珠唔會太甜，香芋味突出得黎唔會好似坊間有啲餐廳咁飲落係好假既人造味道👍👍 珍珠煙韌有咬口～​朋友果然無介紹錯！😍​

難得去開得寶果頭 發現依間餐廳好多人食 就睇下食咩 雖然話台灣野 但都有好多中式菜 仲有依家好興既酸菜魚同雞煲 差唔多枱枱都有嗌😛 .▫️蒜片牛仔粒 $88我地就諗住食下小炒就算😚 都有好多款可以揀 每樣跟一個白飯～ 牛仔粒份量頗多 啖啖肉 仲肉佐燒汁去炒夠香濃同有嚼口 送飯唔錯😛.▫️台灣三杯雞 $68好有鑊氣 落佐好多洋葱炒香 好夠味鹹淡適中 送飯一流🤤.▫️香芋珍珠奶茶 +$12.5跟餐可以半價加配飲品仲落佐好多胚芽係面個香芋奶茶好有小時候既感覺🤭甜度剛好 珍珠都好彈牙 .▫️冷泡茉香綠茶 +$6連依家好流行既冷泡茶都有🙆🏼‍♀️仲有烏龍茶同玄米煎茶可以揀～帶淡淡既花香味 綠茶味偏重食完咁油膩既野飲返茶就剛好了😛.總結餐廳真係好有人氣 晚飯時間都差唔多滿座 估唔到台灣野竟然會有中菜仲要連小炒都整得好唔錯真係好岩送飯😚下次要試埋酸菜魚先得～

放工後經常同朋友/同事去德寶商場食飯，商場入面既food court係我地飯堂，不過原來一樓有一間新餐廳叫台灣館。雖然餐廳有「台灣」二字，不過食物款式並非只有台灣菜，仲有烤魚、雞煲、家常小菜。餐廳座位非常闊落，作為客人坐得幾舒服，門口既紅磚牆幾有特色。- 蒜片牛仔粒牛仔粒份量多，肉汁豐富，如果蒜片炸得再香脆啲就好啦！- 芝士黃金蝦蝦既表面貼滿蛋黃碎，肉質鮮甜兼入味，令我想連殼食埋😝- 古早味珍珠奶茶🧋每一次光顧新既台灣餐廳，我都會試下珍珠奶茶，經典既古早味奶茶加上煙韌珍珠，勾起我對台灣夜市既思念，甜度適中更適合香港人。- 菊花蜜食左咁多熱氣野所以叫左菊花蜜，消暑解渴👍🏻