極品泰國菜館

营业中

休息中

大角咀小店，家庭式經營～泰國人主理，樣樣餸都好用心煮，真係食得出泰國風味！見到都有泰國人嚟幫襯，就知有保證🤣🤣椰子雞湯好椰、好足料，勁多菇同雞，香料都好足料🫶🏻🫶🏻以為佢細細兜，但5個人都飲唔哂！另外大讚蒜蓉包，真係整得好香、好脆卜卜，點吓個咖哩蟹汁仲！鹽焗烏頭都好食，個汁好味，酸酸甜甜～仲未講個大蝦粉絲，係我至愛🥰樣樣都真係好正宗泰國口味。老闆娘勁好客仲送咗椰汁糕，係童年回憶！但最後太飽，無叫到芒果糯米飯🥲🥲下次要再嚟試吓甜品

約了舊同事來大角嘴吃飯，事前沒有想過吃什麼好，逛下逛下看見這間小店，被外面的燒烤吸引了所以決定試一試。價格適中，不會太貴，兩人點了鹹魚芥蘭，烤雞，乾炒河粉，木瓜沙律，再加一個蒜蓉包。首先來個木瓜沙律，份量都幾多，料又足，辣度可以自由選擇，我哋叫咗中辣，對我來說辣度OK，木瓜不會太酸，味道不錯。蒜蓉包其實是老闆極力推介，佢話係佢哋嘅招牌菜一定要試，所以俾我哋叫兩塊試下，當然要收錢啦，蒜蓉包是烤的，充滿牛油香蒜味，非常酥脆，不用配咖哩吃都可以，一個字，正。之前在另一間餐廳食過濕炒河，太油了胃也受不了，所以今晚嘗試吃乾炒。這店炒得頗乾身，料又足，值得 encore。鹹魚芥蘭，菜本身已新鮮，鹹魚夠香口，不錯。烤雞真係值得推介，多肉又嫩，沒有肥膏，最重要係冇我最怕嘅血，配埋它們自制醬汁真係一流，冇得輸。真的不知道是否味道太好還是我們太肚餓，居然全部吃清光，一定會再幫襯 😀老闆話本身店舖在東涌，最近才搬來大角咀，佢話味道會keep住泰國原有風味，好有heart 的一間小店。