沙嗲王 (眾安街) (已結業)

諗住去圓玄學院還太歲~去到荃灣諗住快快趣食個晏就去咗沙嗲王~去咖喱王當然要點白咖喱豬扒飯!白咖喱豬扒飯真係咖喱王嘅經典,咁多年都咁好食~今次嚟食,未影相就開動咗🙈仲叫咗白咖喱魚飯~雖然唔喜歡撈汁食飯,但係佢嘅白咖喱真係太正,每次都撈飯撈晒啲汁~鍾意佢嘅豬扒有好香香茅味,而且唔會太肥~至於炸魚就外脆內軟~仲有啲炸䓤酥喺頂,非常惹味~午餐跟餐仲可以加配蒜蓉牛油雞翼~一上檯已經聞到好香嘅蒜蓉味~新鮮炸起勁香脆~食咗咁多肉,叫返個菜~跟餐亦可以加配個櫻花蝦娃娃菜~份量唔多,但係幾香甜~

真係好耐無食沙嗲王啦～ 我對上一次食應該係成年前啦。之前間中都會跟一個朋友去尖咀加拿芬廣場個間食吓。因為覺得佢食物ok, 價錢唔貴，而且個度環境坐得舒服，又通常唔洗等位喎。但點知早兩個月想去食嘅時候先發現佢無咗，唯有帶住少少失望轉食樓下嘅茶木囉。不過，上星期另外有朋友約係荃灣食飯。朋友都唔知食乜好，咁我又少係荃灣食嘢。俾我見到荃灣有熟悉嘅沙嗲王，咁我就提議吓去食嘞^^