嚐囍煲仔小菜

营业中

休息中

為咗米芝蓮慕名而來，一行三人星期日來，6:00到取飛7:00先有位，等待期間在外面食過外賣先-薑汁九層糕$26.00，薑汁味好濃九層糕好煙韌超好食。等咗一個鐘入去立刻order三個煲仔飯先，再叫3個點心。一個鐘頭後煲仔飯同兩個餸才到，需然等咗好耐，但煲仔飯真係好驚喜，應該係我有史以來食過最好食嘅煲仔飯。服務嫲嫲環境麻麻。下次一定非繁忙時間到。

呢個秋冬都冇食過煲仔飯, 難得有一日可以早到西環, 可以唔洗排隊食到人氣米芝蓮推介嘅煲仔飯,之前食過一次最難忘都係蒜蓉粉絲蒸娃娃菜, 今次當然要encore鵪鶉蛋燒賣 - 製作煲仔飯需時, 食住點心等就最適合, 個人幾欣賞用燒賣皮包住粒鵪鶉蛋, 而唔係放係最面, 可惜呢家節省成本工場製作, 傳統點心越嚟越少蒜蓉粉絲蒸娃娃菜 - 娃娃菜上面鋪滿粉絲同金銀蒜, 娃娃菜清甜, 蒜蓉香濃惹味, 粉絲索哂精華, 個人必食推薦白鱔黃鱔滑雞煲仔飯 - 貪心要咗3個餸, 本身好鍾意白鱔同黃鱔, 加埋滑雞嘅雞油更香糯, 上枱自己加偏甜豉油再焗半分鐘就可以, 直接剷底都有香口飯焦, 難怪入選米芝蓮推介長期人氣

之前試過幾次經過呢間《嚐囍》每次都見到一定排曬長龍心中印象覺得好似好好味加上鋪前貼滿拎過米之蓮獎，就更加大期望話說早幾日去開西環果區決定早啲去晚飯所以大約5:45pm就walk in拎飛排隊當時我地係第17張飛係門口出面排隊餵蚊😢等左1hrs 15min先入得....已餓扁PS. 餐廳6pm先正式開始晚市一入座即刻order食物同例湯要讚的是：燉湯好快送到有得飲！菜膽燉白肺（$48@盅）好清，無油係湯面無味精，飲師傅工夫！雖然味道少少淡，但好足料白肺好乾淨，而且好好味本身叫椒鹽九肚魚，點知話無曬sosad所以改叫椒鹽魚腩（$90@碟）椒鹽表皮正常，但係魚腩好乾身😢😢而且有好多魚骨，食得唔過癮😣嗚嗚，呢個真係不推薦大家跟住我地叫既煲仔飯到了！白鱔煲仔飯 ($98@煲)白鱔好味！肉滑！大骨易拆肉，呢個係讚的職員話先加豉油，再蓋煲焗30秒會更好味，我地試左係ok的~我地無將最底層既飯拌起，所以有好多飯焦而且飯焦好好味！鍾意吃飯焦的朋友可以去試應該就係職員話加豉油焗後既效果脆得來不會太乾身，而且再點甜豉油好好味見到評語話呢個菜好味蒜蓉粉絲蒸娃娃菜 ($78 @碟)我地又試下喇~ 點知...同普

朋友上次食完話幾好食，特登帶我嚟試吓，嚟到冇book位果然超多人🤯等咗都一段時間，最後仲要搭枱，面對面咁食真係尷尬到一個點🥲不過呢度真係多客嘅，令我都好期待🤣=====================🍚臘味滑雞飯 $98呢間煲仔飯入選米芝蓮指南，認真犀利！今次第一次嚟食，入口都覺得名不虛傳🤤煲仔飯粒粒分明，充滿炭香，飯焦都好香口🤩最驚喜係佢個滑雞，真係好嫩滑，而且有蘸過唔會冇味，真係幾好食😋🍆魚香茄子煲 $82呢個茄子煲對比煲仔飯相對普通，茄子唔夠腍唔夠入味🤔咸魚亦唔夠咸香，令整體唔夠重口味，同埋都幾油膩🥲🧄蒜蓉粉絲蒸娃娃菜 $78友人話呢個係必食🤣娃娃菜上面鋪滿粉絲同蒜蓉，蒜蓉應該有炸過(?)好濃蒜香！配搭埋娃娃菜嘅清甜，非常唔錯～粉絲亦索晒啲汁，幾好食🤤=====================總體嚟講，真心推薦呢度嘅煲仔飯👍🏻炭香味十足，配料亦好豐富，蒜蓉粉絲蒸娃娃菜都唔錯！不過呢度嘅服務就麻麻啦😅同埋兩個人嚟食要有心理準備搭枱🥲

期待已久想試既嚐囍，係米芝蓮車胎人美食推介之一😏最出名既莫過於佢既煲仔飯，但係要晚市先有，好彩呢日七點前到，唔駛點等位直入，不過再遲少少既話排幾耐就唔敢包🙈▪️ 白饍排骨飯（8/10）💲80落單後等左半個鐘左右上檯，白饍都夠肥美，排骨肥瘦適中，口感唔會好似之前永合成既韌身，仲帶有陣陣臘味既味道，而個飯質感粒粒分明，有住頗濃既白饍味，應該係油分逼曬出黎落個飯度，當然唔少得好香脆既飯焦😍▪️ 油鴨滑雞飯（7/10）💲72油鴨即係臘鴨，鹹度難免會偏高，雞都滑身，雞味不過不失，反而係啲雞油滲透落個飯度好香口😉個飯間唔中會有些少雞骨碎，同埋稍微濕左啲，不過好彩後來都有飯焦☺️▪️ 魚香茄子煲（7.5/10）💲72熱辣辣香氣四溢，食落富有鹹香既肉碎加上飽滿軟熟茄子，唯獨係會略為油膩，撈飯一流🤤▪️ 蒜蓉粉絲蒸娃娃菜（8/10）💲70呢碟粉絲同娃娃菜鋪滿蒜蓉碎，夠曬香濃惹味🥬🔎 整體評分（8/10）